மனம் மயக்கும் மூன்லைட் சில்வர் வேரியண்ட்டில் இன்று முதல் அமேசானில்.!

ஒரு 'மேட் இன் இந்தியா' தயாரிப்பு ஆகும்.!

கடந்த மாதம், அறிமுகமான இந்த ரியல்மீ 1 ஆனது ஆன்லைன் வழியாக மட்டுமே வாங்க கிடைக்கும் ஒரு ஸ்மார்ட்போன் என்பதும், இது அமேசான் வழியாக பிரத்தியேக விற்பனைக்கு வரும் ஒரு 'மேட் இன் இந்தியா' தயாரிப்பு ஆகும் என்பதும் குறிப்பிடத்தக்கது. விலை நிர்ணயத்தை பொறுத்தமட்டில், 4 ஜிபி ரேம் மற்றும் 64 ஜிபி சேமிப்பு கொண்ட புதிய ஒப்போ ரியல்மீ சில்வர் மாறுபாட்டின் விலை ரூ.10.990/- ஆகும். இதனுடன் 3 ஜிபி ரேம் / 32 ஜிபி சேமிப்பு மற்றும் 6 ஜிபி ரேம் / 128 ஜிபி சேமிப்பு மாடலும் வாங்க கிடைக்கும்.

விலை நிர்ணயத்தை பொறுத்தவரை.!

மூன்லைட் சில்வர் தவிர்த்து, ரியல்மீ 1 ஸ்மார்ட்போன், மொத்தம் இரண்டு வண்ண விருப்பங்களில் கிடைக்கும். ஒன்று டயமண்ட் பிளாக் ஒன்று, மற்றொன்று சன் ரெட் ஆகும். அவைகளின் விலை நிர்ணயத்தை பொறுத்தவரை, 3 ஜிபி ரேம் மற்றும் 32 ஜிபி சேமிப்பு மாடல் ஆனது (அடிப்படை மாறுபாடு) வெறும் ரூ.8,990/-க்கும், ஹை எண்ட் மாடல் ஆன 6 ஜிபி ரேம் மற்றும் 128 ஜிபி சேமிப்பு (பிரீமியம்) ஆனது இந்தியாவில் ரூ.13,990/-க்கும், நடுநிலை மாடல் ஆன 4 ஜிபி ரேம் மற்றும் 64 ஜிபி மாடல் ஆனது ரூ.10,990/-க்கும் வாங்க கிடைக்கும்.

6 அங்குல முழு எச்டி+ டிஸ்பிளே.!

அம்சங்களை பொறுத்தவரை, ரியல்மீ 1 ஆனது, 12-அடுக்கு நானோடெக் மெட்டீரியல் மூலம் செய்யப்பட்ட ஒரு பளபளப்பான மேற்பரப்பை கொண்ட டயமண்ட் பிளாக் பூச்சு கொண்டு வருகிறது. இந்த ஸ்மார்ட்போன் ஒரு 6 அங்குல முழு எச்டி+ டிஸ்பிளேவை கொண்டு உள்ளது. மீடியா டெக் ஹெலியோ பி60 சிப்செட் மூலம் இயக்கப்படும் இந்த ஸ்மார்ட்போன் 4ஜி ஆதரவையும் கொண்டுள்ளது.

செயல்திறன் அடிப்படையில்.!

4ஜி + 64 ஜிபி மாடல் தவிர 3 ஜிபி ரேம் மற்றும் 32 ஜிபி உள் சேமிப்பு மற்றும் 6 ஜிபி ரேம் மற்றும் 128 ஜிபி உள் சேமிப்பு என மொத்தம் மூன்று சேமிப்பு மாடல்களில் வெளியாகியுள்ளது. மூன்றிலுமே, 128 ஜிபி வரை சேமிப்பக விரிவாக்கத்திற்காக ஒரு பிரத்யேக மைக்ரோ எஸ்டி கார்டு ஸ்லாட் உள்ளது. ரியல்மீ 1 ஆனது, ரெட்மீ நோட் 5 ப்ரோ மற்றும் அசுஸ் சென்போன் மேக்ஸ் ப்ரோ எம்1 போன்ற ஸ்மார்ட்போன்களை பின்னுக்குத்தள்ளும் வண்ணம் (செயல்திறன் அடிப்படையில்), ஸ்னாப்டிராகன் 636 எஸ்ஓசி மூலம் இயக்கப்படுகிறது.

நீண்ட பேட்டரி ஆயுளை உறுதி.!

ஒரு 3410mAh பேட்டரி மூலம் எரியூட்டப்படும் ரியல்மீ 1 ஆனது, அதன் நீண்ட பேட்டரி ஆயுளை உறுதி செய்கிறது. அதற்கு ஸ்மார்ட்போனின் ஏஐ பேட்டரி மேலாண்மை துணைபுரியும். ஆண்ட்ராய்டு 8.1 ஓரியோ அடிப்படையிலான கலர் ஓஎஸ் 5.0 கொண்டு இயங்கும் ரியல்மீ 1 ஆனது நிறுவனத்திற்கே உரிய சிறப்பானதொரு கேமரா அம்சங்களை கொண்டுள்ளது.

விலைக்கு மீறிய கேமரா.!

ஒளியியல் துறையை பொறுத்தவரை, ரியல்மீ ஒரு 13 எம்பி பின்புற கேமரா மற்றும் ஒரு 8 எம்பி செல்பீ கேமரா கொண்டுள்ளது. ஒப்போ நிறுவனத்தின் பெரும்பாலான கேமராக்களில் இருப்பது போன்றே, இதிலும் buzzword AI பயன்படுத்தப்படுகிறது. உடன் முன் பக்கம் மற்றும் பின்புற கேமராக்களில் ஏஐ ஸ்டிக்கர் அம்சமும் இடம்பெறும். உடன் ரியல்மீ 1 ஸ்மார்ட்போனின் கேமராக்கள் ஆனது 296 முகப் புள்ளிகளை அங்கீகரிக்கும் திறன் கொண்டதாகவும் கூறமுடிகிறது.

ஃபேஸ் அன்லாக் அம்சம் இணைக்கப்பட்டுள்ளது.!

பிளாக்ஷிப் ஸ்மார்ட்போன்களில் இருப்பது போன்றே, எச்டிஆர், விவி மோட் மற்றும் பொக்கே விளைவுகளை வழங்கும் கேமராக்களை கொண்டிருந்தாலும் கூட, ரியல்மீ 1-ல் கைரேகை ஸ்கேனர் இடம்பெறவில்லை என்பது ஒரு குறை தான். ஆனால் அதை ஈடுகட்டும் வண்ணம் ஃபேஸ் அன்லாக் அம்சம் இணைக்கப்பட்டுள்ளது. இது பயோமெட்ரிக் சென்சார் இல்லாமையை எப்படி சரிசெய்யும் என்பதை பொறுத்திருந்து தான் பார்க்க வேண்டும்.