வா ராசா.. உனக்கு தான் வெயிட்டிங்.. 200எம்பி கேமரா.. 7050mAh பேட்டரி.. 100W சார்ஜிங்.. எந்த மாடல்?

ஒப்போ நிறுவனம் கடந்த மாதம் சீனாவில் ஒப்போ பைண்ட் எக்ஸ்9 அல்ட்ரா (Oppo Find X9 Ultra) ஸ்மார்ட்போனை அறிமுகம் செய்தது. இந்த புதிய ஒப்போ போன் வரும் மே 15-ம் தேதி இந்தியாவிலும் அறிமுகமாகும் என்று தகவல்கள் கசிந்துள்ளது. ஆனால் அந்நிறுவனம் இதுவரை எந்த அதிகாரப்பூர்வ தேதி அல்லது விலை விவரங்களையும் வெளியிடவில்லை.

டிப்ஸ்டர் Sanju Choudhary தான் இந்த ஒப்போ பைண்ட் எக்ஸ்9 அல்ட்ரா போன் மே 15-ம் தேதி அறிமுகமாகும் என்று தெரிவித்துள்ளார். எனவே இந்த ஸ்மார்ட்போன் இந்தியாவில் அறிமுகம் செய்யப்பட அதிக வாய்ப்பு உள்ளது. குறிப்பாக ஒப்போ பைண்ட் எக்ஸ்9 அல்ட்ரா மாடல் ஆனது தனித்துவமான வடிவமைப்பு மற்றும் தரமான அம்சங்களைக் கொண்டுள்ளது. இப்போது இந்த போனின் அம்சங்களை சற்று விரிவாகப் பார்க்கலாம்.

ஒப்போ பைண்ட் எக்ஸ்9 அல்ட்ரா அம்சங்கள் (OPPO Find X9 Ultra specifications): 6.82-இன்ச் குவாட் எச்டி பிளஸ் அமோலெட் (AMOLED) டிஸ்பிளே கொண்டுள்ளது இந்த ஒப்போ பைண்ட் எக்ஸ்9 அல்ட்ரா போன். மேலும் இதன் டிஸ்பிளே 3168 × 1440 பிக்சல்ஸ், டால்பி விஷன், PWM டிம்மிங், 144ஹெர்ட்ஸ் ரெஃப்ரெஷ் ரேட் (144Hz Refresh Rate),கொரில்லா கிளாஸ் விக்டஸ் 2 ப்ரொடெக்ஷன் (Corning Gorilla Glass Victus 2 Protection) உள்ளிட்ட பல அம்சங்கள் உள்ளன.

ஆக்டா கோர் ஸ்னாப்டிராகன் 8 எலைட் ஜென் 5 3என்எம் (Octa Core Snapdragon 8 Elite Gen 5 3nm) சிப்செட் கொண்டுள்ளது இந்த ஒப்போ பைண்ட் எக்ஸ்9 அல்ட்ரா ஸ்மார்ட்போன். இந்த சிப்செட் ஆனது மேம்பட்ட வேகம் மற்றும் செயல்திறன் வழங்கும். மேலும் அட்ரினோ 840 ஜிபியு (Adreno 840 GPU) கிராபிக்ஸ் கார்டு ஆதரவும் இதில் உள்ளது.

16ஜிபி வரை ரேம் மற்றும் 1டிபி வரை மெமரி ஆதரவு இந்த போனில் உள்ளது. அதேபோல் ColorOS 15 சார்ந்த ஆண்ட்ராய்டு 15 (Android 15) மூலம் இந்த போன் இயங்குகிறது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும் என்று தெரிவிக்கப்பட்டுள்ளது.

200எம்பி Sony Lytia-901 மெயின் சென்சார் + 50எம்பி Sony LYT-600 அல்ட்ரா வைடு கேமரா + 200எம்பி OmniVision OV52A டெலிபோட்டோ கேமரா + 50எம்பி Samsung JNL 10x பெரிஸ்கோப் டெலிபோட்டோ கேமரா என்கிற குவாட் ரியர் கேமரா செட்டப் கொண்டுள்ளது இந்த போன். குறிப்பாக இந்த போனின் மூலம் 8கே வீடியோ பதிவு செய்ய முடியும்.

செல்பிகளுக்கும், வீடியோகால் அழைப்புகளுக்கும் என்றே 50எம்பி கேமராவும் இந்த போனில் உள்ளது. இந்த செல்பி கேமராவும் 4கே வீடியோ பதிவு செய்யும். அதேபோல் 3டி அல்ட்ராசோனிக் இன்-டிஸ்பிளே ஃபிங்கர் பிரிண்ட் சென்சார் (3D Ultrasonic in-display fingerprint sensor), இன்பிராரெட் சென்சார் (Infrared Sensor)போன்ற வசதிகளும் இந்த போனில் உள்ளன.

ஸ்டீரியோ ஸ்பீக்கர்கள் (Stereo Speakers), டால்பி அட்மோஸ் (Dolby Atmos), யூ. எஸ். பி டைப்-சி ஆடியோ (USB Type-C audio) போன்ற வசதிகள் இந்த போனில் உள்ளன. 5ஜி, வைஃபை 7, புளூடூத் 6.0, ஜிபிஎஸ், குளோனாஸ் (GLONASS), கலிலியோ (Galileo), யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் இந்த சாதனத்தில் உள்ளன.

7050எம்ஏஎச் பேட்டரி கொண்டுள்ளது ஒப்போ பைண்ட் எக்ஸ்9 அல்ட்ரா ஸ்மார்ட்போன். எனவே இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 100W சூப்பர் வூக் ஃபாஸ்ட் சார்ஜிங், 50W வயர்லெஸ் சார்ஜிங் ஆதரவுகளும் உள்ளன. குறிப்பாக இந்த போன் சற்று உயர்வான விலையில் அறிமுகமாகும் என்று கூறப்படுகிறது.