விலை குறைக்கலாம்.. அதுக்காக ரூ.4000-ஆ.. Amazon-ல் ஆர்டர்களை தெறிக்க விடும் OnePlus போன்.. எந்த மாடல்?

ஒன்பிளஸ் நிறுவனம் அதன் ஒன்பிளஸ் நோர்ட் சிஇ 5 (OnePlus Nord CE 5) ஸ்மார்ட்போனை இந்தியாவில் அறிமுகம் செய்த வேகத்தில், அமேசான் இந்தியா (Amazon India) வலைத்தளம் ஆனது ஒன்பிளஸ் நோர்ட் சிஇ 4 (OnePlus Nord CE 4) ஸ்மார்ட்போனை அதன் அசல் விலையை விட குறைவான விலைக்கு விற்பனை செய்ய தொடங்கியுள்ளது.

இந்தியாவில் கடந்த 2024 ஏப்ரல் மாதத்தில் அறிமுகம் செய்யப்பட்ட போது ஒன்பிளஸ் நோர்ட் சிஇ 4 ஸ்மார்ட்போனின் ஆரம்ப விலை ரூ.24,999 ஆக இருந்தது. இது 8ஜிபி ரேம் + 128ஜிபி இன்டர்னல் ஸ்டோரேஜ் ஆப்ஷனின் விலை ஆகும். தற்போது அமேசான் இந்தியாவில் இது ரூ.2000 நேரடி விலை குறைப்பை பெற்று ரூ.22,999 க்கு வாங்க கிடைக்கிறது.

இதோடு சேர்த்து தேர்ந்தெடுக்கப்பட்ட பேங்க் கிரெடிட் கார்டுகளுக்கு ரூ.2000 டிஸ்கவுண்ட் கிடைக்கும் என்றும் அமேசான் இந்தியா பட்டியலிட்டுள்ளது. இப்படியாக ஒன்பிளஸ் நோர்ட் சிஇ 4 ஸ்மார்ட்போன் மீது மொத்தம் ரூ.4000 தள்ளுபடியை பெற முடிகிறது; இதன் இறுதி ஆபர் விலையை ரூ.20,999 க்கு கொண்டுவர முடிகிறது.

ஒன்பிளஸ் நோர்ட் சிஇ 4 ஸ்மார்ட்போனின் முக்கிய அம்சங்கள்:
- 120ஹெர்ட்ஸ் ரெஃப்ரெஷ் ரேட் உடனான 6.7-இன்ச் FHD+ AMOLED டிஸ்பிளே
- குவால்காம் ஸ்னாப்டிராகன் 7 ஜென் 3 (Qualcomm Snapdragon 7 Gen 3) சிப்செட்
- டூயல் ரியர் கேமரா செட்டப்
- OIS ஆதரவு உடன் 50MP ப்ரைமரி கேமரா + 8MP இரண்டாம் நிலை கேமரா
- 16MP செல்பீ கேமரா
- 100W SuperVOOC பாஸ்ட் சார்ஜிங் ஆதரவு உடனான 5,500mAh பேட்டரி

புதிதாக அறிமுகம் செய்யப்பட்டுள்ள ஒன்பிளஸ் நோர்ட் சிஇ 5 ஸ்மார்ட்போனின் விலை மற்றும் விற்பனை விவரங்கள்: இந்தியாவில் ஒன்பிளஸ் நோர்ட் 5 ஸ்மார்ட்போனின் பேஸிக் 8GB ரேம் மற்றும் 128GB இன்டர்னல் ஸ்டோரேஜ் ஆப்ஷன் ரூ.24,999 க்கு அறிமுகம் செய்யப்பட்டு உள்ளது.

மேலும் 8GB ரேம் + 256GB இன்டர்னல் ஸ்டோரேஜ் மற்றும் 12GB ரேம் + 256GB இன்டர்னல் ஸ்டோரேஜ் ஆப்ஷன்கள் முறையே ரூ.26,999 மற்றும் ரூ.28,999 க்கு அறிமுகம் செய்யப்பட்டுள்ளன. இது பிளாக் இன்பினிட்டி (Black Infinity), மார்பில் மிஸ்ட் (Marble Mist) மற்றும் நெக்சஸ் ப்ளூ (Nexus Blue) ஆகிய 3 கலர்களில் வருகிற ஜூலை 12 ஆம் தேதி மதியம் 12 மணி முதல் வாங்க கிடைக்கும்.

புதிய ஒன்பிளஸ் நோர்ட் சிஇ 5 ஸ்மார்ட்போனின் முக்கிய அம்சங்கள்: இது 120ஹெர்ட்ஸ் ரெஃப்ரெஷ் ரேட் மற்றும் 1400 நிட்ஸ் பீக் ப்ரைட்னஸ் உடனான சற்றே சிறிய 6.77-இன்ச் AMOLED டிஸ்பிளேவை கொண்டுள்ளது. 12ஜிபி வரை LPDDR5x ரேம் உடன் இணைக்கப்பட்ட மீடியாடெக் டைமன்சிட்டி 8350 அபெக்ஸ் (MediaTek Dimensity 8350 Apex) சிப்செட் கொண்டு இயங்குகிறது.

ஒன்பிளஸ் நோர்ட் சிஇ 5 ஸ்மார்ட்போன் ஆனது 50 மெகாபிக்சல் ப்ரைமரி கேமராவை கொண்டுள்ளது. இது சோனி LYT-600 சென்சார், ஆப்டிகல் இமேஜ் ஸ்டெபிலைசேஷன் (OIS) மற்றும் எப் /1.8 அபெர்க்ஷர் உடன் வருகிறது. ப்ரைமரி கேமராவுடன் எப்/2.2 அபெர்க்ஷர் உடனான 8-மெகாபிக்சல் அல்ட்ராவைடு கேமராவும் உள்ளது.

முன்பக்கத்தில், இது OV08D10 சென்சார் மற்றும் எப்/2.0 அபெர்க்ஷர் உடன் கூடிய 16 மெகாபிக்சல் செல்பீ கேமரா உள்ளது. மேலும் ஒன்பிளஸ் நோர்ட் சிஇ 5 ஸ்மார்ட்போன் ஆனது 7,100mAh பேட்டரியை கொண்டுள்ளது, இது சேர்க்கப்பட்ட அடாப்டருடன் 80W SuperVOOC சார்ஜிங்கை ஆதரிக்கிறது. கடைசியாக இது தூசி மற்றும் ஸ்பிளாஸ் எதிர்ப்பிற்கான IP65 ரேடிங்கையும் கொண்டுள்ளது