ஜூலை 5க்கு அப்புறம்.. பலரோட கையிலும் இந்த OnePlus போன் தான் இருக்கும்.. ஏன்னா விலை அப்படி!

ஒன்பிளஸ் (OnePlus) நிறுவனமானது, புதிய ஸ்மார்ட்போன் வாங்க விரும்பும் ஒட்டுமொத்த இந்தியர்களையும் "வளைச்சுப்போட" முடிவு செய்துவிட்டது போல் தெரிகிறது. ஏனென்றால், வருகிற ஜூலை 5 ஆம் தேதி அன்று ஒன்றல்ல, இரண்டு பட்ஜெட் விலை ஸ்மார்ட்போன்களை இந்தியாவில் அறிமுகம் செய்ய உள்ளது!

ஜூலை 5 ஆம் தேதியன்று, ஒன்பிளஸ் நோர்ட் 3 5ஜி (OnePlus Nord 3 5G) ஸ்மார்ட்போனுடன் சேர்த்து ஒன்பிளஸ் நோர்ட் சிஇ 3 5ஜி (OnePlus Nord CE 3 5G) ஸ்மார்ட்போனும் அறிமுகம் செய்யப்படும் என்று அதிகாரப்பூர்வமாக அறிவிக்கப்பட்டுள்ளது.

இதற்கிடையில், ஒன்பிளஸ் நோர்ட் சிஇ 3 5ஜி ஸ்மார்ட்போனின் இந்திய விலை நிர்ணயம் ஆன்லைனில் லீக் ஆகியுள்ளது. கிடைக்கப்பெற்ற தகவலை வைத்து பார்க்கும் போது, அறிமுகத்திற்கு பின்னர் ஒன்பிளஸ் நோர்ட் சிஇ 3 5ஜி ஸ்மார்ட்போனானது பட்ஜெட்-வாசிகளால் போட்டிப்போட்டு வாங்கப்படும் என்பது போல் தெரிகிறது.

நம்பகமான டிப்ஸ்டர்களில் ஒருவரான யோகேஷ் பிராரின் (@heyitsyogesh) கூற்றுப்படி, ஒன்பிளஸ் நோர்ட் சிஇ 3 5ஜி ஸ்மார்ட்போனின் இந்திய விலை ரூ.25,000 முதல் ரூ.28,000 க்குள் இருக்கும். இந்த ஸ்மார்ட்போன் அக்வா சர்ஜ் மற்றும் கிரே ஷிம்மர் என்கிற 2 கலர் ஆப்ஷன்களில் விற்பனைக்கு வரும் என்கிற தகவலும் லீக் ஆகியுள்ளது.

அம்சங்களை பொறுத்தவரை, ஒன்பிளஸ் நோர்ட் சிஇ 3 5ஜி ஸ்மார்ட்போனானது 120ஹெர்ட்ஸ் ரெஃப்ரெஷ் ரேட் மற்றும் 950 நிட்ஸ் பீக் பிரைட்னஸ் உடனான 6.7-இன்ச் லிக்விட் அமோஎல்இடி டிஸ்பிளேவை கொண்டிருக்கலாம். இது 12ஜிபி வரையிலான ரேம் உடனாக ஆக்டா-கோர் குவால்காம் ஸ்னாப்டிராகன் 782ஜி சிப்செட் மூலம் இயக்கப்படலாம் என்றும் எதிர்பார்க்கப்படுகிறது.

ஹைப்பர் டச் அம்சம் மற்றும் ஹைப்பர்பூஸ்ட் எஞ்சின் உடன் வரலாம் என்று எதிர்பார்க்கப்படும் இந்த ஸ்மார்ட்போன் பெரும்பாலும் ஆண்ட்ராய்டு 13 ஓஎஸ்-ஐ அடிப்படையாக கொண்ட ஆக்ஸிஜன்ஓஎஸ் 13.1 (OxygenOS 13.1) கொண்டே இயக்கப்படும். மேலும் இது 2 வருட ஆண்ட்ராய்டு அப்டேட்ஸ் மற்றும் 3 வருட செக்யூரிட்டி அப்டேட்களுக்கான வாக்குறுதிகளையும் வழங்கலாம்.

கேமராக்களை பொறுத்தவரை, இது ட்ரிபிள் ரியர் கேமரா யூனிட்டை கொண்டிருக்கும். அதில் ஆப்டிகல் இமேஜ் ஸ்டெபிலைசேஷன் (OIS) உடனான 50 மெகாபிக்சல் ஐஎம்எக்ஸ்890 மெயின் கேமரா + 112 டிகிரி அல்ட்ரா-வைட் ஆங்கிள் லென்ஸுடன் கூடிய 8 மெகாபிக்சல் சென்சார் + ஒரு 4செமீ மேக்ரோ லென்ஸுடன் கூடிய 2-மெகாபிக்சல் சென்சார் இடம்பெறலாம்.

செல்பீ கேமராவை பொறுத்தவரை, டிஸ்பிளேவின் மேற்புற மையத்தில் ஹோல்-பஞ்ச் கட்அவுட் டிசைன் இடம்பெறும்; அதில் ஒரு செல்பீ கேமரா பேக் செய்யப்படும் என்பது மட்டும் (டீஸர் போட்டோ வழியாக) உறுதி செய்யப்பட்டுள்ளது; ஆனால் அந்த கேமராவில் என்ன சென்சார் இருக்கும் என்கிற விவரங்கள் எதுவும் இல்லை.

விலை நிர்ணயத்தை கருத்தில் கொண்டால், ஒன்பிளஸ் நோர்ட் சிஇ 3 5ஜி ஸ்மார்ட்போன் ஆனது பெரும்பாலும் பிளாஸ்டிக் ஃபிரேம் உடன் தான் வரும். கடைசியாக இது 80W வயர்டு சூப்பர்வூக் (SuperVOOC) ஃபாஸ்ட் சார்ஜிங் ஆதரவுடன் 5,000mAh பேட்டரியை பேக் செய்யலாம்.