கிடுகிடுவென உயர்ந்த லேட்டஸ்ட் OnePlus 5ஜி போனின் விலை.. 9000mAh பேட்டரி.. 50எம்பி கேமரா.. எந்த மாடல்?

இந்தியாவில் ஒன்பிளஸ் நோர்ட் 6 (OnePlus Nord 6) ஸ்மார்ட்போனின் விலை சத்தமின்றி உயர்ந்துள்ளது. அதுவும் ஒன்பிளஸ் 15ஆர் போனுக்கு விலை உயர்வு அறிவிக்கப்பட்ட சில நாட்களில் இந்த ஒன்பிளஸ் நோர்ட் 6 போனின் விலை உயர்ந்துள்ளது. அதிகரித்து வரும் மெமரி மற்றும் சிப்செட் விலைகளைத் தொடர்ந்து இந்த ஒன்பிளஸ் போன்களின் விலை உயர்வுகள் அறிவிக்கப்பட்டுள்ளது.

8ஜிபி ரேம் + 256ஜிபி மெமரி கொண்ட ஒன்பிளஸ் நோர்ட் 6 வேரியண்ட் ரூ.38,999 விலையில் அறிமுகம் செய்யப்பட்டது. ஆனால் தற்போது இந்த வேரியண்ட் விலை உயர்த்தப்பட்டு ரூ.41,999 விலையில் விற்பனை செய்யப்படுகிறது. அதேபோல் இதன் 12ஜிபி ரேம் + 256ஜிபி மெமரி கொண்ட வேரியண்ட் ரூ.41,999 அறிமுகம் செய்யப்பட்டது. ஆனால் தற்போது இந்த வேரியண்ட் விலை உயர்த்தப்பட்டு ரூ.46,999 விலையில் விற்பனை செய்யப்படுகிறது.

ஒன்பிளஸ் நோர்ட் 6 அம்சங்கள் (OnePlus Nord 6 specifications): 6.78-இன்ச் 1.5K AMOLED டிஸ்பிளே வசதியுடன் ஒன்பிளஸ் நோர்ட் 6 ஸ்மார்ட்போன் அறிமுகம் செய்யப்பட உள்ளது. மேலும் இதன் டிஸ்பிளேவில் 2772 x 1272 பிக்சல்ஸ், 165Hz ரெஃப்ரெஷ் ரேட், 3600 நிட்ஸ் பீக் பிரைட்னஸ் உள்ளிட்ட பல்வேறு அம்சங்கள் உள்ளன.

ஆக்டோ கோர் ஸ்னாப்டிராகன் 8எஸ் ஜென் 4 4என்எம் (Octa Core Snapdragon 8s Gen 4 4nm) சிப்செட் உடன் ஒன்பிளஸ் நோர்ட் 6 ஸ்மார்ட்போன் அறிமுகம் செய்யப்பட்டுள்ளது. மேலும் அட்ரினோ 825 ஜிபியு (Adreno 825 GPU) கிராபிக்ஸ் கார்டு ஆதரவும் இந்த ஸ்மார்ட்போனில் உள்ளது.

OxygenOS 16 சார்ந்த ஆண்ட்ராய்டு 16 (Android 16) மூலம் ஒன்பிளஸ் நோர்ட் 6 போன் இயங்குகிறது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைககும். இன்-டிஸ்பிளே ஆப்டிகல் ஃபிங்கர்பிரிண்ட் சென்சார் (In-display Optical Fingerprint Sensor), இன்பிராரெட் சென்சார் (Infrared Sensor) உள்ளிட்ட வசதிகளும் இந்த போனில் உள்ளன.

OIS ஆதரவு கொண்ட 50எம்பி Sony LYTIA-600 சென்சார் + 8எம்பி அல்ட்ரா வைடு கேமரா என்கிற டூயல் ரியர் கேமரா அமைப்பைக் கொண்டுள்ளது ஒன்பிளஸ் நோர்ட் 6 போன். மேலும் செல்பிகளுக்கும், வீடியோகால் அழைப்புகளுக்கும் என்றே 32எம்பி கேமராவும் இதில் உள்ளது. குறிப்பாக இந்த போனின் மூலம் 4கே வீடியோ பதிவு செய்ய முடியும்.

IP66/IP68/IP69/IP69K ரேட்டிங் கொண்ட டஸ்ட் & வாட்டர் ரெசிஸ்டன்ஸ் (Dust & Water Resistance) உடன் ஒன்பிளஸ் நோர்ட் 6 ஸ்மார்ட்போன் அறிமுகம் செய்யப்பட்டுள்ளது. அதேபோல் இந்த போன் MIL-STD 810H சான்றிதழ் பெற்றுள்ளது. 5ஜி, 4ஜி வோல்ட்இ, வைஃபை 7, புளூடூத் 6.0, ஜிபிஎஸ், பெய்டோ , குளோனாஸ், கலிலியோ, யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன.

9000mAh பேட்டரி உடன் ஒன்பிளஸ் நோர்ட் 6 ஸ்மார்ட்போன் வெளிவந்துள்ளது. எனவே இந்த போன் இரண்டு நாட்களுக்கு பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 80W ஃபாஸ்ட் சார்ஜிங் வசதியும் உள்ளது. இதுதவிர பல சிறப்பான வசதிகள் இந்த போனில் உள்ளன.