பட்ஜெட் வாசிகளை குறிவைத்து ரெடியாகும் புதிய OnePlus போன்! என்ன மாடல்? எப்போது அறிமுகம்?

ஒன்பிளஸ் Ace 2

தனித்துவமான வடிவமைப்பு மற்றும் தரமான அம்சங்களுடன் இந்த ஒன்பிளஸ் Ace 2 போன் இந்தியாவில் அறிமுகமாகும் என்பதால் அதிக எதிர்பார்ப்புகளை உருவாக்கியுள்ளது. அதேபோல் இந்த ஒன்பிளஸ் Ace 2 ஸ்மார்ட்போன் ஆனது OnePlus 11R எனும் பெயரில் கூட அறிமுகமாகலாம். மேலும் ஆன்லைனில் கசிந்த ஒன்பிளஸ் Ace 2 ஸ்மார்ட்போனின் அம்சங்களைப் பார்ப்போம்.

ஸ்னாப்டிராகன் சிப்செட்

ஒன்பிளஸ் Ace 2 ஸ்மார்ட்போனில் கேமிங் பயன்பாடுகளுக்குத் தகுந்தபடி குவால்காம் ஸ்னாப்டிராகன் 8 பிளஸ் ஜென் 1 சிப்செட் வசதி உள்ளது. குறிப்பாக இந்த சிப்செட் சிறந்த செயல்திறன் வழங்கும். மேலும் ஆண்ட்ராய்டு 13 இயங்குதள வசதியுடன் இந்த ஒன்பிளஸ் ஸ்மார்ட்போன் அறிமுகமாகும்என்று தெரிவிக்கப்பட்டுள்ளது.

50எம்பி Sony IMX890 மெயின் கேமரா

அதேபோல் இந்த ஒன்பிளஸ் Ace 2 ஸ்மார்ட்போன் 50எம்பி Sony IMX890 மெயின் கேமரா+ 8எம்பி அல்ட்ரா வைடு லென்ஸ் + 2எம்பி டெப்த் சென்சார் என்கிற ட்ரிபிள் ரியர் கேமரா ஆதரவுடன் இந்த ஒன்பிளஸ் போன் அறிமுகமாகும். எனவே இந்த போன் உதவியுடன் துல்லியமான புகைப்படங்களை எடுக்க முடியும்.

16எம்பி கேமரா

மேலும் செல்பிகளுக்கும், வீடியோகால் அழைப்புகளுக்கும் என்றே 16எம்பி கேமராவுடன் அறிமுகமாகும் இந்த ஒன்பிளஸ் Ace 2 ஸ்மார்ட்போன். இதுதவிர எல்இடி பிளாஷ் மற்றும் பல கேமரா அம்சங்களை கொண்டுள்ளது இந்த ஒன்பிளஸ் ஸ்மார்ட்போன் மாடல்.

6.7-இன்ச் Fluid AMOLED டிஸ்பிளே

ஒன்பிளஸ் Ace 2 ஸ்மார்ட்போனில் 6.7-இன்ச் Fluid AMOLED டிஸ்பிளே உள்ளதாக தெரிவிக்கப்பட்டுள்ளது. பின்பு 120 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதியுடன் இந்த ஒன்பிளஸ் ஸ்மார்ட்போன் அறிமுகமாகும். குறிப்பாக இதன் வடிவமைப்புக்கு அதிக கவனம் செலுத்தியுள்ளது அந்நிறுவனம்.

ஒன்பிளஸ் Ace 2 ஸ்மார்ட்போன் 8ஜிபி/12ஜிபி/16ஜிபி ரேம் மற்றும் 128ஜிபி/256ஜிபி ஸ்டோரேஜ் வசதியைக் கொண்டுள்ளது. மேலும் கருப்பு மற்றும் நீல நிறங்களில் இந்த புதிய ஒன்பிளஸ் போன் அறிமுகமாகும் என்று தகவல் தெரிவிக்கப்பட்டுள்ளது.

100 வாட்ஸ் பாஸ்ட் சார்ஜிங்

விரைவில் அறிமுகமாகும் ஒன்பிளஸ் Ace 2 ஸ்மார்ட்போன் ஆனது 5000 எம்ஏஎச் பேட்டரி ஆதரவைக் கொண்டுள்ளது. எனவே சார்ஜ் பற்றிய கவலை இருக்காது. நீண்ட நேரம் பேட்டரி பேக்கப் கிடைக்கும். பின்பு 100 வாட்ஸ் பாஸ்ட் சார்ஜிங் வசதியுடன் இந்த புதிய ஒன்பிளஸ் போன் அறிமுகமாகும் என்பது குறிப்பிடத்தக்கது.

பட்ஜெட் விலை..

குறிப்பாக டூயல் சிம் ஆதரவு, 5ஜி, டூயல்-பேண்ட் வைஃபை உள்ளிட்ட பல சிறப்பு அம்சங்களைக் கொண்டுள்ளது இந்த ஒன்பிளஸ் Ace 2 ஸ்மார்ட்போன். அதேபோல் இந்த போன் பட்ஜெட் விலையில் அறிமுகமாகும் என்று தகவல் தெரிவிக்கப்பட்டுள்ளது. எனவே இந்த போன் அதிக எதிர்பார்ப்புகளை உருவாக்கியுள்ளது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.