மார்ச் 23: மிகவும் எதிர்பார்த்த ஒன்பிளஸ் 9 சீரிஸ் ஸ்மார்ட்போன்கள் அறிமுகம்.!

குறிப்பாக இந்த ஸ்மார்ட்போன்கள் அதிநவீன தொழில்நுட்ப வசதியுடன் சற்று உயர்வான விலையில் வெளிவரும் என எதிர்பார்க்கப்படுகிறது.
மேலும் ஆன்லைனில் வெளியான இந்த ஸமார்ட்போன்களின் சிறப்பம்சங்களைப் பார்ப்போம்.

வெளிவந்த தகவலின்படி ஒன்பிளஸ் 9 ஸ்மார்ட்போன் ஆனது 6.55-இன்ச் ஃபுல் எச்டி பிளஸ் டிஸ்பிளே மற்றும் 120Hz refresh rate
வசதியை கொண்டிருக்கும் என்றும், ஒன்பிளஸ் 9 ப்ரோ ஸ்மார்ட்போன் மாடல் 6.9-இன்ச் Quad HD+ டிஸ்பிளே மற்றும் 120Hz refresh rate
வசதியுடன் வெளிவரும் என்று கூறப்படுகிறது.

4500 எம்ஏஎச் பேட்டரி

அதேபோல் ஒன்பிளஸ் 9 மற்றும் ஒன்பிளஸ் 9 ப்ரோ ஸ்மார்ட்போன்களில் 4500 எம்ஏஎச் பேட்டரி இடம்பெறும் என்று தகவல்
தெரிவிக்கப்பட்டுள்ளது. மேலும் இந்த இரண்டு ஸ்மார்ட்போன்களும் 65 வாட் பாஸ்ட் சார்ஜிங் ஆதரவுடன் வெளிவரும் என அந்நிறுவனம்
சார்பில் கூறப்பட்டுள்ளது.

ஸ்னாப்டிராகன் 888 எஸ்ஒசி சிப்செட்

குறிப்பாக ஒன்பிளஸ் 9 மற்றும் ஒன்பிளஸ் 9 ப்ரோ ஸ்மார்ட்போன்களில் ஸ்னாப்டிராகன் 888 எஸ்ஒசி சிப்செட் இடம்பெறும் என்று தகவல் தெரிவிக்கப்பட்டுள்ளது. பின்பு இந்த இரண்டு ஸ்மார்ட்போன்களும் ஆண்ட்ராய்டு 11 இயங்குதளத்தை அடிப்படையாக கொண்டு வெளிவரும். எனவே பயன்படுத்துவதற்கு மிகவும் அருமையாக இருக்கும்.

மேலும் ஒன்பிளஸ் ஒன்பிளஸ் 9 ஸ்மார்ட்போனில் 50எம்பி அல்ட்ரா வைடு ஆங்கிள் லென்ஸ் +20எம்பி அல்ட்ரா வைடு ஆங்கிள் கேமரா + 12எம்பி டெலிபோட்டோ லென்ஸ் உள்ளிட்டவை இடம்பெறும் என்று கூறப்படுகிறது. ஆனால் ஒன்பிளஸ் 9 ப்ரோ ஸ்மார்ட்போனின் கேமராக்கள் பற்றிய தகவல்கள் வெளிவரவில்லை.

குறிப்பிட்டு சொல்ல வேண்டும் என்றால் ஒன்பிளஸ் 8 தொடர் ஸ்மார்ட்போன்களை விட அதிநவீன தொழில்நுட்ப வசதியுடன் இந்த ஒன்பிளஸ் 9 மற்றும் ஒன்பிளஸ் 9 ப்ரோ சாதனங்கள் வெளிவரும். ஆனால் இவற்றின் விலை சற்று உயர்வாக இருக்கும் என்று எதிர்பார்க்கப்படுகிறது.

அதேபோல் ஒன்பிளஸ் 9 மற்றும் ஒன்பிளஸ் 9 ப்ரோ சாதனங்களில் 8ஜிபி/12ஜிபி ரேம் மற்றும் 128ஜிபி/256ஜிபி உள்ளடக்க மெமரி வசதி இடம்பெறும் என்று தகவல் தெரிவிக்கப்பட்டுள்ளது. மேலும் கூடுதலாக மெமரி நீட்டிப்பு ஆதரவுடன் இந்த அசத்தலான ஸ்மார்ட்போன்கள்
வெளிவரும். அதாவது நீங்கள் மெமரி கார்டை பயன்படுத்த ஒரு ஸ்லாட் வழங்கப்படும்.