எதிர்பார்த்துக் காத்திருந்த OnePlus 8 Pro விற்பனை இன்று துவக்கம் - விலை மற்றும் சலுகை விபரம்!

| Updated: Monday, June 15, 2020, 16:39 [IST]

ஒன்பிளஸ் நிறுவனம் இன்று இந்தியாவில் அதன் ஒன்பிளஸ் 8 ப்ரோ ஸ்மார்ட்போனின் முதல் விற்பனையைத் துவங்குகிறது. அதிகாரப்பூர்வ அறிமுகமான இரண்டு மாதங்களுக்குப் பிறகு இன்று மதியம் 12 மணிக்கு முதல் ஒன்பிளஸ் 8 ப்ரோ விற்பனை அமேசான் மற்றும் ஒன்பிளஸ் வலைத்தளத்தில் துவங்குகிறது என்று அறிவிக்கப்பட்டுள்ளது. இதன் விலை மற்றும் சிறப்புச் சலுகை விபரங்களைப் பார்க்கலாம்.

ஒருவழியாக விரப்பணிக்கு வந்த OnePlus 8 Pro

இந்த ஸ்மார்ட்போன் மே 29 அன்று விற்பனைக்கு வரத் திட்டமிடப்பட்டது, கொரோனா ஊரடங்கு காரணத்தினாலும், தயாரிப்பு தாமதம் காரணத்தினாலும் இரண்டு மாதங்களுக்குப் பிறகு இப்பொழுது தான் விற்பனைக்கு வருகிறது. கடந்த வாரம், ஒன்பிளஸ் நிறுவனம், முதன்மையான இந்த புதிய ஸ்மார்ட்போன் அதன் நாட்டில் "பெரும் தேவை" காரணமாக வரையறுக்கப்பட்ட யூனிட்கள் மட்டுமே கிடைக்கும் என்று அறிவித்தது.

ஒன்பிளஸ் 8 ப்ரோ சிறப்பு சலுகை

ஒன்பிளஸ் 8 ப்ரோ ஏப்ரல் மாதத்தில் ஒன்பிளஸ் 8 உடன் அறிமுகப்படுத்தப்பட்டது என்பது குறிப்பிடத்தக்கது. ஒன்பிளஸ் 8 ப்ரோ இதுவரை நாட்டில் வாங்குவதற்குக் கிடைக்கவில்லை என்றாலும், ஒன்பிளஸ் 8 கடந்த இரண்டு மாதங்களில் இரண்டு முறை விற்பனைக்கு வந்து பல யூனிட்களை விற்பனை செய்தது என்பதும் குறிப்பிடத்தக்கது. எஸ்பிஐ கார்டு மற்றும் இஎம்ஐ மூலம் ரூ. 3,000 உடனடி தள்ளுபடியும், ரூ.6,000 மதிப்புள்ள ஜியோ சலுகையும் வட்டி இல்ல EMI விருப்பமும் கிடைக்கிறது.

ஏரியா 51 : ஒட்டுமொத்த அமெரிக்க அரசும் மறைக்க விரும்பிய ஒரு இடம்..!

ஒன்பிளஸ் 8 ப்ரோ விற்பனை விலை

இந்தியாவில் ஒன்பிளஸ் 8 ப்ரோ விற்பனை விலை

இந்தியாவில் ஒன்பிளஸ் 8 ப்ரோவின் 8 ஜிபி ரேம் + 128 ஜிபி சேமிப்பு வேரியண்ட் ரூ. 54,999 என்ற விலையில் விற்பனைக்குக் கிடைக்கிறது. அதேபோல், இதன் 12 ஜிபி ரேம் + 256 ஜிபி சேமிப்பு வேரியண்ட் ஸ்மார்ட்போன் மாடல் ரூ. 59,999 என்ற விலையில் கிடைக்கிறது.

புதிய ஒன்பிளஸ் 8 ப்ரோ எங்கு வாங்கலாம்

அமேசான் தளம் மற்றும் ஒன்பிளஸ் நிறுவனத்தின் அதிகாரப்பூர்வ வலைத்தளம் மூலம் இன்று மதியம் 12 மணி முதல் விற்பனைக்கு கிடைக்கிறது. குறிப்பிட்ட அளவு யூனிட்கள் மட்டுமே இந்த முதல் விற்பனையில் விற்பனைக்கு கிடைக்குமென்று நிறுவனம் தெரிவித்துள்ளது. புதிய ஒன்பிளஸ் 8 ப்ரோ க்ளாஸியல் கிறீன், ஓனிக்ஸ் பிளாக் மற்றும் அல்ட்ராமரைன் ப்ளூ நிறத்தில் கிடைக்கிறது.

யாரும் சொல்லிக்கொடுக்காத 10 ஸ்மார்ட்போன் தந்திரங்கள்! இப்போதே ட்ரை செய்யுங்கள்!