ஒன்பிளஸ் 8 ஸ்மார்ட்போனுக்கு அதிரடி விலைகுறைப்பு.! முழுவிவரம்.!

| Updated: Friday, October 16, 2020, 15:49 [IST]

ஒன்பிளஸ் நிறுவனம் அண்மையில் தனது புத்தம் புதிய ஒன்பிளஸ் 8டி ஸ்மார்ட்போன் மாடலை இந்தியாவில் அறிமுகம் செய்தது. இந்நிலையில் ஒன்பிளஸ் 8 மாடல்களின் விலைகள் குறைந்துவிட்டதாக கூறப்படுகிறது.

அதாவது கிரேட் இந்தியன் ஃபெஸ்டிவல் விற்பனையின் கீழ் அமேசான் நிறுவனம் அதன் சிறப்பு விற்பனையை தொடங்க தயாராக இருக்கும் நேரத்தில் பழைய ஒன்பிளஸ் 8 ஸ்மார்ட்போனின் விலையைக் குறைப்பது அர்த்தமுள்ள வியாபாரத் தந்திரமாக தெரிகிறது.

மும்பையைச் சேர்ந்த சில்லறை விற்பனையாளர் ஆன மகேஷ் டெலிகாம் கருத்துப்படி, ஒன்பிளஸ் 8 ஸ்மார்ட்போனின் 8ஜிபி ரேம் மற்றும் 128ஜிபி ஸ்டோரேஜ் வேரியண்ட் ஆனது இப்போது ரூ.41,999-க்கு வாங்க கிடைக்கும். அதாவது இதன் வெளியீட்டு விலையான ரூ.44,999 இலிருந்து ரூ.3000 குறைந்துள்ளது.

Samsung Galaxy F41 பிளிப்கார்டில் முதல்விற்பனை தொடக்கம்: ஆரம்பமே சலுகையோடு!

அதேபோல் ஒன்பிளஸ் 8 ஸ்மார்ட்போனின் 12ஜிபி ரேம் மற்றும் 256ஜிபி ஸ்டோரேஜ் வேரியண்ட்டின் விலை ரூ.49,999-ஆக இருந்தது. தற்சமயம் ரூ.5000 விலை குறைக்கப்பட்டு ரூ.44,999-க்கு வாங்க கிடைக்கும் என்று தெரிவிக்கப்பட்டுள்ளது.

குறிப்பாக திருத்தப்பட்ட விலைகள் அமேசான் அல்லது ஒன்பிளஸ் ஆன்லைன் ஸ்டோர் என எங்குமே காட்டப்படவில்லை. ஆனால் ஒன்பிளஸ் 8 ஸ்மார்ட்போனை ஆஃப்லைனில் வாங்கும் வாடிக்கையாளர்களுக்கு இந்த தள்ளுபடி கிடைக்கும்.