ஒன்பிளஸ் ரசிகர்களுக்கு ஷாக் கொடுத்த 'ஒன்பிளஸ் 8' புகைப்படம்!

ஒன்பிளஸ் நிறுவனம் சமீபத்தில் தனது பிரீமியம் ஸ்மார்ட்போன் மாடல்களை அறிமுகப்படுத்தியது - இந்தியாவில் ஒன்பிளஸ் 7T மற்றும் ஒன்பிளஸ் 7T புரோ வேரியண்ட்டையும் அறிமுகப்படுத்தியுள்ளது. இந்த புதிய ஸ்மார்ட்போன்களை அறிமுகம் செய்து வெறும் சில வாரங்களே ஆகியுள்ள நிலையில்.

தற்பொழுது ஒன்பிளஸ் நிறுவனத்தின் அடுத்த ஸ்மார்ட்போன் மாடலான ஒன்பிளஸ் 8 மாடலுக்கான வேளையில் மும்முரமாக ஒன்பிளஸ் நிறுவனம் இறங்கியுள்ளது என்பதை உறுதிப்படுத்தும் விதத்தில் புகைப்படம் ஒன்று லீக் ஆகியுள்ளது. ஒன்பிளஸ் 7T ப்ரோ மாடல் போலவே இந்த புதிய ஒன்பிளஸ் 8 மாடல் ஸ்மார்ட்போனும் வடிவமைக்கப்பட்டுள்ளது.

குறிப்பாக ஒன்பிளஸ் 8 ஸ்மார்ட்போனின் மாடல் பன்ச் ஹோல் செல்ஃபி கேமராவுடன் அறிமுகம் செய்யப்படும் என்று அதன் புகைப்படத்தின் மூலம் தெரியவந்துள்ளது. தற்பொழுது அறிமுகம் செய்யப்பட்ட ஒன்பிளஸ் 7T மாடல் போலவே இதிலும் 90 Hz கொண்ட ஹை-ரெசொலூஷன் ஃப்ளுயிட் அமோலேட் கர்வுடு டிஸ்பிளே வழங்கப்பட்டுள்ளது.

முந்தைய ஒன்பிளஸ் 7 ப்ரோ மற்றும் ஒன்பிளஸ் 7T ப்ரோ ஸ்மார்ட்போன்களில் ஒன்பிளஸ் நிறுவனம், பாப்-அப் செல்ஃபி கேமராவை வழங்கி இருந்தது. ஆனால் தற்பொழுது வெளியாகியுள்ள ஒன்பிளஸ் 8 போனில் பன்ச் ஹோல் கேமரா கொடுக்கப்பட்டுள்ளது அதிர்ச்சியை ஏற்படுத்தியுள்ளது.

இருப்பினும் முந்தைய மாடல்களின் ட்ரிபிள் கேமரா செட்டப், ஒன்பிளஸ் 8 சாதனத்திலும் தொடரப்படுகிறது என்பது உறுதியாகியுள்ளது. குவாட் கேமரா செட்டப்பிற்கு ஒன்பிளஸ் நிறுவனம் இன்னும் தயாராகவில்லை என்பதும் உறுதிப்படுத்தப்பட்டுள்ளது. ஒன்பிளஸ் 8 ஸ்மார்ட்போனின் கேமரா விபரம், பிராசஸர் விபரம், ரேம் மற்றும் ஸ்டோரேஜ் விபரங்கள் எதுவும் இன்னம் வெளியிடப்படவில்லை. ஒன்பிளஸ் 8 பற்றிய அடுத்த லீக்-கிற்கு நாம் காத்திருக்க வேண்டும்.