8ஜிபி ரேம் & ஸ்னாப்டிராகன் 845 சிப்செட் வசதியுடன் களமிறங்கும் ஒன்பிளஸ் 6.!

இந்தியாவில் ஒன்பிளஸ் 5டி ஸ்மார்ட்போன் மாடல்கள் அதிக வரவேற்பை பெற்றது, இதை தொடர்ந்து ஒன்பிளஸ் 6 ஸ்மார்ட்போனை அறிமுகப்படுத்த திட்டமிட்டுள்ளது ஒன்பிளஸ் நிறுவனம். தற்சமயம் ஒன்பிளஸ் 6 ஸ்மார்ட்போன் பற்றிய பல்வேறு தகவல்கள் ஆன்லைனில் வெளிவந்த வண்ணம் உள்ளது. இந்தியாவின் சான்றிதழ் வலைத்தளமான 'பிஐஎஸ்" தெரிவித்தது என்னவென்றால் விரைவில் ஒன்பிளஸ் 6 ஸ்மார்ட்போன் இந்தியாவில் அறிமுகம் செய்யப்படும் எனத் தெரிவிக்கப்பட்டுள்ளது.

ஒன்பிளஸ் 6 ஸ்மார்ட்போன் ஆனது 6.28-இன்ச் முழு எச்டி டிஸ்பிளே வடிவமைப்பைக் கொண்டுள்ளது எனத் தெரிவிக்கப்பட்டுள்ளது, அதன்பின்பு 2280 x 1080 பிக்சல் தீர்மானம் மற்றும் பாதுகாப்பு அம்சங்களுடன் இந்த ஸ்மார்ட்போன் மாடல் வெளிவரும் எனத் தெரிவிக்கப்பட்டுள்ளது.

ஒன்பிளஸ் 6 ஸ்மார்ட்போனில் குவால்காம் ஸ்னாப்டிராகன் 845 சிப்செட் வசதி இடம்பெற்றுள்ளது, அதன்பின் ஆண்ட்ராய்டு ஓரியோ 8.0 இயங்குதளத்தை கொண்டுள்ளது இந்த ஸ்மார்ட்போன். மேலும் இயக்கத்திற்க்கு மிக அருமையாக இருக்கும் இந்த ஒன்பிளஸ் 6 ஸ்மார்ட்போன்.

இந்த ஸ்மார்ட்போன் 6ஜிபி/8ஜிபி ரேம் மற்றும் 64ஜிபி/128ஜிபி உள்ளடக்க மெமரியை கொண்டுள்ளது, அதன்பின் கூடுதலாக 256ஜிபி வரை மெமரி நீட்டிப்பு ஆதரவு இவற்றில் இடம்பெற்றுள்ளது.

இந்த ஒன்பிளஸ் 6 ஸ்மார்ட்போனில் 16எம்பி +16எம்பி டூயல் ரியர் கேமரா பொருத்தப்பட்டுள்ளது, அதன்பின் 4கே வீடியோ பதிவு செய்ய முடியும்.இதனுடைய செல்பீ கேமரா 16மெகாபிக்சல் எனக் கூறப்படுகிறது. மேலும் டூயல் எல்இடி ஃபிளாஷ் ஆதரவு இவற்றில் இடம்பெற்றுள்ளது.

வைபை, ப்ளூடூத், 4ஜி வோல்ட், ஜிபிஎஸ், யுஎஸ்பி டைப்-சி, என்எப்சி, மைக்ரோ யுஎஸ்பி, 3.5எம்எம் ஆடியோ ஜாக் போன்ற இணைப்பு ஆதரவுகள் இவற்றுள் அடக்கம் எனக் கூறப்படுகிறது.

ஒன்பிளஸ் 6 ஸ்மார்ட்போனில் 3400எம்ஏஎச் பாஸ்ட் சார்ஜ் கொண்ட பேட்டரி பொறுத்தப்பட்டுள்ளது. பாதுகாப்பு அம்சங்களை பொறுத்தமட்டில், ஒன்ப்ளஸ் 6 ஆனது, அதன் டிஸ்பிளேவில் உட்பொதிக்கப்பட்ட கைரேகை ஸ்கேனர் ஒன்றை கொண்டுள்ளது.இதுதவிரஇ சமீபத்திய ஆப்பிள் ஐபோன்களில் இடம்பெற்றுள்ள பேஸ் ஐடியை விட அதிவேகமாக செயல்படுமென கருதப்படும் 3டி முக அடையாள அங்கீகாரமும் இக்கருவியின் இடம்பெற அதிக வாய்ப்புள்ளது.

ஒன்பிளஸ் 6 ஸ்மார்ட்போனின் விலை ரூ.48,000 வரை இருக்கும் என எதிர்பார்க்கப்படுகிறது, மேலும் இந்த ஸ்மார்ட்போன் பற்றிய பல்வேறு தகவல்கள் ஆன்லைளில் வெளிவந்த வண்ணம் உள்ளது.