எதிர்பார்த்ததை விட குறைவான விலையில் வெளியாகிறது ஐபோன் வில்லன்.!

மொத்தம் மூன்று சேமிப்பு மறுபாடுகளில் வெளியாகும்.!

ஏற்கனவே இந்த ஸ்மார்ட்போன் மிகவும் சக்திவாய்ந்த ஸ்னாப்டிராகன் 845 எஸ்ஓசி கொண்டு இயங்குகிறது என்பது உறுதி செய்யப்பட்டது. உடன் ஒன்ப்ளஸ் 6-ன் மூன்று சேமிப்பு மடல்கள் (இரண்டு மாடல்கள் வெளியாவது மிக உறுதி, மூன்றாவது மாடல் சற்று சந்தேகதிற்கு உரியது) சார்ந்த விவரங்கள் வெளியாகின.

6ஜிபி மற்றும் 8ஜிபி ரேம்

வெளியான தகவலின்படி, ஒன்ப்ளஸ் 6 ஆனது 6ஜிபி மற்றும் 8ஜிபி ரேம் உடனான 64 ஜிபி / 128 ஜிபி / 256 ஜிபி அளவிலான உள்ளடக்க சேமிப்பு மாடல்களில் வெளியாகும். ஆண்ட்ராய்டு ஓரியோ அடிப்படையிலான ஆக்ஸிஜென்ஸ் 5.1 கொண்டு இயங்கும். இதில் 256ஜிபி மாடல் சற்று சந்தேகத்திற்கு உரிய மாடலாக உள்ளது. இருப்பினும் அறிமுகமாகும் மற்ற இரண்டு மாடல்களும் இந்திய சந்தையை எட்டும் என்பதில் எந்த சந்தேகமும் இல்லை.

டிஸ்பிளே

ஒரு 6.2 இன்ச் புல் எச்டி ப்ளஸ் (2160x1080 பிக்ஸல்கள்; 19: 9 என்கிற அளவிலான திரை விகிதம்) டிஸ்பிளே கொண்டிருக்கும். அதாவது சமீபத்தில் வெளியான ஆப்பிள் ஐபோன் எக்ஸ் போன்ற டிஸ்பிளேவை கொண்டிருக்கும். பின்புறத்தில், ஒரு கைரேகை சென்சார் உடனான எப்1.7 துளை கொண்ட 16எம்பி + 20எம்பி என்கிற டூயல் கேமரா அமைப்பை கொண்டுள்ளது. முன்பக்கத்தில், 20எம்பி செல்பீ கேமராவும் அதில் பேஸ் அன்லாக் அம்சமும் கொண்டுள்ளது.

3450 எம்ஏஎச் பேட்டரி

வயர்லெஸ் சார்ஜிங் அம்சம் கொண்டு வரலாம் என்று எதிர்பார்க்கப்படும் ஒன்ப்ளஸ் 6 ஆனது ஒரு 3450 எம்ஏஎச் பேட்டரி மூலம் சக்தியூட்டப்படும். இதன் டாஷ் சார்ஜ் திறன் ஆனது 30 நிமிடங்களில் 50% வரை சார்ஜ் நிகழ்த்தும் என்பது குறிப்பிடத்தக்கது. ஒன்ப்ளஸ் 6-ன் இதர அம்சங்கள் பற்றிய விவரங்கள் ஏதுமில்லை.

ஆப்பிள் ஐபோன் எக்ஸ் சரியும்

விலை நிர்ணயத்தை பொறுத்தவரை, இதன் 64 ஜிபி மற்றும் 128 ஜிபி ஆகிய இரு சேமிப்பு மாடல்களும் முறையே ரூ.34,000/-க்கும் மற்றும் ரூ.39,999/-க்கும் அறிமுகமாகலாம். ஒருவேளை 256 ஜிபி மாடல் வெளியானால் அது சுமார் ரூ.45,500/- என்கிற புள்ளியை எட்டலாம். இந்த விலை நிர்ணயம் உண்மையானால், வெளியான உடனேயே ஆப்பிள் ஐபோன் எக்ஸ் மற்றும் கேலக்ஸி எஸ்9, எஸ்9 ப்ளஸ் போன்ற ஸ்மார்ட்போன்களின் சந்தையை சரிக்கும் என்பது மிக உறுதி.