OnePlus 11R தான் இனி பெஸ்ட் பட்ஜெட் போன்.! டவுட்டே இல்லை.! பிளாக்ஷிப் போனிற்கு நெருக்கமான அம்சங்கள்.!

ஒன்பிளஸ் (OnePlus) நிறுவனம், இன்று இந்தியாவின் தலைநகரான நியூ டெல்லியில் நிகழ்த்திய OnePlus Cloud 11 Event நிகழ்வில், புதிய ஒன்பிளஸ் 11R பட்ஜெட் ஸ்மார்ட்போன் (Budget smartphone) சாதனத்தை அறிமுகம் செய்துள்ளது.

ஒன்பிளஸ் நிறுவனம் இந்த நிகழ்வில் அதன் பிளாக்ஷிப் ஸ்மார்ட்போன் (Flagship smartphone) மாடலான ஒன்பிளஸ் 11 மாடலை அறிமுகம் செய்துள்ளது. ஒன்பிளஸ் வரலாற்றில் மிகவும் சக்தி வாய்ந்த புது ஸ்மார்ட்போன் மாடலாக, நிறுவனம் அதன் OnePlus 11 சாதனத்தை 'ஷேப் ஆஃப் பவர்' என்று குறிப்பிட்டு அறிமுகம் செய்துள்ளது.

பட்ஜெட் ஸ்மார்ட்போன் பிரியர்களை கவரப்போகும் புது போனா இந்த OnePlus 11R?

அதற்கு பின், நிறுவனம் அதன் புதிய சாதனமான ஒன்பிளஸ் பேட் (OnePlus Pad) சாதனத்தை அறிமுகம் செய்தது. முதல் முறையாக நிறுவனம் அதன் தயாரிப்பு வரிசையில், இந்த புதிய சாதனத்தை மேக்னெட்டிக் கீபோர்ட் (OnePlus Magnetic Keyboard) மற்றும் ஒன்பிளஸ் ஸ்டைலோ (OnePlus Stylo) உடன் அறிமுகம் செய்துள்ளது. இதனைத் தொடர்ந்து, OnePlus 11R களமிறக்கப்பட்டது.

ஒன்பிளஸ் நிறுவனம், அதன் பட்ஜெட் பிரியர்களுக்காக அறிமுகம் செய்துள்ள புதிய டிவைஸ் தான் OnePlus 11R. இந்த புதிய ஸ்மார்ட்போன் சாதனம் பட்ஜெட் விலையில் சக்தி வாய்ந்த ஸ்மார்ட்போன் சாதனமாக அறிமுகம் செய்யப்பட்டுள்ளது. இந்த டிவைஸ் அம்சங்கள் நிச்சயமாக பட்ஜெட் பிரியர்களை கவரப்போகிறது என்பதில் எந்த சந்தேகமுமில்லை. ஏனெனில், இது சிறப்பான சூப்பர் காம்போ அம்சங்களை ஒட்டுமொத்தமாக பட்ஜெட் விலையில் பேக் செய்துள்ளது.

OnePlus 11R ஸ்மார்ட்போன் ஆனது 120Hz ரெப்ரெஷ் ரேட் வீதத்துடன் 6.7' இன்ச் சூப்பர் ஃபிலியூட் AMOLED டிஸ்ப்ளேவை கொண்டுள்ளது. இதன் டிஸ்பிளேவில் செல்ஃபி ஸ்னாப்பருக்கான பஞ்ச்-ஹோல் கட்அவுட் வழங்கப்பட்டுள்ளது. இந்த டிஸ்பிளே HDR10+ ஆதரவைக் கொண்டுள்ளது. இதன் மூலம் உங்களுக்கு ஸ்மூத் டிஸ்பிளே அனுபவம் கிடைக்கிறது. இந்த டிவைஸ் Qualcomm Snapdragon 8+ Gen1 சிப்செட் உடன் வருகிறது.

OnePlus 11R 5G-ல் பிளாக்ஷிப் ஸ்மார்ட்போனிற்கு நெருக்கமான அட்டகாச அம்சம்.!

இந்த OnePlus 11R ஸ்மார்ட்போன் டிவைஸ் ஆனது Adreno GPU உடன் இணைக்கப்பட்டுள்ளது. இந்த சாதனம் 16GB வரை LPDDR5 ரேம் மற்றும் 256GB UFS 4.0 ஸ்டோரேஜ் உடன் வருகிறது. இதில் எக்ஸ்டர்னல் ஸ்டோரேஜ் விருப்பம் கிடையாது. OnePlus 11R ஸ்மார்ட்போன் ஆண்ட்ராய்டு 13 அடிப்படையிலான Oxygen OS 13 ஸ்கின் உடன் இயங்குகிறது. பட்ஜெட் விலையில் உங்களுக்கு சிறந்த OS பயன்பாட்டை இந்த போன் வழங்குகிறது.

OnePlus 11R ஸ்மார்ட்போன் கேமரா அம்சம் பற்றி பேசுகையில், இந்த புதிய OnePlus 11R சாதனம் அதன் பின்புறத்தில் ட்ரிபிள் ரியர் கேமரா அமைப்பைக் கொண்டுள்ளது. இது 50MP பிரைமரி கேமரா, 8MP அல்ட்ரா-வைட்-ஆங்கிள் லென்ஸ் மற்றும் 2MP மேக்ரோ லென்ஸ் ஆகியவற்றைக் கொண்டுள்ளது. இந்த போனின் முன்பக்கத்தில், செல்ஃபி மற்றும் வீடியோ காலிங் அம்சத்திற்காக 16MP செல்ஃபி ஸ்னாப்பர் வழங்கப்பட்டுள்ளது.

OnePlus 11R ஆனது 100W SUPERVOOC ஃபாஸ்ட் சார்ஜிங் ஆதரவுடன் 5,000mAh பேட்டரியை பேக் செய்கிறது. OnePlus நிறுவனம் அறிமுகம் செய்த பிரீமியம் ஒன்பிளஸ் 11 5G மாடலிலும் இதே அம்சம் இருப்பது கவனிக்கத்தக்கது. பிளாக்ஷிப் ஸ்மார்ட்போனில் இருக்கும் அதே ஃபாஸ்ட் சார்ஜிங் தொழில்நுட்பத்தை நிறுவனம் OnePlus 11R ஸ்மார்ட்போனிலும் வழங்கியுள்ளது சிறப்பான விஷயமாகும்.

புது ஒன்பிளஸ் 11R போனின் விலை என்ன? எப்போது வாங்க கிடைக்கும்?

OnePlus 11R ஸ்மார்ட்போன் Wi-Fi 6E, ப்ளூடூத் 5.2, GPS மற்றும் USB Type-C போர்ட் போன்ற இதர அம்சங்களுடன் வருகிறது. இந்த ஸ்மார்ட்போனின் அளவு 163.1×74.1×8.53 மிமீ மற்றும் 205 கிராம் எடை கொண்டது. இதில் சூப்பர் பாதுகாப்பிற்கான இன்-டிஸ்ப்ளே பிங்கர் பிரிண்ட் சென்சார், டால்பி அட்மோஸ் மற்றும் அலெர்ட் ஸ்லைடர் பட்டனுடன் வழங்கப்பட்டுள்ளது. இது Sonic Black மற்றும் Galactic Silver ஆகிய 2 நிறங்களில் வருகிறது.

இதன் விலை பற்றி பேசுகையில், OnePlus 11R ஸ்மார்ட்போனின் 8GB + 128GB மாடலின் விலை ரூ.39,999 மட்டுமே. இதன் 16GB + 256GB மாடலின் விலை ரூ. 44,999 மட்டுமே. OnePlus 11R ஸ்மார்ட்போனின் முன்பதிவு வரும் பிப்ரவரி 21, 2023 முதல் துவங்குகிறது. இதன் முதல் அறிமுகம் விற்பனை இந்தியாவில் வரும் பிப்ரவரி 28, 2023 ஆம் தேதி முதல் விற்பனைக்கு வாங்கக் கிடைக்கிறது.

பட்ஜெட் விலையில், பிளாக்ஷிப் ஸ்மார்ட்போனின் அம்சங்களுடன் மிகவும் நெருக்கமாக OnePlus 11R பயணிக்கிறது. உண்மையில் பட்ஜெட் விலையில் இந்த ஆண்டில் வாங்க சிறந்த ஸ்மார்ட்போன் மாடலாக இந்த OnePlus 11R ஸ்மார்ட்போன் மாறப்போகிறது என்பதில் சந்தேகமில்லை.