இப்போதான் சரியான விலைக்கு வந்துருக்கு.. ரூ.6275 விலை குறைப்பை பெற்ற Nothing போன்.. எந்த மாடல்?

நத்திங் நிறுவனத்தின் லேட்டஸ்ட் ஸ்மார்ட்போன் ஆன நத்திங் போன் 3 மாடலின் இந்திய விலை நிர்ணயத்தில் உங்களுக்கு உடன்பாடு இல்லையா? லேட்டஸ்ட் மாடல் மீது மட்டுமில்லை; பழைய மாடல்களின் விலை நிர்ணயங்களில் கூட பலருக்கும் உடன்பாடு இல்லை. எப்போதுமே அதிக விலைக்கு அறிமுகம் ஆவதே நத்திங் போன்களின் வழக்கம்!

அப்படித்தான் நத்திங் போன் 2ஏ பிளஸ் மாடலும் கூட ரூ.27,999 என்கிற ஆரம்ப விலையில் அறிமுகமானது. இது நத்திங் போன் 2ஏ பிளஸ் ஸ்மார்ட்போனின் பேஸிக் 8 ஜிபி ரேம் + 256 ஜிபி ஆப்ஷனின் விலை ஆகும். முதல் நாள் விற்பனையில் மட்டும் இது ரூ.24,999 என்கிற ஆபர் விலையில் வாங்க கிடைத்தது. பின்னர் அசல் விலைக்கு திரும்பியது.

இப்போது அமேசான் ப்ரைம் டே 2025 விற்பனையின் ஒரு பகுதியாக நத்திங் போன் 2ஏ பிளஸ் ஸ்மார்ட்போன் மீது நேரடியாக ரூ.2675 டிஸ்கவுண்ட் / விலை குறைப்பு கிடைக்கிறது. இதன் மூலம் நத்திங் போன் 2ஏ பிளஸ் ஸ்மாட்போனின் பேஸிக் ஸ்டோரேஜ் ஆப்ஷன் இப்போது ரூ.21,724 க்கு வாங்க கிடைக்கிறது. உண்மையில் இப்போது தான் இது - நியாயமான விலைக்கு இறங்கி வந்துள்ளது!

என்னென்ன அம்சங்கள்? டூயல் சிம் நானோ ஆதரவுடன் (Dual SIM Nano Support) வரும் நத்திங் போன் 2ஏ பிளஸ் ஆனது ஆண்ட்ராய்டு 14 (Android 14) அடிப்படையிலான நத்திங் ஓஎஸ் 2.6 (Nothing OS 2.6) மூலம் இயங்குகிறது. இந்த ஸ்மார்ட்போன் மூன்று வருட ஆண்ட்ராய்டு அப்டேட்கள் (Android Updates) மற்றும் நான்கு வருட செக்யூரிட்டி அப்டேட்களை (Security Updates) பெறும் என்று உறுதியளிக்கப்பட்டுள்ளது.

டிஸ்பிளேவை பொறுத்தவரை, இது 1080 x 2412 பிக்சல்கள், 120ஹெர்ட்ஸ் வரையிலான ரெப்ரெஷ் ரேட், 394பிபிஐ பிக்சல் டென்சிட்டி மற்றும் கார்னிங் கொரில்லா கிளாஸ் 5ப்ரொடெக்ஷன் உடனான 6.7 இன்ச் ஃபுல் எச்டி பிளஸ் அமோஎல்இடி (AMOLED) டிஸ்பிளேவை கொண்டுள்ளது. ப்ராசஸரை பொறுத்தவரை, இது மாலி-ஜி610 எம்சி4 ஜிபியு உடன் இணைக்கப்பட்ட ஆக்டாகோர் 4 என்எம் மீடியாடெக் டைமன்சிட்டி 7350 ப்ரோ 5ஜி சிப்செட்டை பேக் செய்கிறது.

கேமராக்களை பொறுத்தவரை, இது டூயல் ரியர் கேமரா செட்டப்பை (Dual rear camera setup) கொண்டுள்ளது. அதில் 50 மெகாபிக்சல் ப்ரைமரி கேமரா (சாம்சங் GN9 1/1.57-இன்ச் சென்சார் எப்/1.88 அபெர்க்ஷர், 10எக்ஸ் டிஜிட்டல் ஜூம் மற்றும் எலக்ட்ரானிக் இமேஜ் ஸ்டேபிலைசேஷன், ஆப்டிகல் இமேஜ் ஸ்டெபிலைசேஷன்) + 50-மெகாபிக்சல் செகண்டரி கேமரா (சாம்சங் JN1 1/2.76-இன்ச் சென்சார், 114 டிகிரி பீல்ட் ஆப் வியூ) உள்ளது. முன்பக்கத்தில் 50 மெகாபிக்சல் சாம்சங் JN1 செல்பீ ஷூட்டர் உள்ளது.

பேட்டரியை பொறுத்தவரை, இது 50W ஃபாஸ்ட் சார்ஜிங் ஆதரவு (Fast Charging Support) மற்றும் 5W ரிவர்ஸ் வயர்டு சார்ஜிங் ஆதரவு (Reverse Wired Charging Support) உடனான 5,000mAh பேட்டரியை பேக் செய்கிறது. இதை ஒருமுறை சார்ஜ் செய்தால் 40.6 மணிநேரம் வரை ம்யூசிக் பிளேபேக் டைமை வழங்கும் என்று கூறப்படுகிறது. மேலும், இதன் ஃ பாஸ்ட் சார்ஜிங் அம்சம் 56 நிமிடங்களில் பூஜ்ஜியத்திலிருந்து 100 சதவீதம் வரை பேட்டரியை நிரப்பும் என்றும் கூறப்படுகிறது

கவனிக்கப்பட வேண்டிய மற்ற அம்சங்களை பொறுத்தவரை, 5ஜி, 4ஜி LTE, வைஃபை 6, வைஃபை 6 டைரக்ட், ப்ளூடூத் 5.3, இன்-டிஸ்பிளே பிங்கர் பிரிண்ட் சென்சார், லீனியர் ஹாப்டிக் மோட்டார் (Linear haptic motor), எச்டி மைக்ரோஃபோன்கள் (High-definition microphones), டூயல் ஸ்டீரியோ ஸ்பீக்கர்கள் (Dual stereo speakers), ஐபி54 தூசி மற்றும் நீர்-எதிர்ப்பு கட்டமைப்பு (IP54 rating) போன்றவைகளை கொண்டுள்ளது.