மார்க்கெட்டே மிரள போகுது.. AMOLED டிஸ்பிளே.. 45W சார்ஜிங்.. இந்தியாவுக்கு வரும் நத்திங் போன்.. எந்த மாடல்?

நத்திங் நிறுவனம் இந்தியாவில் நத்திங் போன் 2ஏ அறிமுகம் செய்யப்படுவதை உறுதிப்படுத்தியுள்ளது. அதாவது அந்நிறுவனத்தின் சிஇஒ Carl Pei விரைவில் நத்திங் போன் 2ஏ போன் விரைவில் இந்தியாவில் அறிமுகம் செய்யப்படும் என்று கூறியுள்ளார்.

ஆனாலும் இந்த போனின் அறிமுக தேதி குறித்து இன்னும் அதிகாரப்பூர்வ தகவல் வெளியிடவில்லை அந்நிறுவனம். இருந்தபோதிலும் இந்த மாதம் இறுதியில் அல்லது அடுத்த மாதம் தொடக்கத்தில் நத்திங் போன் 2ஏ மாடல் இந்தியாவில் அறிமுகம் செய்யப்பட வாய்ப்பு உள்ளது. மேலும் ஆன்லைனில் கசிந்த இந்த போனின் அம்சங்களை இப்போது பார்ப்போம்.

நத்திங் போன் 2ஏ அம்சங்கள் (Nothing Phone 2A specifications): தரமான மீடியாடெக் டைமன்சிட்டி 7200 சிப்செட் ( MediaTek Dimensity 7200 SoC) வசதியுடன் இந்த நத்திங் போன் 2ஏ மாடல் வெளிவரும். இந்த சிப்செட் மேம்பட்ட செயல்திறன் வழங்கும். கேமிங் ஆப்ஸ்களை இந்த போனில் தடையின்றி பயன்படுத்த முடியும். ஆண்ட்ராய்டு 14 (Android 14) இயங்குதளத்தை அடிப்படையாகக் கொண்டு இந்த நத்திங் போன் 2ஏ ஸ்மார்ட்போன் வெளிவரும் என்று கூறப்படுகிறது.

அதேபோல் ஆண்ட்ராய்டு அப்டேட் மற்றும் பாதுகாப்பு அப்டேட் இந்த ஸ்மார்ட்போனுக்கு கிடைக்கும் என்று கூறப்படுகிறது. மேலும் 8ஜிபி ரேம் + 28ஜிபி மெமரி மற்றும் 12ஜிபி ரேம் + 256ஜிபி மெமரி என இரண்டு வேரியண்ட்களில் இந்த நத்திங் போன் 2ஏ மாடல் விற்பனைக்கு வரும் என்று கூறப்படுகிறது. பின்பு இன்-டிஸ்பிளே கைரேகை ஸ்கேனர் ஆதரவு கொண்டுள்ளது இந்த நத்திங் ஸ்மார்ட்போன்.

குறிப்பாக டூயல் ரியர் கேமரா, பஞ்ச்-ஹோல் நாட்ச் டிஸ்பிளே, கிளிஃப் லைட்டிங் லேஅவுட் (Glyph lighting layout) போன்ற அம்சங்களைக் கொண்டுள்ளது இந்த நத்திங் போன் 2ஏ போன். அதேபோல் மற்ற போன்களை விட தனித்துவமான வடிவமைப்புடன் இந்த போன் வெளிவரும் என்பதால் நல்ல வரவேற்பு இருக்கும்.

நத்திங் போன் 2ஏ மாடல் 6.7-இன்ச் அமோலெட் டிஸ்பிளே ( AMOLED display) வசதியுடன் இந்தியாவில் அறிமுகமாகும். மேலும் 120 ஹெர்ட்ஸ் ரெஃப்ரெஷ் ரேட் (120Hz refresh rate), 1000 நிட்ஸ் ப்ரைட்னஸ், 240 ஹெர்ட்ஸ் டச் சாம்ப்ளிங் ரேட் மற்றும் சிறந்த பாதுகாப்பு வசதியைக் கொண்டுள்ளது இந்த போனின் டிஸ்பிளே. பெரிய டிஸ்பிளே உடன் இந்த போன் வெளிவரும் என்பதால் பயன்படுத்துவதற்கு மிகவும் அருமையாக இருக்கும்.

இந்த நத்திங் போன் 2ஏ மாடல் 50எம்பி Samsung ISOCELL S5KGN9 பிரைமரி கேமரா + 50எம்பி ISOCELL JN1 அல்ட்ரா வைடு லென்ஸ் என்கிற டூயல் ரியர் கேமரா அமைப்புடன் வெளிவரும். பின்பு செல்பிகளுக்கும், வீடியோகால் அழைப்புகளுக்கும் என்றே 16எம்பி கேமராவைக் கொண்டுள்ளது இந்த அட்டகாசமான ஸ்மார்ட்போன். இதுதவிர பல்வேறு கேமரா அம்சங்கள் இவற்றுள் இடம்பெற்றுள்ளது.

4290எம்ஏஎச் பேட்டரியுடன் இந்த நத்திங் போன் 2ஏ மாடல் வெளிவரும் என்று தெரிவிக்கப்பட்டுள்ளது. மேலும் 45 வாட்ஸ் ஃபாஸ்ட் சார்ஜிங் வசதி, டால்பி ஆடியோ வசதி, யுஎஸ்பி டைப்-சி போர்ட், வைஃபை, ஜிபிஎஸ் உள்ளிட்ட பல சிறப்பு அம்சங்களுடன் இந்த நத்திங் போன் 2ஏ மாடல் மாடல் வெளிவரும் என்று கூறப்படுகிறது. குறிப்பாக இந்த போனின் வடிவமைப்புக்கு அதிக கவனம் செலுத்தியுள்ளது நத்திங் நிறுவனம்.

நத்திங் போன் 2ஏ மாடல் இந்தியாவில் ரூ.35,000 பட்ஜெட்டில் அறிமுகமாகும் என்று தகவல் தெரிவிக்கப்பட்டுள்ளது. குறிப்பாக இந்த புதிய நத்திங் போனுக்கு இந்தியாவில் நல்ல வரவேற்பு இருக்கும் என்று எதிர்பார்க்கப்படுகிறது.