Carl Pei கலக்கல்.. ஆப்பிள், சாம்சங் ஸ்டைலில் 4 புதிய Nothing போன்கள்.. அடிச்சு புடிச்சு வாங்க போறாங்க!

2025 ஆம் ஆண்டில் வெளியாகும் நத்திங் ஸ்மார்ட்போன்களுக்காக காத்திருப்பவர்களுக்கு 1 பேட் நியூஸ், கூடவே 4 குட் நியூஸ். பேட் நியூஸ் என்னவென்றால்.. 2025 மார்ச் 4 ஆம் தேதி நடக்கும் நத்திங் நிறுவனத்தின் வெளியீட்டு நிகழ்வில் நத்திங் போன் 3 அறிமுகம் ஆகாது என்பது போல் தெரிகிறது.

குட் நியூஸ் என்னவென்றால் நத்திங் போன் 3 அறிமுகம் ஆவதற்கு முன்பாக, வேறு 3 புதிய நத்திங் ஸ்மார்ட்போன்கள் அறிமுகமாகும் என்று தகவல் வெளியாகியுள்ளது. ஆக அந்த 3 புதிய நத்திங் போன்களும், அதை தொடர்ந்து வரும் நத்திங் போன் 3 என மொத்தம் 4 மாடல்களுமே - நத்திங் ரசிகர்களுக்கான 4 குட் நியூஸ் ஆகும்!

ஆக மார்ச் 4 ஆம் தேதி நடக்கும் நத்திங் நிறுவனத்தின் வெளியீட்டு நிகழ்வில் எந்த மாடல் அறிமுகமாகும்?நத்திங் நிறுவனத்தின் அடுத்த பிளாக்ஷிப் ஸ்மார்ட்போன் ஆன.. நத்திங் போன் 2 மாடலின் அப்கிரேடெட் வெர்ஷன் ஆன நத்திங் போன் 3 ஆனது இன்னும் வளர்ச்சியில் தான் உள்ளதாம். ஆக மார்ச் 4 ஆம் தேதி நத்திங் போன் 3ஏ அறிமுகம் செய்யப்படலாம் என்று ஊகிக்கப்படுகிறது

நம்பகமான டிப்ஸ்டர்களில் ஒருவரான யோகேஷ் ப்ராரின் (@heyitsyogesh) கூற்றுப்படி, நத்திங் போன் 3 க்கு முன்னதாக மூன்று ஸ்மார்ட்போன்களை அறிமுகம் செய்ய நத்திங் திட்டமிட்டுள்ளது. இதில் மார்ச் 4 ஆம் தேதி அறிமுகம் செய்யப்பட உள்ள மாடலும் அடங்கும். ஆக நத்திங்கின் ஃபிளாக்ஷிப் வெளியீட்டிற்காக காத்திருந்த மக்கள் - கொஞ்சம் காத்திருக்க வேண்டும்.

தற்போது வரையிலாக நத்திங் நிறுவனம் அதன் எந்த மாடல்களின் பெயரையுமே வெளிப்படுத்தவில்லை; உறுதிப்படுத்தவில்லை. இருப்பினும் இதுவரை வெளியான லீக்ஸ்களை வைத்து பார்க்கும் போது 2025 ஆம் ஆண்டில் நத்திங் போன் 3ஏ (Nothing Phone 3a), நத்திங் போன் 3 (Nothing Phone 3), நத்திங் போன் 3 ப்ரோ (Nothing Phone 3 Pro) மாடல்களுடன் சேர்த்து ஒரு போக்கிமான் ஸ்பெஷல் எடிஷன் ஸ்மார்ட்போன் அறிமுகம் செய்யப்படலாம்

மார்ச் 4 வெளியீட்டு நிகழ்வானது 2025 மொபைல் வேர்ல்ட் காங்கிரஸ் (MWC 2025) நிகழ்வுடன் ஒத்துப்போகிறது. இதுகுறித்து எக்ஸ் தளம் வழியாக நத்திங் வெளியிட்டுள்ள டீஸர் வீடியோ வழியாக வரவிருக்கும் ஸ்மாட்போனின் ரியர் கேமராவின் ஒரு வியூ-வை மட்டுமே பார்க்க முடிகிறது. கூடவே நத்திங் பிராண்டின் சிக்னேச்சர் டிசைன் ஆன கிளிஃப் இன்டர்பேஸையும் காண முடிகிறது

நத்திங் போன் 3, நத்திங் போன் 3ஏ மற்றும் நத்திங் போன் 3 ப்ரோ ஸ்மார்ட்போன்களில் என்னென்ன அம்சங்களை எதிர்பார்க்கலாம்? நத்திங் போன் 3 ஸ்மார்ட்போனில் ஆப்பிள் ஐபோனில் இருந்து ஈர்க்கப்பட்ட ஆக்ஷன் பட்டன் இடம்பெறும் என்று எதிர்பார்க்கப்படுகிறது. இதன்கீழ் பயனர்கள் ஷார்ட்கட்களை கஸ்டமைஸ் செய்ய முடியும், செட்டிங்ஸ்-ஐ மாற்ற அல்லது ஆப்களை லான்ச் செய்ய முடியும்

அடுத்துவரும் நத்திங் போனில் ஆக்ஷன் பட்டன் இடம்பெறும் பட்சத்தில் யூசர் சென்ட்ரிக் டிசைன் மற்றும் புதுமையான செயல்பாட்டிற்காக நத்திங் நிறுவனத்திற்கு வாடிக்கையாளர்கள் மத்தியில் நிச்சயம் நற்பெயர் கிடைக்கும். இதுதவிர்த்து நத்திங் போன் 3 மாடலில் 6.5-இன்ச் டிஸ்பிளேவைஇடம்பெறலாம் என்று எதிர்பார்க்கப்படுகிறது.

இதே ஸ்மார்ட்போனின் ப்ரோ வேரியண்ட் ஆனது, அதாவது நத்திங் போன் 3 ப்ரோ ஸ்மார்ட்போன் ஆனது 6.7-இன்ச் டிஸ்பிளேவை பேக் செய்யலாம்.இந்த ஸ்மார்ட்போன் ஸ்னாப்டிராகன் 8எஸ் ஜென் 3 (Snapdragon 8s Gen 3) அல்லது மீடியாடெக் டைமன்சிட்டி 9200 பிளஸ் (MediaTek Dimensity 9200 Plus) சிப்செட்டில் இயங்கலாம். இந்த சிப்செட்கள் சாத்தியமான மலிவுத்தன்மையையும், வலுவான மிட்ரேன்ஜ் ஃபோகஸையும் குறிக்கிறது.