கொஞ்சம் விட்டா வெளிய வந்துடும் போலயே.. Nothing Phone 3 மாடலில் வித்தியாசமான Camera செட்டப்!

நத்திங் (Nothing) நிறுவனம் அடுத்த வாரம், ஜூலை 1 ஆம் தேதியன்று அதன் நத்திங் போன் 3 (Nothing Phone 3) ஸ்மார்ட்போனை இந்தியா உட்பட உலகளாவிய சந்தைகளில் அறிமுகம் செய்ய உள்ளது. அறிமுகத்திற்கு இன்னும் சில நாட்களே உள்ள நிலையில் நத்திங் போன் 3 ஸ்மார்ட்போனில் 50எம்பி பெரிஸ்கோப் டெலிஃபோட்டோ லென்ஸ் (50MP periscope telephoto lens) இடம்பெறும் என்பது உறுதிசெய்யப்பட்டுள்ளது.

மேலும் நத்திங் போன் 3 ஸ்மார்ட்போன் ஆனது முன்னதாக அறிமுகமான நத்திங் போன் 3ஏ ப்ரோ மாடலில் உள்ளதை போலவே 3எக்ஸ் ஆப்டிகல் மற்றும் 60எக்ஸ் அல்ட்ரா ஜூம் மற்றும் 10செமீ டெலிமேக்ரோ ஆதரவுடன் வரும் என்பதையும் நத்திங் நிறுவனம் தெரிவித்துள்ளது.

ஆனால் நத்திங் போன் 3 ஸ்மார்ட்போனின் கேமரா பம்ப் ஆனது நத்திங் போன் 3ஏ ப்ரோ மாடல் உடன் ஒப்பிடும்போது 74% மெலிதாக இருக்கும் என்று நத்திங் நிறுவனம் தெரிவித்துள்ளது. மேலும் இந்த பெரிஸ்கோப் கேமராவானது, ஸ்மார்ட்போனின் பேக் பேனலில் எங்கே நிலைநிறுத்தப்படும் என்பதையும் (கேமரா டிசைனையும்) நத்திங் நிறுவனம் வெளிப்படுத்தியுள்ளது.

இதுவொருபக்கம் இருக்க ஆண்ட்ராய்டு ஹெட்லைன்ஸ் வழியாக லீக் செய்யப்பட்டுள்ள நத்திங் போன் 3 ஸ்மார்ட்போனின் ரெண்டர்கள் (புகைப்படங்கள்) ஆனது நத்திங் போன் 3 ஸ்மார்ட்போனின் டிசைனை இன்னும் விரிவாக காட்டுகின்றன. லீக் ஆன ரெண்டர்களின் வழியாக நத்திங் போன் 3 ஆனது பிளாக் மற்றும் ஒயிட் கலர்களில் வரும் என்பதை பரிந்துரைக்கின்றன.

மேலும் நத்திங் போன் 3 ஸ்மார்ட்போனின் டிஸ்பிளேவில் ஹோல் பஞ்ச் டிஸ்பிளே வடிவமைப்பையும் காட்டுகிறது மற்றும் பேக் பேனலில் ஒரு கிளிஃப்-மேட்ரிக்ஸ் இன்டர்பேஸையும் வெளிப்படுத்துகிறது. மேலும் நத்திங் போன் 3 ஸ்மார்ட்போன் ஆனது ஒரு தனித்துவமான கேமரா செட்டப்பை கொண்டிருக்கும் என்பதையும் பரிந்துரைக்கின்றன.

ஸ்மார்ட்போனின் பேக் பேனலில் உள்ள டாப் கேமராவானது (Top Camera) இடது பக்கத்தில் தனியாக நிலைநிறுத்தப்பட்டுள்ளது; அதாவது இது மற்ற இரண்டு சென்சார்களுடன் சீரமைக்கப்படவில்லை. மாறாக மீதமுள்ள 2 சென்சார்களும் ஒன்றோடொன்று, டாப் கேமராவின் கீழ், விளிம்பிற்கு அருகில் அமைந்துள்ளன.

இந்த லீக்டு ரெண்டர்கள், நத்திங் பகிர்ந்து கொண்ட சமீபத்திய கேமா டிசைன் டீஸர் உடன் ஒத்துப்போகிறது என்பதால், இதுவே பைனல் டிசைன் ஆக இருக்க அதிக வாய்ப்புள்ளது. இதுதவிர்த்து நத்திங் போன் 3 ஸ்மார்ட்போனின் டிசைன் லேங்குவேஜ் ஆனது "கிட்டத்தட்ட" நத்திங் போன் 3ஏ மற்றும் போன் 3ஏ ப்ரோ மாடல்களை போலவே உள்ளது

முன்னதாக ஒரு தரப்படுத்தல் தளம் (Benchmarking Site) வழியாக நத்திங் போன் 3 ஸ்மார்ட்போனின் பல முக்கிய அம்சங்கள் வெளிப்படுத்தப்பட்டு இருந்தது. கிடைக்கப்பட்ட கீக்பெஞ்ச் லிஸ்டிங்கின் (Geekbench Listing) படி, நத்திங் போன் 3 ஸ்னாப்டிராகன் 8எஸ் ஜென் 4 சிப்செட் (Snapdragon 8s Gen 4 SoC) உடன் அறிமுகம் செய்யப்படும். இந்த சிப்செட் 16ஜிபி ரேம் உடன் இணைக்கப்படும்.

இது உண்மையாகும் பட்சத்தில் நத்திங் நிறுவனம் ஆனது முதல் முறையாக 16ஜிபி வரை ரேம் கொண்ட பிளாக்ஷிப் ஸ்மார்ட்போனை அறிமுகம் செய்ய உள்ளது. மேலும் நத்திங் போன் 3 ஸ்மார்ட்போன் ஆனது ஆண்ட்ராய்டு 15 ஓஎஸ் (Android 15 OS) கொண்டு இயங்கும் என்றும் கீக்பெஞ்ச் லிஸ்டிங் குறிப்பிடுகிறது.

நத்திங் போன் 3 இந்திய விலை நிர்ணயம் எப்படி இருக்கும்? முன்னதாக நத்திங் நிறுவனத்தின் சிஇஓ-வான கார்ல் பெய் இதன் விலை சுமார் GBP 800 (தோராயமாக ரூ.90,000) இருக்கும் என்று கூறி இருந்தார். பின்னர் இது குவால்காமின் ஹை-எண்ட் ஸ்னாப்டிராகன் 8 எலைட் சிப்செட் உடன் வராது மாறாக ஸ்னாப்டிராகன் 8எஸ் ஜென் 4 சிப்செட் (Qualcomm Snapdragon 8s Gen 4 chipset) உடன் வரும் என்பது உறுதி செய்யப்பட்ட பின்னர் இந்தியாவில் இது ரூ.90,000 க்கு வராது என்பதை புரிந்துகொள்ள முடிந்தது. மாறாக இது சுமார் $799 (ரூ.68,000) க்கு அறிமுகம் செய்யப்படலாம் என்று எதிர்பார்க்கப்படுகிறது.