தரமான படைப்புகளை வழங்கும் எந்த நிறுவனமும் என்றும் மக்கள் மத்தியில் குறைந்து போவதில்லை. இதற்கு நோக்கியா ஒரு உதாரணம் என்று சொல்லாம். மொபைல்களை பயன்படுத்துவது புதிது என்று அனைவரும் கருதிய காலத்திலேயே சிறந்த மொபைல்களை மக்களுக்கு கொடுத்து அதில் பாராட்டும் பெற்ற நிறுவனம் நோக்கியா.
இ வரிசை மொபைல்கள், என் வரிசை மொபைல்கள் என்று இன்னும் போனால் ஆங்கிலத்தில் உள்ள ஏ,பி,சி,டி-யில் ஆரம்பித்து இசட் வரையில் அனைத்து எழுத்துகளிலும் மொபைலை வெளியிட்டு நோக்கியா வெற்றி கண்டு விடும் போல் இருக்கிறது.
தற்போது டி வரிசையில் டி-7 என்றொரு புதிய ஸ்மார்ட்போனை வாடிக்கையாளர்களுக்கு அறிமுகம் செய்து இருக்கிறது. டி வரிசையில் டி-7 தான் முதல் ஸ்மார்ட்போன். இந்த புதிய ஸ்மார்ட்போனின் தோற்றமே வாடிக்கையாளர்களை கிறங்க அடித்துவிடும் போல் இருக்கிறது.
16 மில்லியன் கலர்களுக்கு சப்போர்ட் செய்யும் இந்த ஸ்மார்ட்போன் 3.4 இஞ்ச் திரை வசதியினையும், 360 X 640 பிக்ஸல் துல்லியத்தையும் வழங்கும். வாடிக்கையாளர்கள் முதலில் தெரிந்து கொள்ள விரும்புவது கேமராவின் துல்லியம்.
டி-7 ஸ்மார்ட்போன் அனைவரையும் ஆச்சர்யபடுத்த 3264 X 2448 பிக்ஸல் துல்லியத்தினை தரும் 8 மெகா பிக்ஸல் கேமராவுடன் அவதாரம் எடுத்துள்ளது. 720பி வீடியோ ரெக்கார்டிங் துல்லியத்தில், ஒரு நொடிக்கு 25 ஃபிரேம்களில் வீடியோ ரெக்கார்டிங் செய்யும் திறன் படைத்த ஸ்மார்ட்போனாக இது இருக்கும்.
லித்தியம்-அயான் 1,200 எம்ஏஎச் பேட்டரி 360 மணி நேரம் ஸ்டான்-பை டைம் கொடுக்கும். 2ஜி வசதிக்கு 5 மணி நேரம் 20 நிமிடம் டாக் டைம் மற்றும் 3ஜி வசதிக்கு 7 மணி நேரம் 45 நிமிடம் டாக் டைம் வசதியினையும் பெற்று தருகிறது.
