5 பின்புற கேமராவுடன் நோக்கியா ஸ்மார்ட்போன்; மிரண்டு போன சாம்சங், ஆப்பிள்.!

வெளியான தகவலின்படி, எச்எம்டி க்ளோபல் நிறுவனம் பணியாற்றி வரும் நோக்கியா பிராண்ட் ஸ்மார்ட்போன் ஒன்றில் கற்பனைக்கு எட்டாத ஒரு அம்சம் பரிசோதிக்கப்பட்டு வருகிறது.

By Muthuraj

Published: Tuesday, January 23, 2018, 11:33 [IST]

மிகப்பெரிய எதிர்பார்ப்புகளுக்கு மத்தியில் கடந்த நவம்பர் மாதம் நோக்கியா நிறுவனம் அதன் நோக்கியா 2 ஆண்ட்ராய்டு ஸ்மார்ட்போனை ரூ.6,999/- என்கிற சூப்பர் பட்ஜெட் விலையில் அறிமுகம் செய்த நாளில் இருந்து ஸ்மார்ட்போன் உலகம் ஒவ்வொரு நாளும் நோக்கியாவின் பெயரையும், நோக்கிய பிராண்ட் கருவிகளை தயாரிக்கும் உரிமம் பெற்றுள்ள எச்எம்டி க்ளோபல் நிறுவனத்தின் பெயரையும் உச்சரித்துக் கொண்டே தான் உள்ளது.

5 ரியர் கேமராவுடன் நோக்கியா ஸ்மார்ட்போன்; மிரண்டுபோன சாம்சங், ஆப்பிள்

அதற்கேற்ப நோக்கியா நிறுவனமும் பல வகையான ஸ்மார்ட்போன்களின் வடிவமைப்பு, உற்பத்தி மற்றும் அறிமுகம் சார்ந்த லீக்ஸ்களில் சிக்கிக்கொண்டு தான் உள்ளது. அப்படியானதொரு சமீத்திய தகவல் புரட்சிமிக்க தொழில்நுட்பத்தை தங்களின் ஸ்மார்ட்போன்களில் புகுத்தும் முன்னோடி நிறுவனமான ஆப்பிள் மற்றும் சாம்சங் நிறுவனங்களையே தூக்கி சாப்பிடும் விவரம் ஒன்றை வெளிப்படுத்தியுள்ளது.

பென்டா-லென்ஸ் (5-லென்ஸ்) பின்புற கேமரா

வெளியான தகவலின்படி, எச்எம்டி க்ளோபல் நிறுவனம் பணியாற்றி வரும் நோக்கியா பிராண்ட் ஸ்மார்ட்போன் ஒன்றில் கற்பனைக்கு எட்டாத ஒரு அம்சம் பரிசோதிக்கப்பட்டு வருகிறது. அதாவது எதிர்வரும் நோக்கியா ஸ்மார்ட்போன் ஒன்றில் பென்டா-லென்ஸ் (5-லென்ஸ்) பின்புற கேமரா அம்சம் இடம்பெறவுள்ளது.

ஏற்கனவே உருவாக்கி விட்டது

மிகவும் நம்பகமான பாக்ஸ்கானின் ஆர்& டி வணிக நிறுவனம் வழியாக வெளியாகியுள்ள ஆதாரத்தின் படி, ஃபின்னிஷ் நிறுவனமான நோக்கியா ஏற்கனவே ஐந்து லென்ஸ்களுடனான உருவாக்கி விட்டது மற்றும் அது சார்ந்த பரிசோதனைகள் தான் தற்போது நடந்து வருகிறது என்ற தகவலை வெளிப்படுத்தியுள்ளது

How to download your e-Adhaar using UIDAI - Official Website in Tamil.?

பெரிய வட்ட வடிவில், 2 எல்இடி பிளாஷ்களுடன்

இக்கருவியின் வெகுஜன உற்பத்தியானது (மாஸ் ப்ரொடெக்ஷன்) இந்த 2018-ஆம் ஆண்டின் மத்தியில் தொடங்கும் என நம்பப்படுகிறது. மேலும் வெளியான தகவலானது கூறப்படும் நோக்கியா ஸ்மார்ட்போனின் பின்புறத்தில் இடம்பெறும் பென்டா-லென்ஸ் ஆனது பெரிய வட்ட வடிவில், 2 எல்இடி பிளாஷ்களுடன் மொத்தம் 5 கேமராக்களாக உட்பொதிக்கப்டும் என்பதையும் அறிவித்துள்ளது.

ஓஸோ விஆர் கேமராவிலிருந்து

அதாவது, பெரிய வட்ட வடிவம் என்றால், முந்தைய லுமியா 1020-ல் காணப்படும் வட்ட வளையம் போன்ற வடிவமைப்பை கொண்டிருக்கும். உடன் நோக்கியா ஓஸோ விஆர் (OZO VR) கேமராவிலிருந்து ஒரு சில வடிவமைப்பு கூறுகளை எடுத்துக்கொள்ளலாம். இது தவிர கூறப்படும் நோக்கியா ஸ்மார்ட்போன் பற்றிய வேறு எந்த தகவலும் இப்போது இல்லை.

ஹூவாய் பி-20 ஸ்மார்ட்போனில்

இந்த பெயர் அறியப்படாத நோக்கியாவை தவிர, ஹூவாய் நிறுவனமும் அதன் பி-20 என்கிற தலைமை ஸ்மார்ட்போனில் ஐந்து கேமராக்களை இடம்பெறச்செய்யுமென நம்பப்படுகிறது. வதந்திகள் நம்பப்படுமாயின், பி-20 ஸ்மார்ட்போனில் ஒரு மூன்று லென்ஸ் பின்புற கேமரா அமைப்பும், இரண்டு முனைப்பாக கேமராக்களும் இடம்பெறும்.

மொபைல் வேர்ல்ட் காங்கிரஸ் 2018

பிப்ரவரி மாத இறுதியில் பார்சிலோனாவில் நடக்கும் மொபைல் வேர்ல்ட் காங்கிரஸ் 2018 நிகழ்வில் (MWC2018) ஹூவாய் நிறுவனத்தின் பி-20 அறிமுகப்படுத்தப்படும் என்று எதிர்பார்க்கப்படுகிறது. மேலும் பல எதிர்பார்க்கப்படும் மற்றும் அறிமுகமாகியுள்ள புதிய ஸ்மார்ட்போன்கள் மற்றும் ஸ்மார்ட்போன் விலைக்குறைப்பு போன்ற அப்டேட்ஸ்களுக்கு தமிழ் கிஸ்பாட் வலைத்தளத்துடன் இணைந்திருங்கள்.