நோக்கியாவின் அடுத்த மலிவு விலை ஸ்மார்ட்போன் நோக்கியா 5.3 தான்! விலை என்ன தெரியுமா?

Published: Friday, August 7, 2020, 16:05 [IST]

நோக்கியா நிறுவனம் தனது நோக்கியா 5.3 ஸ்மார்ட்போனை இந்தியாவில் அறிமுகப்படுத்தத் திட்டமிட்டுள்ளது. இந்த ஆகஸ்ட் மாதத்தில் நோக்கியா நிறுவனம், நோக்கியா 5.3 ஐ அறிமுகப்படுத்தும் என்று அதிகாரப்பூர்வமாக தற்பொழுது அறிவித்துள்ளது. இந்த ஸ்மார்ட்போன் மலிவு விலையில் இந்தியாவில் அறிமுகம் செய்யப்படும் என்று எதிர்பார்க்கப்படுகிறது. இதன் விலை மற்றும் சிறப்பம்ச விபரங்களைப் பார்க்கலாம்.

நோக்கியா 5.3 ஸ்மார்ட்போன்

நோக்கிய நிறுவனம் தனது பிரத்தியேக நோக்கியா 5.3 ஸ்மார்ட்போன் மாடலை இந்தியச் சந்தையில் அறிமுகம் செய்யத் தயாராகிவிட்டது என்ற செய்தியை தற்பொழுது வெளியிட்டுள்ளது. நோக்கியா நிறுவனம், நோக்கியா 5.3 ஸ்மார்ட்போனை இந்தியாவில் அறிமுகப்படுத்துவதோடு, கூடுதலாக இன்னும் சில ஸ்மார்ட்போன் மாடல்களையும் அறிமுகம் செய்யும் என்று தகவல்கள் வெளியாகியுள்ளது.

நோக்கியா 8.3 5ஜி ஸ்மார்ட்போன்

நோக்கியா 5.3 ஸ்மார்ட்போனுடன் கூடுதலாக இந்தியாவில் அறிமுகம் செய்யப்படும் மற்ற ஸ்மார்ட்போன்களின் பெயர்கள் மற்றும் விபரங்கள் எதுவும் இன்னும் சரியாக வெளியிடப்படவில்லை. நோக்கியா 5.3 இந்த ஆண்டு தொடக்கத்தில் நோக்கியா 8.3 5ஜி போனுடன் அறிமுகப்படுத்தப்பட்டது. நோக்கியா 5.3 ஸ்மார்ட்போனின் 4 ஜிபி ரேம் + 64 ஜிபி சேமிப்பு வேரியண்ட் மாடல் தோராயமாக ரூ. 15,080 என்ற விலையில் அறிமுகம் செய்யப்படும் என்று எதிர்பார்க்கப்படுகிறது.