ஜனவரி 5 : மிரட்டலான நோக்கியா 6 (2018) அறிமுகம்.!

By Prakash

| Published: Wednesday, January 3, 2018, 11:10 [IST]

மிகவும் அதிகம் எதிர்பார்த்த நோக்கியா 6 (2018) ஸ்மார்ட்போன் மாடலை வரும் ஜனவரி 5-ம் தேதி அறிமுகப்படுத்த திட்டமிட்டுள்ளது எச்எம்டி குளோபல் நிறுவனம். மேலும் பல்வேறு அம்சங்களை கொண்டுள்ளது இந்த ஸ்மார்ட்போன் மாடல்.

எச்எம்டி குளோபல் நிறுவனம் மற்றொரு அறிவிப்பை வெளியிட்டுள்ளது, அதன்படி நோக்கியா 9ஸ்மார்ட்போன் மாடலை வரும் ஜனவரி 19-ம் தேதி சீனாவில் அறிமுகப்படுத்த திட்டமிட்டுள்ளது. மேலும் நோக்கியா 6 (2018) ஸ்மார்ட்போனின் பல்வேறு தகவல்கள் ஆன்லைனில் வெளிவந்துள்ளது.

எச்எம்டி குளோபல் நிறுவனம்:

எச்எம்டி குளோபல் நிறுவனம் குறிப்பிட்ட அறிக்கையில் வரும் மாதங்களில் நோக்கியா 4, நோக்கியா 7 பிளஸ், நோக்கியா 1, நோக்கியா 10 போன்ற ஸ்மார்ட்போன் மாடல்கள் இந்தியாவில் அறிமுகப்படுத்தப்படும் எனத் தெரிவித்துள்ளது. மேலும் வரும் ஜனவரி 5-ம் தேதி மிகவும்
எதிர்பார்த்த நோக்கிய 6 (2018) ஸ்மார்ட்போன் அறிமுகப்படுத்தப்படும் எனத் தகவல் வெளிவந்துள்ளது.

நோக்கியா 6 (2018);

இந்த நோக்கியா 6 (2018) ஆனது, 5.5 அங்குல டிஸ்பிளே வடிவமைப்பைக் கொண்டுள்ளது, அதன்பின்பு 1920 x 1080 என்ற பிக்சல் தீர்மானம்
கொண்டு இந்த ஸ்மார்ட்போன் மாடல் வெளிவரும் எனத் தகவல் தெரிவிக்கப்பட்டுள்ளது.

ஸ்னாப்டிராகன் 630:

இந்த ஸ்மார்ட்போன் மாடல் ஆக்டோ-கோர் குவால்காம் ஸ்னாப்டிராகன் 630 செயலியைக் கொண்டுள்ளது, அதன்பின்பு ஆண்ட்ராய்டு 7.1.1
இயங்குதளத்தை அடிப்படையாக கொண்டு இந்த ஸ்மார்ட்போன் மாடல் வெளிவரும்.

4ஜிபி ரேம்:

நோக்கியா 6 (2018) ஸ்மார்ட்போன் மாடல் பொறுத்தவரை 4ஜிபி ரேம் மற்றும் 32ஜிபி/64ஜிபி உள்ளடக்க மெமரியைக் கொண்டு இந்த ஸமார்ட்போன் வெளிவரும், மேலும் கூடுதலாக மெமரி நீட்டிப்பு ஆதரவு இவற்றில் இடம்பெற்றுள்ளது.

இணைப்பு ஆதரவுகள்:

வைபை, ப்ளூடூத், 4ஜி வோல்ட், ஜிபிஎஸ், யுஎஸ்பி டைப்-சி, என்எப்சி, மைக்ரோ யுஎஸ்பி, டூயல்-சிம் போன்ற இணைப்பு ஆதரவுகள் இவற்றுள் அடக்கம்.

கேமிரா :

ஆட்டோ ஃபோகஸ் மற்றும் இரட்டை-டோன் ஃபிளாஷ், எப்/2.0 கொண்ட 16 மெகாபிக்சல் பின்புற கேமிரா அத்துடன் எப்/2.0 கொண்ட செல்பீகளுக்கான 8 மெகாபிக்சல் முன்பக்க கேமிரா கொண்டுள்ளத்து. இந்த ஸ்மார்ட்போன் சிறப்பான ஒலிக்கான டால்பி அட்மோஸ் தொழில்நுட்பம் மற்றும் 'டூவல் ஸ்பீக்கர்ஸ்' கொண்டுள்ளது.