யாரும் எதிர்பார்க்காத விலையில் நோக்கியா 5.4 ஸ்மார்ட்போன் குவாட் கேமராவுடன் அறிமுகம்.!

Published: Wednesday, February 10, 2021, 13:58 [IST]

நோக்கியா நிறுவனம் இன்று இந்திய சந்தையில் அதன் புதிய ஸ்மார்ட்போன் மாடலான நோக்கியா 5.4 மற்றும் நோக்கியா 3.4 ஆகிய இரண்டு ஸ்மார்ட்போன் மாடல்களை பட்ஜெட் விலை மற்றும் மலிவு விலை செக்மென்ட்டில் அறிமுகம் செய்துள்ளது. இந்த ஸ்மார்ட்போன்களுடன் நிறுவனம் புதிய நோக்கியா பவர் இயர்பட்ஸ் லைட் சாதனத்தையும் குறைந்த விலையில் அறிமுகம் செய்துள்ளது.

நோக்கியா 5.4 ஸ்மார்ட்போன் பற்றிய முழு விபரங்கள்

இந்த பதிவில் நோக்கியா 5.4 ஸ்மார்ட்போன் பற்றிய முழு விபரங்களைப் பார்க்கலாம். நோக்கியா 5.4 ஸ்மார்ட்போனில் என்ன சிறப்பம்சங்கள் உள்ளது? இதன் இரண்டு வேரியண்ட் மாடல்கள் என்ன விலையில் அறிமுகம் செய்யப்பட்டுள்ளது. இந்த ஸ்மார்ட்போன் எப்போது விற்பனைக்கு வருகிறது? ஆரம்பக்கால சலுகைகள் என்ன என்பது போன்ற அனைத்து தகவல்களை விரிவாகப் பார்க்கலாம்.

நோக்கியா 5.4 விலை

நோக்கியா 5.4 ஸ்மார்ட்போன் 4ஜிபி ரேம் மற்றும் 64ஜிபி வேரியண்ட் கொண்ட ஒரு மாடலாகவும், 6ஜிபி ரேம் மற்றும் 64ஜிபி ஸ்டோரேஜ் கொண்ட மற்றொரு மாடலாகவும் அறிமுகம் செய்யப்பட்டுள்ளது. இந்த ஸ்மார்ட்போன்கள் முறையே ரூ.13,999 என்ற விலையிலும் மற்றும் ரூ.15,499 என்ற விலையிலும் பிளிப்கார்ட் மற்றும் நோக்கியா வலைத்தளம் வழியாகப் பிப்ரவரி 17ம் தேதி முதல் வாங்குவதற்குக் கிடைக்கும் என்று அறிவிக்கப்பட்டுள்ளது.

ரூ. 4,000 வரை ஜியோ சலுகை

நோக்கியா 5.4 வாடிக்கையாளர்களுக்கு ஜியோவில் இருந்து ரூ. 4,000 மதிப்புள்ள சலுகைகள் கிடைக்கும். ரூ .349 திட்டத்தின் ப்ரீபெய்ட் ரீசார்ஜ் மீது ரூ. 2,000 உடனடி கேஷ்பேக் மற்றும் ஜியோவின் கூட்டாளிகளிடமிருந்து ரூ. 2,000 மதிப்புள்ள வவுச்சர்கள் ஆகியவை இதில் அடங்கும். இந்த சலுகை புதிய மற்றும் ஏற்கனவே உள்ள ஜியோ சந்தாதாரர்களுக்குப் பொருந்தும் என்பது குறிப்பிடத்தக்கது.