ஜூன் 13-ஆம் தேதி இந்தியாவில் நோக்கியா 3,5 மற்றும் 6.!

நோக்கியா 3, நோக்கியா 5 மற்றும் நோக்கியா 6 ஆகிய கருவிகள் உலக சந்தையில் விற்பனைக்கு தாயாராகி வருகின்ற நிலையில் எச்எம்டி குளோபல் அதன் மூன்று நோக்கியா ஸ்மார்ட்போன்களிலும் ஆண்ட்ராய்டு ஓ மேம்படுத்தல் பெறும் என்று சமீபத்தில் அறிவித்திருந்தது.

முதலில் நோக்கியா 6, நோக்கியா 5 மற்றும் நோக்கியா 3 உட்பட நோக்கியா ஸ்மார்ட்போன்கள் ஜூன் மாதத்தில் இந்திய நாட்டில் வெளியிடப்படும் என்று சில நாட்களுக்கு முன்னர் தகவல் வெளியானது. ஆனால் அதற்கு பின்னர் வெளியான தகவல் இந்த வெளியீடு ஜூன் மாதம் நடுப்பகுதிக்கு தள்ளிப்போகலாம் என்று கூறியது.

தற்போது ஜூன் 13-ஆம் தேதி அன்று நோக்கியா ஆண்ட்ராய்டு கருவிகள் இந்திய சந்தைக்குள் விற்பனைக்கு நுழையும் என்ற தகவல் வெளியாகியுள்ளது. முன்னர் வெளியான அறிக்கையில் அனைத்து ஸ்மார்ட்போன்களும் ஒரே நேரத்தில் கிடைக்காது என்றுகூறப்பட்டிருந்தது. அது சார்ந்த தெளிவான விளக்கங்கள் இல்லை.

அபப்டியாக நோக்கியா 3 ஸ்மார்ட்போன் முதலில் கிடைக்கும் மற்றும் நோக்கியா 5 மற்றும் நோக்கியா 6 தொடர்ந்து வெளியாகும் வரும் என்று வெளியான அறிக்கை கூறுகிறது.

ரூ.20,000/- என்ற விலை நிர்ணயம் கொண்ட நோக்கியா 6 ஆனது 5.5 அங்குல முழு எச்டி 1080பி ஐபிஎஸ் எல்சிடி டிஸ்பிளே, 3 ஜிபி / 4 ஜிபி ரேம் மற்றும் 32 ஜிபி / 64 ஜிபி சேமிப்பு, ஆக்டா-கோர் ஸ்னாப்டிராகன் 430 செயலி, 128 ஜிபி வரை மெமரி நீட்டிப்பு, 8எம்பி செல்பீ கேமரா, 16எம்பி ரியர் கேமரா, கைரேகை சென்சார், 4ஜி எல்டிஇ, 3000எம்ஏஎச் பேட்டரி, ஆண்ட்ராய்டு 7.1.1 நௌவ்கட் ஆகிய அம்சங்கள் கொண்டுள்ளது.

ரூ.15,000/- என்ற விலை நிர்ணயம் கொண்ட நோக்கியா 5 ஆனது 5.2 அங்குல எச்டி 720பி ஐபிஎஸ் எல்சிடி டிஸ்பிளே, ஆண்ட்ராய்டு 7.1.1 நௌவ்கட், ஆக்டா-கோர் ஸ்னாப்டிராகன் 430 எஸ்ஓசி, 2 ஜிபி ரேம் மற்றும் 16 ஜிபி சேமிப்பு, 128 ஜிபி வரை மெமரி நீட்டிப்பு, 13எம்பி பின்புற கேமரா, 4ஜி எல்டிஇ, 3000எம்ஏஎச், ஓடிஜி ஆதரவு ஆகிய அம்சங்களை கொண்டுள்ளது.

ரூ.10,000/- என்ற விலை நிர்ணயம் கொண்ட நோக்கியா 3 ஆனது 5 அங்குல எச்டி 720பி ஐபிஎஸ் எல்சிடி டிஸ்ப்ளே, க்வாட்கோர் மீடியா டெக் எம்டி6737 செயலி, 2 ஜிபி ரேம் மற்றும் 16 ஜிபி சேமிப்பு, 128 ஜிபி வரை மெமரி நீட்டிப்பு, 8எம்பி ரியர் கிம், 8எமி செல்பீ கேம், ஆண்ட்ராய்டு 7.0 நௌவ்கட், ஓ.டி.ஜி. ஆதரவு, 4ஜி எல்டிஇ, 2650எம்ஏஎச் பேட்டரி ஆகிய அம்சங்கள் கொண்டுள்ளது.