மலிவு விலையில் நோக்கியா 3.4 ஸ்மார்ட்போன் ட்ரிபிள் கேமராவுடன் அறிமுகம்.! விலை என்ன தெரியுமா?

Published: Wednesday, February 10, 2021, 16:11 [IST]

நோக்கியா நிறுவனம் இன்று இந்திய சந்தையில் அதன் புதிய ஸ்மார்ட்போன் மாடலான நோக்கியா 5.4 மற்றும் நோக்கியா 3.4 ஆகிய இரண்டு ஸ்மார்ட்போன் மாடல்களை பட்ஜெட் விலை மற்றும் மலிவு விலை செக்மென்ட்டில் அறிமுகம் செய்துள்ளது. இந்த ஸ்மார்ட்போன்களுடன் நிறுவனம் புதிய நோக்கியா பவர் இயர்பட்ஸ் லைட் சாதனத்தையும் குறைந்த விலையில் அறிமுகம் செய்துள்ளது.

நோக்கியா 3.4 ஸ்மார்ட்போன்

இந்த பதிவில் நோக்கியா 3.4 ஸ்மார்ட்போன் பற்றிய முழு விபரங்களை பார்க்கலாம். நோக்கியா 3.4 ஸ்மார்ட்போனில் என்ன சிறப்பம்சங்கள் உள்ளது? இதன் ஒற்றை ஸ்டோரேஜ் வேரியண்ட் மாடல் என்ன விலையில் அறிமுகம் செய்யப்பட்டுள்ளது. இந்த ஸ்மார்ட்போன் எப்போது விற்பனைக்கு வருகிறது? எப்போது முன்பதிவு செய்யக் கிடைக்கிறது? ஆரம்பக்கால சலுகைகள் என்ன என்பது போன்ற தகவல்களை இப்போது பார்க்கலாம்.

இந்திய சந்தையில் மலிவு விலை நோக்கியா போன்

நோக்கியா 3.4 ஸ்மார்ட்போன் 4ஜிபி ரேம் மற்றும் 64ஜிபி வேரியண்ட் கொண்ட ஒற்றை ஸ்டோரேஜ் வேரியண்ட் மாடலாக அறிமுகம் செய்யப்பட்டுள்ளது. இந்த ஸ்மார்ட்போன் இந்திய சந்தையில் மலிவு விலையில் ரூ.11,999 என்ற விலையில் விற்பனைக்கு வரும் என்று நிறுவனம் அறிவித்துள்ளது. நோக்கியா வலைத்தளம் வழியாகப் பிப்ரவரி 10ம் தேதி முதல் முன்பதிவிற்குக் கிடைக்கும் என்று அறிவிக்கப்பட்டுள்ளது.

முன்பதிவு செய்யும் வாடிக்கையாளர்களுக்கு இந்த சலுகை உண்டு

நோக்கியா 3.4 ஸ்மார்ட்போனை முன்பதிவு செய்யும் வாடிக்கையாளர்களுக்கு Nokia Power Earbuds Lite வெறும் ரூ.1600 விலையில் கிடைக்கிறது. இத்துடன் ஜியோவில் இருந்து ரூ. 4,000 மதிப்புள்ள சலுகைகள் கிடைக்கும். ரூ .349 திட்டத்தின் ப்ரீபெய்ட் ரீசார்ஜ் மீது ரூ. 2,000 உடனடி கேஷ்பேக் மற்றும் ஜியோவின் கூட்டாளர்களிடமிருந்து ரூ. 2,000 மதிப்புள்ள வவுச்சர்கள் ஆகியவை இதில் அடங்கும். இந்த சலுகை அனைத்து ஜியோ சந்தாதாரர்களுக்கு பொருந்தும்.