நோக்கியா 2 வி டெல்லா ஸ்மார்ட்போன் அறிமுகம்.! விலை மற்றும் விபரங்கள்.!

இந்த புதிய ஸ்மார்ட்போன் நீல நிறத்தில் மட்டுமே கிடைக்கும் என்று தெரிவிக்கப்பட்டுள்ளது. பின்பு இது வால்மார்ட்.காம் வழியாக அமெரிக்காவில் விற்பனைக்கு வருகிறது. மேலும் இது தேர்ந்தெடுக்கப்பட்ட வெரிசோன் கடைகள் மூலமாகவும், வெரிசோன்.காமிலும் இந்த மாத இறுதியில் வாங்க கிடைக்கும்.

புதிய நோக்கியா 2 வி டெல்லா ஸ்மார்ட்போன் ஆனது ஆண்ட்ராய்டு 10 ஓஎஸ் கொண்டு இயங்குகிறது. மேலும் 5.4-இன்ச் எச்டி பிளஸ் டிஸ்பிளே வடிவமைப்பைக் கொண்டுள்ளது. பின்பு 1280 x 720 பிக்சல் தீர்மானம் மற்றும் 20:9 என்ற திரைவிகிதம் அடிப்படையில் இந்த சாதனம் வெளிவந்துள்ளது.

நோக்கியா 2 வி டெல்லா ஸ்மார்ட்போன் மீடியாடெக் ஹீலியோ ஏ 22 (எம்டி 6761) பிராசஸர் மூலம் இயக்கப்படுகிறது. பின்பு இந்த ஸ்மார்ட்போன் வேறு சில பட்ஜெட் பிரெண்ட்லி நோக்கியா ஸ்மார்ட்போன்களைப் போலல்லாமல், வழக்கமான ஆண்ட்ராய்டு 10-ஐ இயக்குகிறது. அதாவது இது ஆண்ட்ராய்டு கோ எடிஷன் கொண்டு இயங்கவில்லை.

இந்த நோக்கியா 2 வி டெல்லா ஸ்மார்ட்போனின் பின்புறம் 8எம்பி முதன்மை சென்சார் + 2எம்பி இரண்டாம் நிலை சென்சார் என்கிற டூயல் கேமரா அமைப்பு பொருத்தப்பட்டுள்ளன. மேலும் இதன் முன்பக்கத்தில் ஃபிளாஷ் கொண்ட 5 மெகாபிக்சல் செல்பீ சென்சார் கிடைக்கும்.

குறிப்பாக வைஃபை, எல்.டி.இ, ப்ளூடூத் 4.2, ஜி.பி.எஸ் /ஏ-ஜி.பி.எஸ், 3.5 மிமீ ஹெட்ஜாக் மற்றும் யூ.எஸ்.பி டைப்-சி போர்ட் உள்ளிட்ட பல்வேறு இணைப்பு ஆதரவுகளை கொண்டுள்ளது இந்த அட்டகாசமான ஸ்மார்ட்போன். நோக்கியா 2 வி டெல்லாவில் உள்ள சென்சார்களை பொறுத்தவரை, light sensor, proximity sensor மற்றும் accelerometer (G-sensor) உள்ளன.

நோக்கியா 2 வி டெல்லா ஸ்மார்ட்போனில் 3000எம்ஏஎச் பேட்டரி பொருத்தப்பட்டுள்ளது. மேலும் 10வாட் பாஸ்ட் சார்ஜிங் வசதியை அடிப்படையாக கொண்டு இந்த ஸ்மார்ட்போன் வெளிவந்துள்ளது. அளவீட்டில், நோக்கியா 2 வி டெல்லா ஸ்மார்ட்போன் ஆனது 150.6x71.6x9.3 மிமீ மற்றும் 180 கிராம் எடையையும் கொண்டுள்ளது என்பது குறிப்பிடத்தக்கது.