நோக்கியா 2: இந்திய விற்பனை தொடங்கியது; விலையை சொன்னால் நம்ப மாட்டீர்கள்.!

எதிர்பார்த்ததை விட மலிவான விலையில்.!

ஆம். சூப்பர் பட்ஜெட் ஸ்மார்ட்போன் ஆன நோக்கியா 2-வின் இந்திய விற்பனை விலை நிர்ண்யம் வெளியிடப்பட்டுள்ளது. அமெரிக்க ஆன்லைனில் சில்லறை விற்பனையாளர்களான அமேசான், மற்றும் பி & எச் ஆகியவற்றில் 99 அமெரிக்க டாலர்கள் என்ற விலை நிர்ணயத்தை பெற்றிருந்ததால் ரூ.7,500/- என்ற விலை நிர்ணயத்தை பெறலாமென எதிர்பார்க்கப்பட்டது. ஆனால் அதைவிட மலிவான விலைக்கே இந்தியாவிற்குள் நோக்கியா 2 நுழைகிறது.

மூன்று வண்ண மாறுபாடுகளில்.!

இந்தியாவில் நோக்கியா 2 ஸ்மார்ட்போனின் விலை ரூ.6,999/- என்று நிர்ணயிக்கப்பட்டுள்ளது. இந்த ஸ்மார்ட்போன் ஆஃப்லைன் மொபைல் சில்லறை விற்பனையாளர்கள் வழியாக வரும் வெள்ளி (நவம்பர் 24) முதல் நாட்டில் விற்பனைக்கு செல்லும். இந்தியாவில் கிடைக்கும் வண்ண மாறுபாடுகளை பொறுத்தமட்டில் : பியூட்டர்/பிளாக், பியூட்டர்/வெள்ளை மற்றும் காப்பர்/பிளாக்.!

2-நாள் நீடிக்கும் பேட்டரி ஆயுள்.!

நோக்கியா 2 ஸ்மார்ட்போனின் மிகப்பெரிய சிறப்பம்சமே அதன் "2-நாள் நீடிக்கும் பேட்டரி ஆயுள்" தான். அதாவது, நோக்கியா கருவிகளின் பேட்டரித்திறனை அடுத்த கட்டத்திற்கு கொண்டுசெல்லும் ஒரு 4100எம்ஏஎச் பேட்டரியை நோக்கியா 2 ஸ்மார்ட்போன் கொண்டுள்ளது.

5 இன்ச் எச்டி எல்டிபிஎஸ் டிஸ்ப்ளே.!

பாலிகார்பனேட் கொண்டு வெளியே கட்டப்பட்டுள்ள நோக்கியா 2 ஸ்மார்ட்போனின் குறிப்பிடத்தக்க வடிவமைப்பு சிறப்பம்சமாக அதன் 6000 தொடர் அலுமினியம் சட்டம் திகழ்கிறது. கார்னிங் கொரில்லா கிளாஸ் 3 பாதுகாப்பு மற்றும் 1: 1300 கான்ட்ராஸ்ட்ரேஷன் விகிதம் கொண்ட 5 இன்ச் எச்டி எல்டிபிஎஸ் டிஸ்ப்ளே கொண்டுள்ள இக்கருவியில் கூகுள் அசிஸ்டண்ட் அணுகல் உள்ளது.

ஆண்ட்ராய்டு 7.1.1 நௌவ்கட் (தற்போது).!

டூயல் சிம் (நானோ) ஆதரவு கொண்ட நோக்கியா 2 ஆனது ஆண்ட்ராய்டு 7.1.1 நௌவ்கட் கொண்டு இயங்குகிறது. விரைவில் ஆண்ட்ராய்டு ஓரியோ அப்டேட் பெறுமென உறுதியாக நம்பலாம். உடன் இக்கருவி க்வால்காம் ஸ்னாப்ட்ராகன் 212 எஸ்ஓசி (க்வாட்-கோர், 1.2ஜிகாஹெர்ட்ஸ்) மற்றும் 1 ஜிபி எல்பிடிடிஆர்3 ரேம் மூலம் இயக்கப்படுகிறது.

8 மெகாபிக்சல் +5 மெகாபிக்சல்.!

கேமராத்துறையை பொறுத்தமட்டில், எல்இடி ப்ளாஷ் மற்றும் ஆட்டோஃபோகஸ் கொண்ட 8 மெகாபிக்சல் பின்புற கேமராவும், செல்பீ மற்றும் வீடியோ அழைப்புகளுக்கான ஸ்டாண்டார்ட் ஃபோகஸ் கொண்ட 5 மெகாபிக்சல் முன்பக்க கேமராவும் கொண்டுள்ளது.

8 ஜிபி + 128 ஜிபி.!

சேமிப்புத்திறனை பொறுத்தமட்டில், 8 ஜிபி அளவிலான உஉள்ளடக்க சேமிப்பு கொண்டுள்ளது உடன் மைக்ரோ எஸ்டி அட்டை வழியாக 128 ஜிபி வரை விரிவாக்கக்கூடிய ஆதரவும் வழங்கும். இணைப்பு அம்சங்களை பொறுத்தமட்டில் நோக்கியா 2 ஆனது 4ஜி வோல்ட், வைஃபை, ப்ளூடூத் வி4.1, ஜிபிஎஸ், ஏ-ஜிபிஎஸ், ஆர்டிஸ், மைக்ரோ-யூஎஸ்பி மற்றும் 3.5மிமீ ஹெட்ஜாக் ஆகியவைகளை கொண்டுள்ளது.

மொத்தம் மூன்று வண்ண மாறுபாடுகளில்.!

மொத்தம் மூன்று வண்ண மாறுபாடுகளில் - பிளாக் முன்பக்கம் மற்றும் பிளாக் ப்ரேம் உடனான பியூட்டர் பிளாக், வெள்ளை முன்பக்கம் மற்றும் பிளாக் ப்ரேம் உடனான பியூட்டர் வெள்ளை மற்றும் பிளாக் பின்புறம், வெள்ளை முன்பக்கம், காப்பர் ப்ரேம் உடனான காப்பர் - வெளியாகிறது.

ட்ரிப் ப்ரொடெக்ஷன்அதாவது சொட்டு நீர் பாதுகாப்பு

சென்சார்களை பொறுத்தமட்டில், அக்ஸலரேமீட்டர், ஆம்பியண்ட் லைட் சென்சார், டிஜிட்டல் காம்பஸ் ஆகியவைகளை கொண்டுள்ளது. அளவீட்டில் நோக்கியா 2 ஆனது 143.5x71.3x9.3 மிமீ கொண்டுள்ளது மற்றும் ஐபி52 (ட்ரிப் அதாவது சொட்டு நீர்) பாதுகாப்பும் கொண்டுள்ளது.

சுமார் 1,00,000 ஆஃப்லைன் ஸ்டோர்களில்.!

நோக்கியா 2 ஆண்ட்ராய்டு ஸ்மார்ட்போன் ஆனது நாடு முழுவதும் உள்ள சுமார் 1,00,000 ஆஃப்லைன் ஸ்டோர்களிலும் கிடைக்கும் என்பதை நிறுவனம் உறுதி செய்துள்ளது. முன்னர் வெளியான நோக்கியா 3 மற்றும் நோக்கியா 5 போன்றே, ஆரம்பத்தில் ஆஃப்லைனில் வெளியிடப்பட்டு பின்னர் ஆன்லைனில் கிடைக்கவும் வாய்ப்புள்ளது.