ஆளுக்கொரு நோக்கியா 1 வாங்கலாம்: ஏனெனில் அதன் விலையும், அம்சங்களும் அப்படி.!

ஸ்மார்ட்போன் உலகின் சூடான தலைப்பு

நோக்கியா 1 ஸ்மார்ட்போன் ஆனது ஏன் இவ்வளவு ஸ்பெஷல்.? ஏனெனில் - நோக்கியா 1 தான் பின்னிஷ் நிறுவனத்தின் முதல் ஆண்ட்ராய்ட் கோ ஸ்மார்ட்போன் ஆகும். வருகிற மார்ச் 2018-ல் வெளியாகுமென எதிர்பார்க்கப்படும் இக்கருவியின் சமீபத்திய லீக்ஸ் புகைப்படம் தான் ஸ்மார்ட்போன் உலகின் சூடான தலைப்பாகும்.

உறுதிப்படுத்தப்பட்டுள்ளது

ஆன்லைனில் உலாவரும் நோக்கியா 1 ஸ்மார்ட்போனின் புதிய கசிவானது அதன் நிஜமான வடிவமைப்பை வெளிப்படுத்தியுள்ளது. இதன் மூலம் நேற்றுவரை ஒரு வதந்தியாக நம்பப்பட்ட நோக்கியா 1 ஆனது இன்றுமுதல் எச்எம்டி க்ளோபல் மூலம் பணியாற்றப்படும் ஒரு கருவியாகியுள்ளது, உறுதிப்படுத்தப்பட்டுள்ளது.

சற்று வித்தியாசமான வடிவமைப்பு

வெளியாகியுள்ள படத்தில் உள்ள ஒரு சாதனம் தற்போதைய பட்ஜெட் ஸ்மார்ட்போன் ஆன நோக்கியா 2-வின் வடிவமைப்பை கொண்டிருக்க மற்றொரு ஸ்மார்ட்போன் ஆனது சற்று வித்தியாசமான வடிவமைப்பைக் கொண்டிருக்கிறது. இதிலிருந்து வரவிருக்கும் நுழைவு நிலை கைபேசியான நோக்கியா 1 ஸ்மார்ட்போனின் இறுதி வடிவமைப்பு உறுதியாகவில்லை என்பதை அறிய முடிகிறது.

நிறைய ஒற்றுமைகளை பகிர்ந்து கொள்ளும்

நிறுவனத்தின் முதல் ஆண்ட்ராய்டு ஓரியோ (கோ பதிப்பு) ஸ்மார்ட்போன் ஆனது நோக்கியா 1 என்ற பெயரின் கீழ், அமெரிக்காவில் 95 அமெரிக்க டாலர்கள் (அதாவது இந்திய மதிப்பில் சுமார் ரூ.6,000/- என்ற புள்ளியில்) வெளியாகுமென முன்னர் வெளியான தகவல்கள் குறிப்பிட்டன. அமெரிக்க வெளியீட்டை தொடர்ந்து அதே விலை நிர்ணயத்தில் இந்திய சந்தையில் பிந்தைய தேதிகளில், நோக்கியா 1 ஸ்மார்ட்போன் தொடங்கப்படலாம்.

நிறைய ஒற்றுமைகளை பகிர்ந்து கொள்ளும்

மேற்க்குறிப்பிட்டபடி, எச்எம்டி க்ளோபல் நிறுவனமானது இன்னமும்இ நோக்கியா 1 ஸ்மார்ட்போனின் இறுதி வடிவமைப்பை உறுதி செய்யவில்லை. அதனால் தான் சமீபத்திய லீக்ஸ் புகைப்படத்தில் இரண்டு வெவ்வேறு வடிவமைப்புகளுடன் கசிந்துள்ளது. ஒரு முந்தைய அறிக்கையின்படி, நோக்கியா 1 ஆனது நோக்கியா 2 உடன் நிறைய ஒற்றுமைகளை பகிர்ந்து கொள்ளும் என்று அறியப்பட்டது.

8ஜிபி அளவிலான உள்ளடக்க சேமிப்பு

அம்சங்களை பொறுத்தமட்டில், நோக்கியா 1 ஆனது எச்டி தீர்மானம் கொண்ட 5 இன்ச் டிஸ்ப்ளே கொண்டிருக்கலாமென எதிர்பார்க்கப்படுகிறது. உடன் க்வாட்-கோர் சிப்செட் உடனான 1ஜிபி ரேம் மற்றும் 8ஜிபி அளவிலான உள்ளடக்க சேமிப்புடன் இணைக்கப்பட்டிருக்கலாம்.

பிளாஸ்டிக் உடல்

ஒரு நுழைவு நிலை ஸ்மார்ட்போனாக இருப்பதால், நோக்கியா 1 ஆனது பிளாஸ்டிக் உடல் கொண்டிருக்க அதிக வாய்ப்புள்ளது. இதர அம்சங்கள் அனைத்தும் நோக்கியா 2 ஸ்மார்ட்போனை போன்றிருந்தாலும், முக்கிய வேறுபாடாக நோக்கியா 1 ஸ்மார்ட்போனின் இயக்க முறைமை திகழும்.

ஆண்ட்ராய்டு கோ மெமரி மேலாண்மை அம்சங்கள்

நோக்கியா 1 ஆனது அண்ட்ராய்டு கோ திட்டத்தின் ஒரு பகுதியாகும். அதாவது நுழைவு-நிலை ஸ்மார்ட்போன்களை குறிவைத்து வடிவமைக்கப்பட்ட ஆண்ட்ராய்டு ஓரியோவின் லைட் பதிப்பை கொண்டு களமிறங்கும் முதல் ஸ்மார்ட்போன் ஆகும். தற்போது வரையிலாக முழு ஆண்ட்ராய்டு கொண்டு இயங்கும் நோக்கியா 2 ஸ்மார்ட்போனில் விரைவில் ஆண்ட்ராய்டு கோ மெமரி மேலாண்மை அம்சங்கள் கொண்ட ஓரியோ அப்டேட் நிகழ்த்தப்படுமென எதிர்பார்க்கப்படுகிறது.

கூகுள் கோ, யூட்யூப் கோ

ஆக, நோக்கியா 1 ஆனது கூகுள் கோ, யூட்யூப் கோ போன்ற முன் நிறுவப்பட்ட பயன்பாடுகளுடன் வெளியாகும் என்பதை அறிய முடிகிறது. இதன் உத்தியோகபூர்வ வெளியீட்டு தேதி மற்றும் சாதனத்தின் விலை இன்னும் தெரியவில்லை. அடுத்த மாதம் நிகழும் எம்டபுள்யூசி2018 நிகழ்வில் வெளியிடப்பட வாய்ப்புள்ளது.

நோக்கியா 7 பிளஸ்

இக்கருவியுடன் சேர்த்து நோக்கியா 9, நோக்கியா 8 (2018), நோக்கியா 4, நோக்கியா 7 பிளஸ் போன்ற இதர நோக்கியா ஸ்மார்ட்போன்களை வெளியாகலாம். நோக்கியா ஸ்மார்ட்போன்கள் பற்றிய தொடர்ச்சியான அப்டேட்ஸ்ளுக்கு தமிழ் கிஸ்பாட் வலைத்தளத்துடன் இணைந்திருங்கள்.