இது என்ன புது விதமான ஏமாத்து வேலையா இருக்கு? பழைய 2018 டிஸ்பிளேவுடன் ஒரு புது iPhone!

ஐபோன் எஸ்இ 4

அதேபோல் இந்நிறுவனம் ஐபோன் எஸ்இ (2022) மாடலை இந்தியாவில் ரூ.43,900-விலையில் அறிமுகம் செய்தது. குறிப்பாக இந்த போன் தரமான அம்சங்களுடன் வெளிவந்தது. மேலும் இதை விட தரமான அம்சங்களுடன் ஐபோன் எஸ்இ 4 மாடல் அறிமுகமாகும் என்று தகவல் வெளிவந்துள்ளது.

ஆன்லைனில் கசிந்த தகவலின்படி,ஆப்பிள் ஐபோன் எஸ்இ 4 மாடல் வரும் 2024-ம் ஆண்டு அறிமுகம் செய்யப்படும் என்று கூறப்படுகிறது. மேலும் இந்த போனின் சில அம்சங்கள் தற்போது ஆன்லைனில் கசிந்துள்ளது, அதைப் பற்றி இப்போது விரிவாகப் பார்ப்போம்.

5.7 இன்ச் அல்லது 6.1-இன்ச்

ஆப்பிள் ஐபோன் எஸ்இ 4 ஆனது 5.7 இன்ச் அல்லது 6.1-இன்ச் எல்சிடி டிஸ்பிளே வசதியுடன் அறிமுகமாகும் என்று தெரிவிக்கப்பட்டுள்ளது. அதேபோல் நாட்ச் வடிவமைப்புடன் இந்த போன் அறிமுகமாகும் என்று தகவல் வெளிவந்துள்ளது.

பழைய டிஸ்பிளே

சமீபத்தில் iPhone SE 4 இன் வடிவமைப்பு ரெண்டர்கள் iPhone XR-ஐ போன்ற வடிவமைப்புடன் வெளிவந்தன. அதாவது iPhone XR டிஸ்பிளே போன்றே இந்த iPhone SE 4 அறிமுகமாகும் என்று கூறப்படுகிறது. இதற்கு பதிலாக வேறு ஒரு தனித்துவமான டிஸ்பிளேவுடன் ஐபோன் எஸ்இ 4
மாடல் வெளிவந்தால் நன்றாக இருக்கும். குறிப்பாக iPhone SE 4 மாடல் பழைய டிஸ்பிளே வசதியுன் வெளிவந்தால் ஒரு புது விதமான ஏமாத்து வேலையாக இருப்பது போன்றுதான் தெரியும். எனவே ஐபோன் எஸ் 4 மாடலின் டிஸ்பிளே பகுதிக்கு ஆப்பிள் நிறுவனம் அதிக கவனம் செலுத்த வேண்டும்.

ஆனாலும் ஐபோன் எஸ்இ 4 மாடல் ஆனது Face ID, மேம்பட்ட சிப் வசதி மற்றும் அசத்தலான கேமரா அம்சங்களுடன் பட்ஜெட் விலையில் அறிமுகமாகும் என்று தெரிவிக்கப்பட்டுள்ளது. குறிப்பாக இந்திய சந்தையில் அதிக எதிர்பார்ப்புகளை உருவாக்கியுள்ளது இந்த ஐபோன் எஸ்இ 4 மாடல்.

மேலும் இந்நிறுவனம் ஏற்கனவே அறிமுகம் செய்த ஆப்பிள் ஐபோன் எஸ்இ 2022 மாடலின் அம்சங்களை இப்போது பார்ப்போம்.

Apple iPhone SE 2022 சிறப்பம்சங்கள்

Apple iPhone SE 2022 சிறப்பம்சங்கள் குறித்து பார்க்கையில், இந்த மாடல் ஐபோன் ஆனது 4.7 இன்ச் ரெடினா டிஸ்ப்ளே மற்றும் பின்புற கண்ணாடியுடன் கிடைக்கிறது. குறிப்பாக இந்த போனை பயன்படுத்துவதற்கு மிகவும் அருமையாக உள்ளது.

ஐபி67 மதீப்பீடு

ஃபேஸ் அன்லாக் ஆதரவும் இந்த Apple iPhone SE 2022 மாடலில் இருக்கிறது. ஃபிங்கர் பிரிண்ட் சென்சாரும் உள்ளது. இந்த ஐபோனானது டஸ்ட் மற்றும் வாட்டர் எதிர்ப்புக்கான ஐபி67 மதீப்பீடு பெற்றிருக்கிறது. மேலோட்டமாக தண்ணீர் தெறிப்பதில் இருந்து இந்த ஐபோன் மாடல் பாதுகாக்கப்படுகிறது.

ஏ15 பயோனிக் சிப்செட்

மேலும் ஐபோன் SE 2022 ஆனது ஏ15 பயோனிக் சிப்செட் மூலம் இயக்கப்படுகிறது. அதேபோல் ஐஓஎஸ் 15 இயங்குதளத்தை அடிப்படையாக கொண்டு வெளிவந்துள்ளது இந்த அட்டகாசமான ஐபோன் மாடல். ஐபோன் எஸ்இ 2022 ஆனது ஸ்மார்ட் HDR 4, ஃபோட்டோகிராஃபிக் ஸ்டைல்கள், டீப் ஃப்யூஷன் மற்றும் போர்ட்ரெய்ட் பயன்முறை போன்ற பல ஆதரவுகளைக் கொண்டிருக்கிறது.

12 எம்பி கேமரா

குறிப்பாக ஐபோன் எஸ்இ 2022 பின்புறத்தில் 12 எம்பி கேமரா பொருத்தப்பட்டுள்ளது. இந்த ஐபோன் மாடல் ஆனது 5ஜி இணைப்பு ஆதரவைக் கொண்டிருக்கிறது.தற்போது இந்த போனுக்கு இந்தியாவில் நல்ல வரவேற்பு உள்ளது என்பது குறிப்பிடத்தக்கது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.