போக்கோவின் அடுத்த ஸ்மார்ட்போன் இது தானா? இணையத்தில் லீக் ஆனா தகவல்..

புதிய போக்கோ ஸ்மார்ட்போன் ரெட்மி நோட் 10 மாடலின் ரீ-பிராண்டு செய்யப்பட்ட வெர்ஷனாக இருக்கும் என்று நம்பகமான டிப்ஸ்டர் தகவல் வெளியாகியுள்ளது. இந்த ஸ்மார்ட்போன் வரும் டிசம்பர் மாத மத்தியில் ஸ்மார்ட்போன் சந்தையில் அறிமுகம் செய்யப்படலாம் என்று தகவல்கள் வெளியாகியுள்ளது.

முன்னதாக போக்கோ மேலாளர் அங்கஸ் கை ஹோ என்ஜி புதிய போக்கோ ஸ்மார்ட்போன் வெளியீட்டிற்கான டீசரை தனது சமூக வலைதளத்தில் வெளியிட்டு இருந்தார் என்பது குறிப்பிடத்தக்கது. இந்த புதிய போக்கோ ஸ்மார்ட்போன் இந்திய சந்தையில் எப்பொழுது அறிமுகம் செய்யப்படும் என்பது குறித்த தகவல்கள் இதுவரை எதுவும் லீக் ஆகவில்லை.

சமீபத்திய டீசர் தகவளின் படி, புதிய போக்கோ ஸ்மார்ட்போன் M2010j19CG என்ற மாடல் எண்ணுடன் காணப்பட்டுள்ளது என்று தெரிவிக்கப்பட்டுள்ளது. அதேபோல், சில தினங்களுக்கு முன்பு சியோமி ரெட்மி நோட் 10 4ஜி ஸ்மார்ட்போன் வேரியண்டின் விபரங்கள் வலைத்தளத்தில் கசிந்தது. இந்த மாடல் M2010J19SC என்ற மாடல் எண்ணுடன் சீனாவின் 3C தளத்தில் காணப்பட்டுள்ளது.

இதே மாடல் தற்பொழுது சர்வதேச சந்தையில் M2010j19CG என்ற மாடல் எண்ணுடன் கொண்டிப்பது கண்டுபிடிக்கப்பட்டுள்ளது. இதற்கு முன்பு போக்கோ நிறுவனம் போக்கோ சி3 ஸ்மார்ட்போன் மாடலை இந்திய சந்தையில் அறிமுகம் செய்தது. அந்த நேரத்தில் இது ரெட்மி 9சி மாடலின் மாற்றம் செய்யப்பட்ட வெர்ஷன் மாடலாக தான் இருந்தது என்பதை நாம் மறக்கவேண்டாம்.