செம ஸ்டைலான Redmi கே50 அல்ட்ரா ஸ்மார்ட்போன் அறிமுகம்.! விலை எவ்வளவு தெரியுமா?

ரெட்மி கே50 அல்ட்ரா

ரெட்மி நிறுவனம் அறிமுகம் செய்துள்ள இந்த புதிய ரெட்மி கே50 அல்ட்ரா ஸ்மார்ட்போன் ஆனது கருப்பு, நீலம் மற்றும் சில்வர் நிறங்களில் அறிமுகம் செய்யப்பட்டுள்ளது. இப்போது இந்த ஸ்மார்ட்போனின் முழு அம்சங்களை சற்று விரிவாகப் பார்ப்போம்.

OLED டிஸ்பிளே

ரெட்மி கே50 அல்ட்ரா ஸ்மார்ட்போன் 6.7-இன்ச் 12-bit OLED டிஸ்பிளே வசதியுடன் வெளிவந்துள்ளது. எனவே இந்த போனின் டிஸ்பிளே உங்களுக்கு ஒரு தனித்துவமான அனுபவத்தை கொடுக்கும்.

மேலும் 2,712 x 1,220 பிக்சல்ஸ், 120 ஹெர்ட்ஸ் ரெஃப்ரெஷ் ரேட், டால்பி விஷன், எச்டிஆர் 10 பிளஸ் ஆதரவு உள்ளிட்ட பல சிறப்பு அம்சங்களுடன் இந்த புதிய ஸ்மார்ட்போன் அறிமுகம் செய்யப்பட்டுள்ளது.

அடேங்கப்பா என சொல்ல வைக்கும் சிப்செட்

புதிய ரெட்மி கே50 அல்ட்ரா ஸ்மார்ட்போனின் சிப்செட் வசதிக்கு தனி கவனம் செலுத்தியுள்ளது ரெட்மி நிறுவனம். அதாவது இந்த போன் குவால்காம்ஸ்னாப்டிராகன் 8 பிளஸ் ஜென் 1 சிப்செட் வசதியை அடிப்படையாக கொண்டு வெளிவந்துள்ளது. எனவே இந்த ஸ்மார்ட்போனை பயன்படுத்துவதற்குமிகவும் அருமையாக இருக்கும்.

அதேபோல் MIUI 13 சார்ந்த ஆண்ட்ராய்டு 12 இயங்குதள வசதியுடன் வெளிவந்துள்ளது இந்த அட்டகாசமான ரெட்மி ஸ்மார்ட்போன். மேலும்
VC liquid கூலிங் சிஸ்டம் ஆதரவைக் கொண்டுள்ளது இந்த ரெட்மி போன். எனவே இந்த போனை எவ்வளவு நேரம் பயன்படுத்தினாலும்சூடாகாது.

நாம் எதிர்பார்த்த கேமரா வசதி

ரெட்மி கே50 அல்ட்ரா ஸ்மார்ட்போன் 108எம்பி பிரைமரி கேமரா + 8எம்பி அல்ட்ரா வைடு லென்ஸ் + 2எம்பி மேக்ரோ லென்ஸ் என்கிற ட்ரிபிள் ரியர் கேமரா அமைப்பைக் கொண்டுள்ளது. பின்பு செல்பீகளுக்கும், வீடியோகால் அழைப்புகளுக்கும் என்றே 20எம்பி கேமராவுடன் வெளிவந்துள்ளது இந்த ரெட்மி ஸ்மார்ட்போன்.

எனவே இந்த ஸ்மார்ட்போன் உதவியுடன் குறைந்த வெளிச்சம் உள்ள இடங்களில் கூட அருமையான படங்களை எடுக்க முடியும்.

512ஜிபி இன்டர்னல் ஸ்டோரேஜ்

8ஜிபி/12ஜிபி ரேம் மற்றும் 128ஜிபி/256ஜிபி/512ஜிபி இன்டர்னல் ஸ்டோரேஜ் ஆதரவைக் கொண்டு வெளிவந்துள்ளது இந்த ரெட்மி கே50 அல்ட்ரா ஸ்மார்ட்போன். மேலும் இந்த ஸ்மார்ட்போனின் வடிவமைப்புக்கு அதிக கவனம் செலுத்தியுள்ளது ரெட்மி நிறுவனம்.

பாஸ்ட் சார்ஜிங் வசதி

குறிப்பாக 5000 எம்ஏஎச் பேட்டரி மற்றும் 120W பாஸ்ட் சார்ஜிங் வசதியைக் கொண்டுள்ளது இந்த ரெட்மி கே50 அல்ட்ரா ஸ்மார்ட்போன். எனவே
இந்த போனை விரைவில் சார்ஜ் செய்ய முடியும். பின்புரெட்மி கே50 அல்ட்ரா போனில் நீண்ட நேரம் பேட்டரி பேக்கப் கிடைக்கும் என்பது குறிப்பிடத்தக்கது.

சூப்பர் கனெக்டிவிட்டி

அதேபோல் டூயல் சிம், 5ஜி, வைஃபை 6, டூயல்-பேண்ட் ஜிஎன்எஸ்எஸ், என்எப்சி, ஐபி53 மதிப்பீடு, டால்பி அட்மாஸ்-ஆதரவு டூயல் ஸ்டீரியோ ஸ்பீக்கர்கள், எக்ஸ்-ஆக்சிஸ் லீனியர் வைப்ரேஷன் மோட்டார் மற்றும் இன்-ஸ்கிரீன் கைரேகை சென்சார் உட்பட பல சிறப்பு அம்சங்களை கொண்டு வெளிவந்துள்ளது ரெட்மி கே50 அல்ட்ரா
போன்.

என்ன விலை?

தற்போது ரெட்மி கே50 அல்ட்ரா ஸ்மார்ட்போன் சீனாவில் மட்டுமே அறிமுகம் செய்யப்பட்டுள்ளது. விரைவில் அனைத்து நாடுகளிலும் அறிமுகமாகும் என்று தகவல் தெரிவிக்கப்பட்டுள்ளது. மேலும் இந்த ரெட்மி கே50 அல்ட்ரா போனின் ஆரம்ப விலை CNY 2,999 (ரூ.35,400) ஆக உள்ளது.