ரூ.8000 நேரடி டிஸ்கவுண்ட்.. 16GB ரேம், 6500mAh பேட்டரி, 120W சார்ஜிங், SONY கேமரா கொண்ட இந்த Realme போன் மீது!

ரியல்மி நிறுவனம் சில தினங்களுக்கு முன்னர் தான் அதன் ரியல்மி ஜிடி 7 சீரீஸை அப்டேட் செய்தது. இந்நிறுவனம் ரியல்மி ஜிடி 7 (Realme GT 7), ரியல்மி ஜிடி 7டி (Realme GT 7T) மற்றும் ரியல்மி ஜிடி 7 ட்ரீம் எடிஷன் (Realme GT 7 Dream Edition) ஆகிய ஸ்மார்ட்போன்களை இந்தியாவில் அறிமுகம் செய்திருந்தது

ரியல்மி ஜிடி 7 சீரிஸின் கீழ் புதிய மாடல்கள் அறிமுகம் செய்யப்பட்ட வேகத்தில், அமேசான் இந்தியா வளைத்தளம் ஆனது முன்னதாக இந்தியாவில் அறிமுகம் செய்யப்பட்ட ரியல்மி ஜிடி 7 ப்ரோ (Realme GT 7 Pro) மாடல் மீது மிகப்பெரிய ரூ.8000 கூப்பன் தள்ளுபடியை வழங்குகிறது. இதன் தள்ளுபடியின் கீழ் ரியல்மி ஜிடி 7 ப்ரோ ஸ்மார்ட்போனை ரூ.54,998 க்க பதிலாக ரூ.46,998 என்கிற ஆபர் விலையில் வாங்க முடியும்.

ஆர்வமுள்ள வாடிக்கையாளர்கள் அமேசான் இந்தியா வழங்கும் ரூ.8000 கூப்பன் தள்ளுபடியுடன் சேர்த்து வங்கி தள்ளுபடிகளையும் பெறலாம். ரியல்மி ஜிடி 7 ப்ரோ மாடலுக்கு மட்டுமல்ல, பின்வரும் பிற ரியல்மி ஸ்மார்ட்போன்கள் மற்றும் ஆக்சஸெரீஸ்கள் மீதும் தள்ளுபடி அறிவிக்கப்பட்டுள்ளது: ரியல்மி நார்சோ 80 ப்ரோ (Realme Narzo 80 Pro), ரியல்மி பட்ஸ் ஏர் 7 ப்ரோ (Realme Buds Air 7 Pro), ரியல்மி நார்சோ 80எக்ஸ் 5ஜி (Realme Narzo 80x 5G) மற்றும் ரியல்மி நார்சோ 80எக்ஸ் (Realme Narzo 80x).

சமீபத்தில் இந்நிறுவனம் அதன் ரியல்மி பட்ஸ் ஏர் 7 ப்ரோ (Realme Buds Air 7 Pro) இயர்பட்ஸ் மாடலை இந்தியாவில் அறிமுகம் செய்திருந்ததும் இங்கே குறிப்பிடத்தக்கது. கேஸுடன் சேர்த்து, ஒரே சார்ஜில் 48 மணிநேரம் வரை பிளேபேக் நேரத்தை வழங்குவதாக கூறப்படும் இந்த இயர்பட்ஸ் ஆனது 45ms வரையிலான லோ லேட்டன்சி மோட்-ஐயும் ஆதரிக்கின்றன. மேலும் இது AI லைவ் டிரான்ஸ்லேட்டர், ஃபேஸ் டு ஃபேஸ் டிரான்ஸ்லேட்டர் மற்றும் AI இன்குவைரி AI அம்சங்களுக்கான ஆதரவுடன் வருகிறது.

இந்தியாவில் ரியல்மி பட்ஸ் ஏர் 7 ப்ரோவின் விலை ரூ.5,499 என நிர்ணயிக்கப்பட்டுள்ளது. இது பையரி க்ரே, க்ளோரி பீய்ஜி, மெட்டாலிக் க்ரே மற்றும் ரேஸிங் க்ரீன் 4 ஆகிய கலர் ஆப்ஷன்களில் அறிமுகம் செய்யப்பட்டுள்ளது. இது ரியல்மி அதிகாரப்பூர்வ இ-ஸ்டோர், அமேசான், பிளிப்கார்ட், மின்த்ரா மற்றும் தேர்ந்தெடுக்கப்பட்ட ஆஃப்லைன் சில்லறை விற்பனை கடைகள் வழியாக வாங்க கிடைக்கிறது

ரியல்மி ஜிடி 7 ப்ரோ மீதான ஆபர் ஒருபக்கம் இருக்க ரியல்மி நிறுவனம் அதன் பிராண்டின் கீழ் இதுவரை அறிமுகம் செய்திராத அளவிலான மிகவும் பிரீமியம் ஃபிளாக்ஷிப் ஸ்மார்ட்போன் ஆக ரியல்மி ஜிடி 8 ப்ரோவை (Realme GT 8 Pro) அறிமுகப்படுத்த தயாராகி வருகிறது. இது ஸ்னாப்டிராகன் 8 எலைட் 2 சிப்செட், 200 மெகாபிக்சல் பெரிஸ்கோப் டெலிஃபோட்டோ கேமராவை பேக் செய்யும் என்று எதிர்பார்க்கப்படுகிறது.

டிஸ்பிளேவை பொறுத்தவரை ரியல்மி ஜிடி 8 ப்ரோ ஸ்மார்ட்போன் ஆனது 2கே ரெசல்யூஷன் உடனான ஒரு பிளாட் OLED பேனலை கொண்டிருக்கும் என்று எதிர்பார்க்கப்படுகிறது. நினைவூட்டும் வண்ணம் முந்தைய தலைமுறை மாடல் ஆனது 1.5கே ரெசல்யூஷனை ஆதரிக்கும் மைக்ரோ-குவாட்-கர்வ்டு OLED பேனலை கொண்டிருந்தது. ஆக இது ஒரு பெரிய மாற்றமாக இருக்கும்.

மேலும் அதன் முன்னோடியை போலவே, ரியல்மி ஜிடி 8 ப்ரோ ஸ்மார்ட்போனும் அல்ட்ராசோனிக் இன்-ஸ்கிரீன் பிங்கர் பிரிண்ட் சென்சார் மற்றும் நீர்ப்புகாத பாடியை கொண்டிருக்கும் என்றும் எதிர்பார்க்கப்படுகிறது பேட்டரியை பொறுத்தவரை ரியல்மி ஜிடி 8 ப்ரோ ஸ்மார்ட்போன் ஆனது 100W சார்ஜிங்குடன் சுமார் 7,000mAh பேட்டரியைக் கொண்டிருக்கும் என்று எதிர்பார்க்கப்படுகிறது. விலை ரூ.60000-ஐ சுற்றிய பட்ஜெட்டில் இருக்கலாம்.