மிரட்டலான மோட்டோரோலா ஒன் ஃபியூஷன் பிளஸ் நாளை அறிமுகம்! விலை என்ன இருக்கும்?

மோட்டோரோலா ஒன் ஃபியூஷன் பிளஸ்

மோட்டோரோலா ஒன் ஃபியூஷன் பிளஸ் ஸ்மார்ட்போன் மாடல் ஆனது 6.5' இன்ச் 1080 x 2340 பிக்சல் கொண்ட முழு எச்டி பிளஸ் டிஸ்பிளே வடிவமைப்பைக் கொண்டுள்ளது மற்றும் நாட்ச் இல்லாத முழு டிஸ்பிளே யுடன் பாப் அப் கேமரா வசதியைக் கொண்டுள்ளது. சிறந்த பாதுகாப்பு வசதியுடன் மிரட்டலான டிசைனில் வடிவமைக்கப்பட்டு, உருவாக்கப்பட்டு நாளை இந்திய சந்தையில் கால்பதிக்கத் தயாராகவுள்ளது.

1TB வரையிலான கூடுதல் மெமரி

இந்த ஸ்மார்ட்போன் ஸ்னாப்டிராகன் 730 சிப்செட் உடன், அட்ரினோ 618 ஜிபியு ஆதரவைக் கொண்டுள்ளது,மேலும் ஆண்ட்ராய்டு 10 அடிப்படையாகக் கொண்ட இயங்குதளத்துடன் இந்த ஸ்மார்ட்போன் வெளிவரும் என்று நிறுவனம் அறிவித்துள்ளது. மோட்டோரோலா ஒன் ஃபியூஷன் பிளஸ் ஸ்மார்ட்போன், 6ஜிபி ரேம் மற்றும் 128ஜிபி உள்ளடக்க சேமிப்புடன் 1TB வரையிலான கூடுதல் மெமரி நீட்டிப்பு ஆதரவையும் கொண்டுள்ளது என்பது குறிப்பிடத்தக்கது.

மோட்டோரோலா ஒன் ஃபியூஷன் பிளஸ் விபரம்

இந்த ஸ்மார்ட்போனின் பின்புறம் 64 மெகா பிக்சல் கொண்ட பிரைமரி கேமரா, 8 மெகா பிக்ஸ்ல கொண்ட அல்ட்ரா வைடு ஆங்கில் கேமரா, 2 மெகா பிக்சல் கொண்ட டெப்த் சென்சார் மற்றும் 5 மெகா பிக்சல் கொண்ட மேக்ரோ லெனஸ் கேமரா என மொத்தம் நான்கு கேமராக்களை எல்இடி ஃபிளாஷ் உடன் கொண்டுள்ளது. சிறப்பினை செல்ஃபீ அனுபவத்திற்கு 16 மெகா பிக்சல் கொண்ட செல்ஃபீ கேமராவும் கொடுக்கப்பட்டுள்ளது.

பேட்டரி மற்றும் இணைப்பு விருப்பங்கள்

மோட்டோரோலா ஒன் ஃபியூஷன் பிளஸ் ஸ்மார்ட்போன், 15W பாஸ்ட் சார்ஜிங் ஆதரவுடன் மிக பெரிய 5000 எம்ஏஎச் பேட்டரியுடன் வருகிறது. எனவே சார்ஜ் பற்றிய கவலை இருக்காது. மோட்டோரோலா ஒன் ஃபியூஷன் பிளஸ் ஸ்மார்ட்போன், புளூடூத் வி 5, வைஃபை 802.11 ஏசி, ஜிபிஎஸ், 3.5 மிமீ ஆடியோ ஜாக், யூ.எஸ்.பி டைப்-சி போர்ட் மற்றும் இரட்டை 4 ஜி வோல்டி, என பல்வேறு இணைப்பு ஆதரவுகளுடன் அறிமுகம் செய்யப்படுகிறது.

விலை, விற்பனை மற்றும் கலர் விபரம்

மோட்டோரோலா ஒன் ஃபியூஷன் பிளஸில் பின்புற பின்னர் பிரிண்ட் சென்சார் உள்ளது. மேலும் இது பிரத்யேக கூகிள் அசிஸ்டென்ட் பட்டனையும் கொண்டுள்ளது. இந்த புதிய ஸ்மார்ட்போன் மாடல் தோராயமாக ரூ. 25,400 என்ற விலைக்குள் இந்தியாவில் வெளிவரும் என எதிர்பார்க்கப்படுகிறது. மோட்டோரோலா ஒன் ஃபியூஷன் பிளஸ் ஸ்மார்ட்போன் மூன்லைட் வைட் மற்றும் ட்விலைட் ப்ளூ நிறத்தில் பிளிப்கார்ட் தளத்தில் விற்பனைக்குக் கிடைக்குமென்று தெரிவிக்கப்பட்டுள்ளது.