உலகின் முதல் 'ஸ்லிம் சைஸ்' 5ஜி ஸ்மார்ட் போன் Motorola Moto Edge 30.. விலை என்ன தெரியுமா?

Published: Monday, May 9, 2022, 14:26 [IST]

லெனோவா ஆதரவில் இயங்கி வரும் ஸ்மார்ட்போன் உற்பத்தியாளரான மோட்டோரோலா நிறுவனம், தனது புதிய ஸ்மார்ட் போன் மாடலான மோட்டோரோலா மோட்டோ எட்ஜ் 30 (Motorola Moto Edge 30) ஸ்மார்ட்போனை இந்த வாரம் இந்தியாவில் அறிமுகப்படுத்த உள்ளது. இந்த ஸ்மார்ட்போன், வரும் மே 12 ஆம் தேதி அறிமுகப்படுத்தப்படும் என்று நிறுவனம் முன்பு அறிவித்தது. இந்த சாதனம் "உலகின் முதல் மெல்லிய 5G ஸ்மார்ட்போன்" மாடலாக அறிமுகம் செய்யப்படும் என்று நிறுவனம் விளம்பரப்படுத்தியுள்ளது குறிப்பிடத்தக்கது. ஆம், உலகின் முதல் ஸ்லிம் சைஸ் 5ஜி ஸ்மார்ட் போன் சாதனம் இது.

உலகின் முதல் ஸ்லிம் சைஸ் 5ஜி ஸ்மார்ட் போன்

உலகின் முதல் ஸ்லிம் சைஸ் 5ஜி ஸ்மார்ட் போன் என்று விளம்பரம் செய்யப்பட்டுள்ள இந்த புதிய மோட்டோரோலா மோட்டோ எட்ஜ் 30 சாதனத்தின் சிறப்புகள் என்ன என்பதை அறிந்துகொள்ளலாம் வாங்க. நிறுவனத்தின் தகவல் படி, மோட்டோரோலா மோட்டோ எட்ஜ் 30 ஒரு மிட்-பிரீமியம் ஸ்மார்ட்போனாக இருக்கும் என்றும், விவரக்குறிப்புகளுக்கு வரும்போது அதன் உலகளாவிய பதிப்பைப் போலவே இது இருக்கும் என்றும் எதிர்பார்க்கப்படுகிறது. இந்த வாரம் வரவிருக்கும் Moto Edge 30 தொடர்பான விவரக்குறிப்புகள், விலை மற்றும் பிற விவரங்களைப் பார்ப்போம்.

மோட்டோரோலா மோட்டோ எட்ஜ் 30 போனின் சிறப்பம்சம் மற்றும் விவரக்குறிப்புகள்

Motorola Moto Edge 30 ஸ்மார்ட் போனானது HDR10+ உடன் வரும் 6.5' இன்ச் அளவு கொண்ட FHD+ டிஸ்பிளேவை ஆதரிக்கிறது. இந்த டிஸ்பிளே 144Hz புதுப்பிப்பு வீதத்துடன் வரும் என்று கூறப்பட்டுள்ளது. இந்த சாதனத்தின் டிஸ்பிளே, செல்ஃபி கேமராவைக் கொண்ட மையமாக வைக்கப்பட்டுள்ள பஞ்ச்-ஹோல் வடிவமைப்பைக் கொண்டுள்ளது. மோட்டோ Edge 30 போனானது சக்தி வாய்ந்த Snapdragon 778G+ சிப்செட் மூலம் இயக்கப்படுகிறது. இது நன்கு அறியப்பட்ட Snapdragon 778 சிப்செட்டின் மேம்படுத்தப்பட்ட மாறுபாடாகும்.

Motorola Moto Edge 30 போனின் ஸ்டோரேஜ் மற்றும் பேட்டரி விபரம்

Motorola Moto Edge 30 சாதனத்தில் உள்ள செயலி 8GB வரை LPDDR4x ரேம் மற்றும் 128GB அல்லது 256GB சேமிப்பகத்துடன் இணைக்கப்பட்டுள்ளது. இந்த ஸ்மார்ட்போன் ஆண்ட்ராய்டு 12 பேஸ்டு மை யுஎக்ஸில் இயங்குகிறது. இது ஸ்டாக் ஆண்ட்ராய்டு அனுபவத்தை வழங்குகிறது. இந்த புதிய Motorola Moto Edge 30 ஸ்மார்ட்போனின் ஒரு குறிப்பிடத்தக்கக் குறைபாடு, அதன் சிறிய பேட்டரியாகும். இது வெறும் 4020mAh அளவில் வருகிறது. இது 33W ஃபாஸ்ட் சார்ஜிங் தொழில்நுட்பத்தை ஆதரிக்கிறது. சாதனத்தின் மிக மெல்லிய வடிவமைப்பு காரணமாக அதன் பேட்டரி தியாகம் செய்யப்பட்டுள்ளது.

Motorola Moto Edge 30 ஸ்மார்ட் போனின் கேமரா அம்சம்

கேமரா தொகுதியைப் பொறுத்தமட்டில், இந்த Motorola Moto Edge 30 ஆனது OIS மற்றும் ஆல்-பிக்சல் ஃபோகஸ் கொண்ட 50MP முதன்மை லென்ஸ் மூலம் மூன்று பின்புற கேமரா அமைப்புடன் வருகிறது. இந்த சாதனம் அதன் அல்ட்ரா-வைட் கேமராவிற்கு 118° FOV உடன் மற்றொரு 50MP சென்சார் உள்ளது. இது மேக்ரோ கேமராவாகவும் 2MP டெப்த் சென்சாராகவும் பயன்படுத்தப்படலாம். முன்பக்கத்தில், 32MP செல்ஃபி கேமரா உள்ளது. ஸ்மார்ட்போனில் உள்ள மற்ற அம்சங்களில் டூயல்-சிம் 5G (sub-6 GHz), Wi-Fi 6E, ப்ளூடூத் 5.2, NFC மற்றும் USB-C போர்ட் ஆகியவை அடங்கும்.

மோட்டோரோலா மோட்டோ எட்ஜ் 30 ஸ்மார்ட் போனின் எதிர்பார்க்கப்படும் விலை

மோட்டோரோலா மோட்டோ எட்ஜ் 30 ஸ்மார்ட் போன் இந்தியாவில் ரூ.30,000 முதல் ரூ.40,000 வரையிலான விலையில் அறிமுகப்படுத்தப்படும் என்று எதிர்பார்க்கப்படுகிறது. இந்த சாதனத்தின் விலை விவரங்களை நிறுவனம் இன்னும் அதிகாரப்பூர்வமாக வெளியிடவில்லை. இருப்பினும், இந்த ஸ்மார்ட்போன் பிளிப்கார்ட், ரிலையன்ஸ் டிஜிட்டல் மற்றும் இந்தியாவில் உள்ள முன்னணி சில்லறை விற்பனை நிலையங்கள் வழியாக விற்பனைக்குக் கிடைக்கும் என்பது உறுதிப்படுத்தப்பட்டுள்ளது.