நாடே இந்த மோட்டோரோலா போனுக்கு வெயிட்டிங்.. ட்ரிபிள் ரியர் கேமரா.. எந்த மாடல்? எப்போது அறிமுகம்?

மோட்டோரோலா நிறுவனம் தனது புதிய மோட்டோரோலா எட்ஜ் 70 ப்ரோ மாடலை விரைவில் இந்தியாவில் அறிமுகம் செய்ய உள்ளது. அதாவது எச்டிஆர்10 பிளஸ் டேட்டாபேஸ் தளத்தில் இந்த போனின் படங்கள் மற்றும் சில முக்கிய விவரக்குறிப்புகள் வெளியாகி உள்ளது. ஆகவே இந்த ஸ்மார்ட்போன் வரும் வாரங்களில் இந்தியாவில் அறிமுகம் செய்யப்பட வாய்ப்பு உள்ளது.

மோட்டோரோலா எட்ஜ் 70 ப்ரோ அம்சங்கள்: ட்ரிபிள் ரியர் கேமரா செட்டப் கொண்டுள்ளது இந்த மோட்டோரோலா எட்ஜ் 70 ப்ரோ போன். மேலும் பன்ச் ஹோல் டிஸ்பிளே(Punch Hole Display) வசதி யுடன் இந்த மோட்டோரோலா போன் வெளியாகும். பவர் பட்டன் மற்றும் வால்யூம் கண்ட்ரோல்கள் போனின் இடது பக்கத்தில் உள்ளன.

யுஎஸ்பி டைப்-சி போர்ட், ஸ்பீக்கர் கிரில், மைக்ரோஃபோன் கட்அவுட், சிம் ட்ரே போன்ற வசதிகள் இந்த புதிய போனில் உள்ளன. தற்போது மோட்டோரோலா எட்ஜ் 70 ப்ரோ போனின் சில அம்சங்கள் தான் வெளியாகி உள்ளன. கூடிய விரைவில் இந்த போனின் அனைத்து விவரங்களும்வெளியாகும். மேலும் இந்நிறுவனம் சமீபத்தில் அறிமுகம் செய்த மோட்டோரோலா எட்ஜ் 70 ஃப்யூசன் (Motorola Edge 70 Fusion)போனின் அம்சங்களை இப்போது பார்க்கலாம்.

மோட்டோரோலா எட்ஜ் 70 ஃப்யூசன் அம்சங்கள்(Motorola Edge 70 Fusion Specifications): குவாட் கர்வ்ட் டிசைனில் 6.8 இன்ச் பிஓஎல்இடி (pOLED) டிஸ்பிளே உடன் இந்த போன் வெளிவந்துள்ளது. மேலும் இதன் டிஸ்பிளேவில் 1.5K ரெசொலூஷன், 144Hz ரெஃப்ரெஷ் ரேட், 5200 நிட்ஸ் பீக் பிரைட்னஸ், எச்டிஆர்10பிளஸ் (HDR10+), கார்னிங் கொரில்லா கிளாஸ் 7ஐ (Corning Gorilla Glass 7i), 2772 x 1272 பிக்சல்கள் உள்ளிட்ட பல அம்சங்கள் உள்ளன.

ஆக்டா கோர் ஸ்னாப்டிராகன் 7எஸ் ஜென் 4 4என்எம் (Octa Core Snapdragon 7s Gen 4 4nm) சிப்செட் கொண்டுள்ளது புதிய மோட்டோரோலா எட்ஜ் 70 ஃப்யூசன் ஸ்மார்ட்போன். குறிப்பாக இந்த சிப்செட் ஆனது மேம்பட்ட வேகம் மற்றும் செயல்திறன் வழங்கும். அதுவும் இந்த ஸ்மார்ட்போனில் அனைத்து ஆப்களையும் தடையின்றி பயன்படுத்த முடியும்.

அட்ரினோ 810 ஜிபியு (Adreno 810 GPU) கிராபிக்ஸ் கார்டு வசதி இந்த மோட்டோரோலா எட்ஜ் 70 ஃப்யூசன் ஸ்மார்ட்போனில் உள்ளது. மேலும் ஆண்ட்ராய்டு 16 ஓஎஸ் (Android 16 OS) மூலம் இந்த போன் இயங்குகிறது. ஆனாலும் 3 ஜெனரேஷ் ஓஎஸ் அப்டேட்கள் மற்றும் 4 வருடங்களுக்கு செக்யூரிட்டி அப்டேட்கள் இந்த போனுக்கு கிடைக்கும்.

50 எம்பி மெயின் கேமரா + 13 எம்பி அல்ட்ரா வைடு கேமரா என்கிற டூயல் ரியர் கேமரா செட்டப் உடன் வெளிவந்துள்ளது மோட்டோரோலா எட்ஜ் 70 ஃப்யூசன் ஸ்மார்ட்போன். இந்த போனில் 4K வீடியோ ரெக்கார்டிங் சப்போர்ட் கிடைக்கிறது. செல்பிகளுக்கும், வீடியோகால் அழைப்புகளுக்கும் என்றே 32எம்பி கேமராவும் இந்த போனில் உள்ளது.

IP68 ரேட்டிங் + IP69 ரேட்டிங் கொண்ட டஸ்ட்& வாட்டர் ரெசிஸ்டன்ட் உடன் மோட்டோரோலா எட்ஜ் 70 ஃப்யூசன் ஸ்மார்ட்போன் அறிமுகம் செய்யப்பட்டுள்ளது. மேலும் MIL STD-810H சர்டிபிகேஷன் மிலிட்டரி கிரேடு டியூரபிலிட்டி, இன்-டிஸ்பிளே அல்ட்ராசோனிக் ஃபிங்கர் பிரிண்ட் சென்சார் (in-display ultrasonic fingerprint sensor) போன்ற சிறப்பான வசதிகளுடன் இந்த போன் வெளியாகி உள்ளது.

7000mAh பேட்டரி உடன் மோட்டோரோலா எட்ஜ் 70 ஃப்யூசன் அறிமுகம் செய்யப்பட்டுள்ளது. எனவே இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 68W ஃபாஸ்ட் சார்ஜிங் வசதியும் உள்ளது. இந்த ஸ்மார்ட்போனின் எடை 193 கிராம் ஆகும். பான்டோன் ப்ளூ சர்ப் (PANTONE Blue Surf), பான்டோன் கன்ட்ரி ஏர் (PANTONE Country Air) மற்றும் பான்டோன் சில்லவுட் (PANTONE Silhouette) நிறங்களில் இந்த போனை வாங்கலாம். குறிப்பாக இந்த மோட்டோரோலா எட்ஜ் 70 ஃப்யூசன் போனை ரூ.26,999 விலையில் வாங்கிவிட முடியும்.

photos credits: intakhab