அடடே.. இவ்வளவு தானா.! அறிமுகத்திற்கு முன் வெளியான Motorola எட்ஜ் 40 போனின் விலை.!

கடந்த சில வாரங்களுக்கு முன்பு மோட்டோரோலா எட்ஜ் 40 எனும் ஸ்மார்ட்போனை ஐரோப்பாவில் அறிமுகம் செய்தது மோட்டோரோலா நிறுவனம். இந்நிலையில் இந்த மோட்டோரோலா எட்ஜ் 40 ஸ்மார்ட்போன் இந்தியாவிலும் அறிமுகம் செய்யப்பட உள்ளது. அதாவது வரும் மே 23-ம் தேதி இந்தியாவில் மோட்டோரோலா எட்ஜ் 40 போன் அறிமுகம் செய்யப்படுகிறது.

இந்நிலையில் மோட்டோரோலா எட்ஜ் 40 ஸ்மார்ட்போன் பிளிப்கார்ட் தளத்தில் அறிமுகம் செய்யப்படுவதற்கு முன்பே அதன் விலை கசிந்துள்ளது. அதாவது 91mobiles மொபைல் வெளியிட்டுள்ள தகவலின்படி, இந்த மோட்டோரோலா எட்ஜ் 40 ஸ்மார்ட்போன் ரூ.27,990-விலையில் அறிமுகம் செய்யப்படும் என்று தெரிவிக்கப்பட்டுள்ளது.

குறிப்பாக மோட்டோரோலா எட்ஜ் 40 ஸ்மார்ட்போனின் முன்பதிவு மே 23-ம் தேதி தொடங்கும் என்று கூறப்படுகிறது. அதேபோல் இந்த போனின் விலை குறித்த ஸ்கிரீன் ஷாட் ஆன்லைனில் வெளிவந்துள்ளது என்பது குறிப்பிடத்தக்கது. பின்பு எக்லிப்ஸ் பிளாக், நெபுலா கிரீன் மற்றும் லூனார் ப்ளூ நிறங்களில் இந்த போன் அறிமுகமாகும் என்று கூறப்படுகிறது. இப்போது மோட்டோரோலா எட்ஜ் 40 போனின் அம்சங்களை சற்று விரிவாகப் பார்ப்போம்.

6.55-இன்ச் ஃபுல் எச்டி பிளஸ் 3டி வளைந்த pOLED டிஸ்பிளே வசதியைக் கொண்டுள்ளது மோட்டோரோலா எட்ஜ் 40. மேலும் 144 ஹெர்ட்ஸ் ரெஃப்ரெஷ் ரேட், 1200 நிட்ஸ் ப்ரைட்னஸ், 360 ஹெர்ட்ஸ் டச் சாம்ப்ளிங் ரேட் மற்றும் சிறந்த பாதுகாப்பு வசதியுடன் இந்த அட்டகாசமான மோட்டோரோலா ஸ்மார்ட்போன் வெளிவந்துள்ளது. குறிப்பாக இதன் டிஸ்பிளே ஒரு தனித்துவமான அனுபவத்தைக் கொடுக்கும்.

ஆக்டோ-கோர் மீடியாடெக் டைமன்சிட்டி 8020 சிப்செட் வசதியைக் கொண்டுள்ளது இந்த புதிய மோட்டோரோலா எட்ஜ் 40 ஸ்மார்ட்போன். எனவே இந்த ஸ்மார்ட்போனை இயக்குவதற்கு மிகவும் அருமையாக இருக்கும். வீடியோ எடிட்டிங் ஆப், கேமிங் ஆப் உள்ளிட்ட அனைத்தையும் தடையின்றி பயன்படுத்த முடியும். குறிப்பாக ஆண்ட்ராய்டு 13 இயங்குதளத்தைக் கொண்டுள்ளது இந்த மோட்டோரோலா எட்ஜ் 40 ஸ்மார்ட்போன்.

50எம்பி பிரைமரி கேமரா + 13எம்பி அல்ட்ரா வைடு லென்ஸ் என்கிற டூயல் ரியர் கேமராவைக் கொண்டு இந்த மோட்டோரோலா எட்ஜ் 40 ஸ்மார்ட்போன் வெளிவந்துள்ளது. எனவே இந்த ஸ்மார்ட்போன் உதவியுடன் அட்டகாசமான புகைப்படங்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 32எம்பி கேமராவைக் கொண்டுள்ளது இந்த அட்டகாசமான ஸ்மார்ட்போன்.

மோட்டோரோலா எட்ஜ் 40 ஸ்மார்ட்போனில் 4500 எம்ஏஎச் பேட்டரி பொருத்தப்பட்டுள்ளது. எனவே சார்ஜ் பற்றிய கவலை இருக்காது. நீண்ட நேரம் பேட்டரி பேக்கப் கிடைக்கும். பின்பு 68 வாட்ஸ் பாஸ்ட் சார்ஜிங் வசதி, 15 வாட்ஸ் வயர்லெஸ் சார்ஜிங் வசதி உள்ளிட்ட பல சிறப்பு அம்சங்களைக் கொண்டுள்ளது இந்த மோட்டோரோலா எட்ஜ் 40 மாடல்.

இன்-டிஸ்பிளே கைரேகை ஸ்கேனர் வசதியைக் கொண்டுள்ளது இந்த மோட்டோரோலா எட்ஜ் 40 ஸ்மார்ட்போன். பின்பு டூயல் பேண்ட் வைஃபை, புளூடூத் 5.2, ஜிபிஎஸ், என்எப்சி, யுஎஸ்பி டைப்-சி போர்ட் உள்ளிட்ட பல கனெக்டிவிட்டி ஆதரவுகளைக் கொண்டுள்ளது இந்த மோட்டோரோலா எட்ஜ் 40 மாடல். மேலும் இந்த போனின் எடை 167 கிராம் என்பது குறிப்பிடத்தக்கது. 8ஜிபி ரேம் மற்றும் 256ஜிபி ஸ்டோரேஜ் வசதியைக் கொண்டு வெளிவந்துள்ளது இந்த அட்டகாசமான மோட்டோரோலா எட்ஜ் 40.