ஸ்மார்ட்போன் சந்தையில் மோட்டோரோலாவுக்கு பெயர் வாங்கி கொடுத்த மாடல்களில் டிராய்டு ரேஸர் ஸ்மார்ட்போனும் ஒன்று. ஆனால், டிராய்டு ரேஸர் ஸ்மார்ட்போனின் பெர்ஃபார்மென்ஸ் குறி்த்து வாடிக்கையாளர் மத்தியில் சிறிது அதிருப்தி இருப்பதை மோட்டோ உணர்ந்துகொண்டது.
இதையடுத்து, டிராய்டு ரேஸர் ஸ்மார்ட்போனின் குறைகளை களைந்து கூடுதல் ஆற்றலுடன் டிராய்டு ரேஸர் மேக்ஸ் என்ற பெயரில் விரைவில் அறிமுகப்படுத்துகிறது மோட்டோரோலா.
புதிய டிராய்டு ரேஸரின் பேட்டரி அதிக ஆற்றலுடன் செயல் திறன் மிக்கதாக மாற்றப்பட்டுள்ளது.இதன் பேட்டரி பேக்கப் சிறப்பாகவும் நீடித்த உழைப்பை கொடுக்கும் வகையிலும் இருக்கும்.
இது 4.5 இஞ்ச் அமோலெட் திரையுடன் வடிவமைக்கப்பட்டுள்ளது. இதன் டிஸ்ப்ளே 720 பி துல்லியத்தை கொண்டிருக்கும். இதில், ஆற்றல் வாய்ந்த 13 மெகாபிக்ஸல் கேமராவும் பொருத்தப்பட்டிருக்கிறது.
இது கூகுள் ஆன்ட்ராய்டு ஆப்பரேட்டிங் சிஸ்டத்தில் இயங்கும் என்றும் தகவல்கள் தெரிவிக்கின்றன. இதன் ஹார்டுவேர்களிலும் மாற்றங்களை மோட்டோ செய்துள்ளதாக தெரிகிறது.
இதனால், இந்த புதிய டிராய்டு ரேஸர் மேக்ஸ் ஸ்மார்ட்போன் செயல் திறன் மற்றும் வேகத்தில் சாம்சங் கேலக்ஸி நெக்ஸஸ், நோக்கியா லூமியா 800, ஆப்பிள் ஐபோன் 4 எஸ் ஆகியவற்றை ஒத்திருக்கலாம் என்று எதிர்பார்க்கப்படுகிறது.
சீன மார்க்கெட்டில் மோட்டோரோலா விற்பனை செய்து வரும் மோட்டோரோ எக்ஸ்டி 928 மாடல் ஸ்மாட்ர்போனே தற்போது டிராய்டு ரேஸர் மேக்ஸ் என்ற பெயரில் வெளியிடப்படலாம் என்றும் தகவல்கள் தெரிவிக்கின்றன. இந்த புதிய ஸ்மார்ட்போனின் விலை குறித்த விபரங்களை மோட்டோரோலா இதுவரை வெளியிடவில்லை.
