இவ்ளோ தானா? 6000எம்ஏஎச் பேட்டரி.. 12ஜிபி ரேம்.. நாளை இந்தியாவுக்கு வரும் மோட்டோ 5ஜி போன்.. எந்த மாடல்?

மிகவும் அதிகம் எதிர்பார்க்கப்பட்ட மோட்டோ ஜி54 5ஜி ஸ்மார்ட்போன் ஆனது இன்று சீனாவில் அறிமுகம் செய்யப்பட்டது. இதே மோட்டோ ஜி54 5ஜி ஸ்மார்ட்போன் நாளை இந்தியாவிலும் அறிமுகம் செய்யப்பட உள்ளது. அதாவது நாளை (6-9-2023) மதியம் 12 மணி அளவில் இந்த மோட்டோ ஜி54 5ஜி போன் இந்தியாவில் அறிமுகமாகும் என்று தெரிவிக்கப்பட்டுள்ளது.

குறிப்பாக இந்த புதிய மோட்டோ ஜி54 5ஜி (Moto G54 5G) போனை பிளிப்கார்ட் தளத்தில் வாங்க முடியும் என்பது குறிப்பிடத்தக்கது. இப்போது இந்த புதிய மோட்டோ போனின் அம்சங்களைச் சற்று விரிவாகப் பார்ப்போம்.

6.5-இன்ச் ஃபுல் எச்டி பிளஸ் டிஸ்பிளே வசதியுடன் இந்த மோட்டோ ஜி54 5ஜி ஸ்மார்ட்போன் வெளிவரும் இந்த மோட்டோ ஜி54 5ஜி போன். மேலும் 1080 x 2400 பிக்சல்ஸ், 20:9 ஆஸ்பெக்ட் ரேஷியோ, 120 ஹெர்ட்ஸ் ரெஃப்ரெஷ் ரேட் (120Hz refresh rate), 450 நிட்ஸ் ப்ரைட்னஸ், 240 ஹெர்ட்ஸ் டச் சாம்ப்ளிங் ரேட் உள்ளிட்ட பல சிறப்பு அம்சங்களைக் கொண்டுள்ளது இந்த போனின் டிஸ்பிளே.

மோட்டோ ஜி54 5ஜி ஸ்மார்ட்போனில் 6000எம்ஏஎச் பேட்டரி வசதி உள்ளது. பின்பு இந்த பேட்டரியை சார்ஜ் செய்ய 33 வாட்ஸ் பாஸ்ட் சார்ஜிங் ஆதரவும் உள்ளது. எனவே இந்த ஸ்மார்ட்போனை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இது நீண்ட நேரம் பேட்டரி பேக்கப் வழங்கும். அதேபோல் இந்த போனை விரைவாக சார்ஜ் செய்துவிட முடியும் என்பது குறிப்பிடத்தக்கது.

8ஜிபி ரேம் +128ஜிபி மெமரி மற்றும் 12ஜிபி ரேம் + 256ஜிபி மெமரி என இரண்டு வேரியண்ட்களில் இந்த மோட்டோ ஜி54 5ஜி விற்பனைக்கு வரும். மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த அசத்தலான போன். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இதில் உள்ளது. இந்த போன் குறைந்த எடையில் அறிமுகமாகும்.

ஆக்டோ-கோர் மீடியாடெக் டைமன்சிட்டி 7020 சிப் வசதியைக் கொண்டுள்ளது இந்த அசத்தலான மோட்டோ ஜி54 5ஜி ஸ்மார்ட்போன். குறிப்பாக கேமிங் வசதிகளுக்குத் தகுந்தபடி சிறந்த மென்பொருள் அமைப்பு இதில் உள்ளது. அதேபோல் ஆண்ட்ராய்டு 13 இயங்குதளத்தைக் கொண்டு இந்த மோட்டோ ஸ்மார்ட்போன் வெளிவரும். குறிப்பாக இந்த போனின் வடிவமைப்பு மற்றும் மென்பொருள் வசதிக்கு அதிக கவனம் செலுத்தியுள்ளது மோட்டோரோலா நிறுவனம்.

மோட்டோ ஜி54 5ஜி ஸ்மார்ட்போன் 50எம்பி பிரைமரி கேமரா + 8எம்பி அல்ட்ரா வைடு லென்ஸ் என்கிற டூயல் ரியர் கேமரா அமைப்பைக் கொண்டு. எனவே இந்த ஸ்மார்ட்போன் உதவியுடன் துல்லியமான வீடியோ மற்றும் புகைப்படங்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 16எம்பி கேமராவைக் கொண்டுள்ளது இந்த அசத்தலான ஸ்மார்ட்போன்.

பவர் பட்டன் (power button) மற்றும் வால்யூம் ராக்கர்ஸ் (volume rockers) இந்த மோட்டோ ஜி54 5ஜி ஸ்மார்ட்போனின் வலது பக்கத்தில் உள்ளது என்பது குறிப்பிடத்தக்கது. அதேபோல் டால்பி அட்மோஸ்(Dolby Atmos) மற்றும் ஸ்டீரியோ ஸ்பீக்கர்கள் ஆதரவைக் கொண்டுள்ளது இந்த மோட்டோ ஜி54 5ஜி போன்.

5ஜி, 4ஜி வோல்ட்இ, புளூடூத் 5.3, வைஃபை, ஜிபிஎஸ், என்எப்சி, யுஎஸ்பி டைப்-சி போர்ட் உள்ளிட்ட பல கனெக்டிவிட்டி ஆதரவுகளைக் கொண்டு வெளிவரும் மோட்டோ ஜி54 5ஜி. அம்ப்ரோசியா (Ambrosia), பாலட் ப்ளூ (Ballad Blue), கரோனெட் ப்ளூ (Coronet Blue) மற்றும் அவுட்டர் ஸ்பேஸ் (Outer Space) நிறங்களில் இந்த மோட்டோ ஜி54 5ஜி போன் வெளிவரும்.

சீனாவில் 8ஜிபி ரேம் மற்றும் 128ஜிபி மெமரி கொண்ட மோட்டோ ஜி54 5ஜி போனின் விலை யுவான் 1,099 (இந்திய மதிப்பில் ரூ.12,500). பின்பு இதை விட 12ஜிபி ரேம் கொண்ட வேரியண்ட் சற்று உயர்வான விலையில் கிடைக்கும். அதேபோல் நாளை இந்தியாவிலும் மோட்டோ ஜி54 5ஜி ஸ்மார்ட்போன் கம்மி விலையில் தான் அறிமுகமாகும் என்று கூறப்படுகிறது.