ஸ்னாப்டிராகன் 8 ஜென் 1 சிப்செட் உடன் மலிவு விலையில் வரும் Moto Edge 30 Pro.. விலை என்ன தெரியுமா?

Published: Tuesday, February 22, 2022, 17:17 [IST]

மோட்டோரோலா நிறுவனத்தின் வரவிருக்கும் முதன்மை ஸ்மார்ட்போன் மாடலான மோட்டோ எட்ஜ் 30 ப்ரோ (Moto Edge 30 Pro) இந்த வாரம் இந்தியாவில் அறிமுகப்படுத்தப்படும் என்று தெரிவிக்கப்பட்டுள்ளது. மோட்டோரோலாவால் குறிப்பிடப்படாத புதிய ஸ்மார்ட்போனுக்காக டீஸ் செய்யப்பட்ட பிப்ரவரி 24 வெளியீட்டு நிகழ்வுக்கு முன்னதாக, மோட்டோ எட்ஜ் 30 ப்ரோவின் விலை மற்றும் விவரக்குறிப்புகள் ஆன்லைனில் வெளிவந்துள்ளன. இந்த ஸ்மார்ட்போன் 2021 டிசம்பரில் சீனாவில் அறிமுகப்படுத்தப்பட்ட மோட்டோ எட்ஜ் X30 இன் மறுபெயரிடப்பட்ட பதிப்பாகும் என்பது குறிப்பிடத்தக்கது.

புதிய மோட்டோ எட்ஜ் 30 ப்ரோ ஸ்மார்ட்போன்

இந்த புதிய மோட்டோ எட்ஜ் 30 ப்ரோ ஸ்மார்ட்போன் அதன் ஹூட்டின் கீழ் மிகவும் சக்தி வாய்ந்த மற்றும் புதிய தொழில்நுட்பத்துடன் வெளியான ஸ்னாப்டிராகன் 8 ஜென் 1 சிப்செட் (Snapdragon 8 Gen 1 SoC) மூலம் இயக்கப்படுகிறது. ஒரு டிப்ஸ்டரின் கூற்றுப்படி, மோட்டோ எட்ஜ் 30 ப்ரோ இந்தியாவில் ஸ்னாப்டிராகன் 8 ஜென் 1 என்ற ஃபிளாக்ஷிப் சிப்செட்டைக் கொண்டிருக்கும் மிகவும் மலிவு ஸ்மார்ட்போனாக இருக்கும் என்று தெரிவிக்கப்பட்டுள்ளது. இது சாம்சங் கேலக்ஸி S22 தொடருடன் ஒப்பிடும்போது இந்தியாவில் மிகவும் குறைந்த விலையில் அறிமுகமாகிறது. சாம்சங் கேலக்ஸி S22 தொடரின் ஆரம்ப விலை ரூ. 72,999 ஆகும்.

இந்தியாவில் Moto Edge 30 Pro விலை, கிடைக்கும் தன்மை (எதிர்பார்க்கப்படும்)

டிப்ஸ்டர் யோகேஷ் ப்ராரை மேற்கோள் காட்டி 91Mobiles இன் அறிக்கையின்படி, வரவிருக்கும் மோட்டோ எட்ஜ் 30 ப்ரோ இந்தியாவில் பிப்ரவரி 25 அன்று அறிமுகப்படுத்தப்படலாம், இதன் விலை ரூ. 55,999 ஆக நிர்ணயம் செய்யப்பட்டு அறிமுகம் செய்யப்படலாம். Flipkart வழியாக இந்த புதிய மோட்டோ எட்ஜ் 30 ப்ரோ ஸ்மார்ட்போன் ரூ. 49,999 விலையில் விற்பனைக்கு வரலாம். இந்த ஸ்மார்ட்ஃபோன் பல்வேறு வங்கி அட்டைகளில் தள்ளுபடியுடன் அறிமுகப்படுத்தப்பட உள்ளது. இது விலையை ரூ. 44,999 என்று குறைக்கும் என்றும் அறிக்கையில் குறிப்பிடப்பட்டுள்ளது.

Moto Edge X30 விலை என்ன தெரியுமா?

Moto Edge X30 ஆனது சீனாவில் CNY 3,199 (தோராயமாக ரூ. 37,900) அடிப்படை 8GB + 128GB சேமிப்பக மாடலுக்கு அறிமுகப்படுத்தப்பட்டது என்பதை வாசகர்கள் நினைவுகூரலாம். அதேபோல், இந்த ஸ்மார்ட்போனின் 8GB + 256GB மற்றும் 12GB + 256GB சேமிப்பு வகைகளுக்கு முறையே CNY 3,399 (தோராயமாக ரூ. 40,200) மற்றும் CNY 3,599 (தோராயமாக ரூ. 43,000) என நிர்ணயம் செய்யப்பட்டது. மோட்டோ எட்ஜ் 30 ப்ரோ ஸ்மார்ட்போனின் விலை குறித்த விவரங்களை மோட்டோரோலா இன்னும் அதிகாரப்பூர்வமாக வெளியிடவில்லை என்பது கவனிக்கத்தக்கது.

Moto Edge 30 Pro விவரக்குறிப்புகள் (எதிர்பார்க்கப்படும்)

முந்தைய அறிக்கைகளின்படி, Moto Edge 30 Pro Moto Edge X30 இன் மறுபெயரிடப்பட்ட பதிப்பாக இருக்கும் என்று எதிர்பார்க்கப்படுகிறது. Moto Edge 30 Pro ஆனது நிறுவனத்தின் MyUX ஸ்கின் கொண்டு Android 12 இல் இயங்கும். இது Snapdragon 8 Gen 1 SoC மூலம் இயக்கப்படுகிறது. இந்த ஸ்மார்ட்போன் 12GB வரை LPDDR5 RAM உடன் இணைக்கப்பட்டுள்ளது. சாம்சங் Galaxy S22 தொடர் ஸ்மார்ட்போன்களின் சமீபத்திய அறிமுகத்திற்குப் பிறகு, இந்தியாவில் சமீபத்திய ஸ்னாப்டிராகன் முதன்மை செயலியுடன் அறிமுகப்படுத்தப்படும் அடுத்த சாதனம் இதுவாகும்.

ஸ்னாப்டிராகன் 8 ஜென் 1 சிப்செட் உடன் வெளிவரும் மலிவான ஸ்மார்ட்போன்

சரியாகச் சொல்லப் போனால், ஸ்னாப்டிராகன் 8 ஜென் 1 சிப்செட் உடன் வெளிவரும் இரண்டாவது ஸ்மார்ட்போன் இதுவாக இருக்கலாம். Moto Edge 30 Pro ஆனது 144Hz புதுப்பிப்பு வீதத்துடன் 6.7' இன்ச் கொண்ட முழு எச்டி பிளஸ் OLED டிஸ்ப்ளே மற்றும் HDR+ உள்ளடக்கத்திற்கான ஆதரவைக் கொண்டுள்ளது. ஸ்னாப்டிராகன் 8 ஜென் 1 சிப்செட் உடன் வெளிவரும் மிகவும் மலிவான ஸ்மார்ட்போன் மாடலாக இப்போது இந்த மோட்டோ எட்ஜ் 30 ப்ரோ விளம்பரம் செய்யப்படுகிறது.