விரைவில் அறிமுகமாக இருக்கும் 6 / 8 ஜிபி ரேம் கொண்ட ஸ்மார்ட்போன்கள் : டாப் 10 பட்டியல்.!

By Meganathan

Updated: Monday, September 26, 2016, 19:12 [IST]

ஸ்மார்ட்போன் தொழில்நுட்பம் நாளுக்கு நாள் வளர்ந்து கொண்டே இருக்கின்றது. வன்பொருள் அம்சங்களில் துவங்கி மென்பொருள் முதல் கேமரா என எல்லாப் பாகங்களும் மேம்படுத்தப்பட்டுக் கொண்டே தான் இருக்கின்றன. மலிவு விலையில் துவங்கி பட்ஜெட் மற்றும் விலை உயர்ந்த கருவிகள் என ஸ்மார்ட்போன் அம்சங்கள் பாகுபாடு இல்லாமல் அனைத்து ரக கருவிகளுக்கும் வழங்கப்பட்டு வருகின்றது.

இதே போல் 2ஜிபி ரேம் கொண்ட கருவிகளின் காலம் கிட்டத்தட்ட முடிந்து விட்டது என்றே கூறலாம். இன்று பட்ஜெட் விலையில் கிடைக்கும் கருவிகளில் கூட 3ஜிபி ரேம் வழங்கப்படுகின்றன. இந்நிலையில் வரும் காலங்களில் குறைந்தபட்சம் 6 ஜிபி ரேம் கொண்ட கருவிகள் வெளியாகும் என எதிர்பார்க்கப்படுகின்றது.

அதிக மெமரி கொண்ட, எக்கச்சக்க கிராஃபிக்ஸ் கொண்ட கேம்களை சர்வசாதாரணமாக 4ஜிபி ரேம் கொண்ட கருவிகள் இயக்குகின்றன. அப்படியென்றால் 6 ஜிபி ரேம் கொண்ட கருவிகளின் செயல்பாடு எப்படி இருக்கும். வரும் காலங்களில் 6 ஜிபி ரேம் கொண்ட கருவிகளின் வரவு ஏற்கனவே எதிர்பார்க்கப்படுகின்றது.

அந்த வகையில் விரைவில் வெளியாகும் அல்லது தற்சமயம் தயாரிப்பில் இருப்பதாகக் கூறப்படும் அதிக சக்திவாய்ந்த கருவிகளின் பட்டியலைத் தான் இங்குத் தொகுத்திருக்கின்றோம்..