மிரட்டலான மலிவு விலை Micromax IN Note 1, IN 1b இப்போது கடைகளில் வாங்க எங்கெல்லாம் கிடைக்கிறது?

Published: Thursday, February 18, 2021, 14:27 [IST]

மைக்ரோமேக்ஸ் நிறுவனம் கடந்த ஆண்டு அதன் புதிய ஸ்மார்ட்போன் மாடலான மைக்ரோமேக்ஸ் IN நோட் 1 மற்றும் மைக்ரோமேக்ஸ் IN நோட் 1b ஆகிய இரண்டு ஸ்மார்ட்போன் மாடல்களை இந்தியச் சந்தையில் அறிமுகம் செய்தது. இந்த இரண்டு ஸ்மார்ட்போன்களும் மலிவு விலையில் சிறப்பான சிறப்பம்சங்களுடன் ஆன்லைன் போர்டல் வழியாக மட்டுமே விற்பனைக்கு வந்தது.

இன்று முதல் ஆப்லைன் கடைகள் வழியாக

ஆனால், இப்போது மைக்ரோமேக்ஸ் நிறுவனம் வெளியிட்டுள்ள தகவலின்படி, மைக்ரோமேக்ஸ் IN நோட் 1 மற்றும் மைக்ரோமேக்ஸ் IN நோட் 1b ஆகிய இரண்டு ஸ்மார்ட்போன் மாடல்களும் இந்தியாவில் இன்று முதல் ஆப்லைன் கடைகள் வழியாகவும் வாங்குவதற்குக் கிடைக்கும் என்று அறிவித்துள்ளது. இந்தியாவில் எந்த இடங்களில் இப்போது இந்த ஸ்மார்ட்போன் ஆப்லைன் கடைகள் வழியாக கிடைக்கிறது என்று பார்க்கலாம்.

எங்கெல்லாம் வாங்க கிடைக்கிறது?

மைக்ரோமேக்ஸ் வெளியிட்டுள்ள தகவல் படி, சிம்டெல் மொபைல் பிளானட், ரோஷினி மொபைல்ஸ் மற்றும் வினோத் எண்டர்பிரைசஸ் ஆகியவற்றுடன் ஏழு மாநிலங்களில் கூட்டு சேர்ந்து நிறுவனம் அதன் சில்லறை விற்பனையை நாடு முழுவதும் விரிவுபடுத்தியுள்ளது. இப்போது மகாராஷ்டிரா, குஜராத், கோவா, அசாம், நாகாலாந்து, திரிபுரா மற்றும் கர்நாடகாவில் ஆஃப்லைனில் விற்பனைக்குக் கிடைக்கிறது.