புது போன் வாங்க போறீங்களா? கொஞ்சம் வெயிட் பண்ணுங்க.. Micromax In 2c நாளை அறிமுகம்..

புதிய மைக்ரோமேக்ஸ் இன் 2சி (Micromax In 2c) அறிமுகம்

ஸ்மார்ட்போன் தயாரிப்பு நிறுவனமான மைக்ரோமேக்ஸ் நிறுவனம் கடந்த சில காலமாக இந்தியச் சந்தைக்குள் தன் கால் தடத்தைப் பதிவிட்டு வருகிறது. குறிப்பாக மக்கள் விரும்பும் பட்ஜெட் விலை பிரிவில் நிறுவனம் கவனம் செலுத்தி மக்களின் ஆதரவையும் பெற்று வருகிறது. அந்த வரிசையில், நிறுவனம் இப்போது அதன் அடுத்த புதிய ஸ்மார்ட்போன் மாடலை அறிமுகப்படுத்தத் தயாராகி வருகிறது. இந்த பிராண்ட் புதிய மைக்ரோமேக்ஸ் இன் 2சி (Micromax In 2c) என்ற மாடலை அறிமுகப்படுத்தும் பணியில் ஈடுபட்டுள்ளது.

பட்ஜெட் விலைக்குள் எதிர்பார்க்கப்படும் Micromax In 2c

இந்த சாதனம் மைக்ரோமேக்ஸ் இன் 2பி (Micromax In 2b) மாடலுக்கு அடுத்ததாக வெளியிடப்படும். ஒரு புதிய வளர்ச்சி சாதனம் என்பது குறிப்பிடத்தக்கது. Micromax In 2c ஸ்மார்ட்போன் சாதனத்தை நிறுவனம் இந்தியாவில் வரும் ஏப்ரல் 26 ஆம் தேதி அறிமுகம் செய்யும் என்று மைக்ரோமேக்ஸ் நிறுவனம் உறுதிப்படுத்தியுள்ளது. மேலும், சாதனத்திற்கான லேண்டிங் பக்கம் இப்போது ஃப்ளிப்கார்ட்டில் அறிமுகம் செய்யப்படுவதற்கு சில நாட்களுக்கு முன்னதாகவே லைவ் செய்யப்பட்டுள்ளது. இது புதிய ஸ்மார்ட்போன் பற்றிய சில முக்கிய தகவல்களை வெளிப்படுத்தியுள்ளது.

கிஸ்பாட் கிவ் அவே போட்டி-நீங்கள் லைக் மற்றும் ஷேர் செய்தால் போதும்- இலவசமாக நோக்கியா சி01 பிளஸ் வெல்ல வாய்ப்பு

Flipkart இல் லைவ் செய்யப்பட்டுள்ள தகவல் என்ன சொல்கிறது?

மைக்ரோமேக்ஸ் இன் 2c ஸ்மார்ட்போனுக்கான விபரம் Flipkart இல் உள்ள ஆதரவுப் பக்கத்தில் வெளியிடப்பட்டுள்ளது. இதன்படி, இந்த புதிய ஸ்மார்ட்போன் 6.52 இன்ச் வாட்டர் டிராப் நாட்ச் டிஸ்ப்ளேவுடன் வெளியிடப்படும் என்று தெரிகிறது. இந்த சாதனம் இரட்டை பின்புற கேமரா அமைப்பைக் கொண்டுள்ளது. இது தவிர, Flipkart பக்கம், ஸ்மார்ட்போன் Unisoc T610 சிப் மூலம் இயக்கப்படும் என்றும், இது 5000mAh பேட்டரி மூலம் ஆதரிக்கப்படும் என்றும் உறுதிப்படுத்துகிறது. இந்த சாதனம் சில்வர் மற்றும் பிரவுன் நிறங்களில் விற்பனை செய்யப்படும் என்பதைப் பக்கம் காண்பிக்கிறது.

90 நிமிடத்தில் 2 முறை சூரியனை பார்த்த வீரர்கள்.. 45 நிமிடத்தில் அதிக குளிர்.. அடுத்து சுட்டெரிக்கும் வெப்பம்..

Micromax In 2c ஸ்மார்ட்போனின் சிறப்பம்சம்

மேலே குறிப்பிட்டுள்ளபடி, மைக்ரோமேக்ஸின் வரவிருக்கும் Micromax In 2c சாதனம் 6.52' இன்ச் எல்சிடி டிஸ்ப்ளேவுடன் வருகிறது. இது 20:9 விகிதத்துடன் 720 x 1600 பிக்சல்களின் HD+ தெளிவுத்திறனை வழங்குகிறது. இந்த Micromax In 2c போனின் டிஸ்ப்ளே 420நிட்ஸ் உச்ச பிரகாசத்தை ஆதரிக்கிறது. இது பட்ஜெட் விலையில் மிகவும் சிறப்பான தரத்தில் அதன் பயனர்களுக்கு காட்சி அனுபவத்தை வழங்கும் என்பதில் எந்தவித சந்தேகமுமில்லை.

செவ்வாய் கிரகத்தில் 2 மிகப்பெரிய நிலநடுக்கம் பதிவு: 94 நிமிடங்கள் அதிர்ந்த கிரகம்.. காலனி அமைப்பதில் சிக்கலா?

Micromax In 2c ஸ்மார்ட்போனின் கேமரா மற்றும் சிப்செட் விபரம்

கேமரா அம்சத்தை பொறுத்தவரை, இந்த புதிய Micromax In 2c சாதனம் ஒரு 8MP கேமராவுடன் VGA சென்சாருடன் கூடிய இரட்டை பின்புற கேமரா அமைப்புடன் வருகிறது. இந்த சாதனத்தின் முன்புறம் செல்ஃபிக்களுக்கான 5MP கேமராவைக் கொண்டுள்ளது. அதன் முன்னோடியான Micromax In 2b இல் செய்தது போலவே வரவிருக்கும் கைபேசியிலும் Unisoc T610 சிப்செட் இடம்பெறுவதை பிராண்ட் உறுதி செய்துள்ளது என்பது கவனிக்கத்தக்கது. பட்ஜெட் விலைக்குள் அறிமுகம் செய்யப்படும் ஸ்மார்ட்போன் என்பதனால் நிறுவனம் இந்த சிப்செட்டை பயன்படுத்தியுள்ளது என்பது தெளிவாகியுள்ளது.

LPG சிலிண்டரில் உள்ள எண்ணின் அர்த்தம் என்ன தெரியுமா? இது உங்கள் பாதுகாப்பிற்கானதா? இனி கூர்ந்து கவனியுங்கள்..

Micromax In 2c ஸ்மார்ட்போனின் (எதிர்பார்க்கப்படும்) விலை என்ன?

Micromax In 2c சாதனத்தில் உள்ள செயலி 6ஜிபி வரை ரேம் மற்றும் 64ஜிபி இன்டெர்னல் ஸ்டோரேஜ் உடன் இணைக்கப்படுகிறது. இது மைக்ரோ எஸ்டி கார்டு வழியாக கூடுதல் ஸ்டோரேஜை ஆதரிக்கிறது. இந்த சாதனம் நிலையான 10W சார்ஜிங்கிற்கான ஆதரவுடன் 5000mAh பேட்டரி மூலம் ஆதரிக்கப்படும். சாதனம் ஆண்ட்ராய்டு 11 இயங்குதளத்தில் இயங்கும். மற்ற குறிப்பிடத்தக்க அம்சங்களில் USB-C போர்ட் மற்றும் 3.5mm ஆடியோ ஜாக் ஆகியவை அடங்கும். இருப்பினும், இதில் கைரேகை ஸ்கேனர் இல்லை. Micromax In 2c விலை ரூ.10,000திற்கும் குறைவாக இருக்கும் என எதிர்பார்க்கப்படுகிறது.