நம்ப முடியாத மலிவு விலையில் மிரட்டலான Micromax In நோட் 1 மற்றும் In 1B.. விலை என்ன தெரியுமா?

Published: Tuesday, November 3, 2020, 22:00 [IST]

மைக்ரோமேக்ஸ் நிறுவனம் இறுதியாக இன்று தனது புதிய பிராண்டின் கீழ் இரண்டு புதிய ஸ்மார்ட்போன் சாதனங்களை இந்தியச் சந்தையில் அறிமுகம் செய்துள்ளது. மைக்ரோமேக்ஸ் சாதனம் இன்(in) நோட் 1 மற்றும் இன் 1B என்ற இரண்டு புதிய சாதனங்களை அறிமுகம் செய்து, பிளிப்கார்ட் மற்றும் மைக்ரோமேக்ஸின் அதிகாரப்பூர்வ இணையதளத்தில் வாங்குவதற்குக் கிடைக்கும் என்று அறிவித்துள்ளது.

மைக்ரோமேக்ஸ் இன்(in) ஸ்மார்ட்போன்

இந்தியச் சந்தையில் தயாரிக்கப்பட்ட இந்த புதிய மைக்ரோமேக்ஸ் இன்(in) ஸ்மார்ட்போன்கள் சியோமி, சாம்சங், ஒப்போ போன்ற நிறுவனங்களுக்கு போட்டியாக பட்ஜெட் விலையில் களமிறக்கப்பட்டுள்ளது. இன் நோட் 1 ஸ்மார்ட்போனின் 4 ஜிபி / 64 ஜிபி வேரியண்ட் ரூ .10,999 ஆகவும், அதன் 4 ஜிபி / 128 ஜிபி வேரியண்ட் ரூ .12,499 என்ற விழியில் மிட்ரேஞ் ஸ்மார்ட்போன்களாக அறிமுகம் செய்யப்பட்டுள்ளது.

பட்ஜெட் விலை மற்றும் மலிவு விலையில் போன்கள்

மைக்ரோமேக்ஸ் நிறுவனத்தின் புதிய ஸ்மார்ட்போன்கள் பட்ஜெட் விலையில் மட்டுமின்றி, நம்பமுடியாத மலிவு விலையிலும் இரண்டு வேரியண்ட் மாடல்களை இன் 1B ஸ்மார்ட்போன் மாடலின் கீழ் அறிமுகம் செய்துள்ளது. மைக்ரோமேக்ஸ் இன் 1B ஸ்மார்ட்போனின், 2 ஜிபி / 32 ஜிபி வேரியண்ட் ரூ .6,999 ஆகவும், இதன் 4 ஜிபி / 64 ஜிபி வேரியண்ட் ரூ .7,999 என்ற நம்ப முடியாத மலிவு விலையில் அறிமுகம் செய்யப்பட்டுள்ளது.