அசத்தலான சியோமி மி 11 லைட் ஸ்மார்ட்போன்: இன்று முதல் முன்பதிவு ஆரம்பம்.!

Updated: Friday, June 25, 2021, 11:51 [IST]

அண்மையில் சியோமி நிறுவனம் தனது புதிய மி 11 லைட் ஸ்மார்ட்போன் மாடலை அறிமுகம் செய்தது. மேலும் இந்த ஸ்மார்ட்போன் மாடலை இன்று முன்பதிவு செய்ய முடியும் என்று கூறப்பட்டுள்ளது. அதாவது வெளிவந்த தகவலின்படி பிளிப்கார்ட் தளத்தில் மதியம் 12 மணி முதல் இந்த மி 11 லைட் மாடலை முன்பதி செய்ய முடியும் என்று தகவல் தெரிவிக்கப்பட்டுள்ளது. பின்பு வரும் ஜூன் 28-ம் தேதி முதல் இந்த சியோமி மி 11 லைட் சாதனத்தின் விற்பனை துவங்குகிறது.

இந்தியாவில் மி 11 லைட் ஸ்மார்ட்போனின் 4ஜி பதிப்பு மட்டுமே தற்போது அறிமுகம் செய்யப்பட்டுள்ளது. மேலும் சியோமி இந்தியாவின் தலைவர் ஆன மனு குமார் ஜெயின் அவர்கள் மி 11 லைட்டின் 5ஜி மாடலை விரைவில் அறிமுகம் செய்ய திட்டமிட்டுள்ளதாக கூறியுள்ளார்.

இந்த சியோமி மி 11 லைட் சாதனத்தை முன்கூட்டியே ஆர்டர் செய்யும் வாடிக்கையாளர்களுக்கு ரூ.1500 தள்ளுபடி கிடைக்கும் என்று தெரிவிக்கப்பட்டுள்ளது. பின்பு தேர்வு செய்யப்பட்ட வங்கி கார்டுகளை பயன்படுத்தி இந்த சாதனத்தை வாங்கும் வாடிக்கையாளர்களுக்குரூ.1500 தள்ளுபடி கிடைக்கும் என்று கூறப்படுகிறது.

6ஜிபி ரேம் மற்றும் 128ஜிபி மெமரி கொண்ட சியோமி மி 11 லைட் ஸ்மார்ட்போனின் விலை ரூ.21,999-ஆக உள்ளது. பின்பு 8ஜிபி ரேம் மற்றும் 128ஜிபி மெமரி கொண்ட சியோமி மி11 லைட் ஸ்மார்ட்போனின் விலை ரூ.23,999-ஆக உள்ளது. குறிப்பாக இந்த சாதனம் ஜாஸ் ப்ளூ, டஸ்கனி கோரல் மற்றும் வினைல் பிளாக் ஆகிய மூன்று நிறங்களில் வெளிவந்துள்ளது.

குறிப்பாக இப்போது அறிமுகம் செய்யப்பட்ட மி 11 லைட் ஸ்மார்ட்போன் ஆனது குறைந்த எடையை கொண்டுள்ளது. அதாவது இந்த சாதனத்தின் எடை 157 கிராம் என்று கூறப்படுகிறது. சுருக்கமாக கூறவேண்டும் என்றால் மிகவும் மெல்லிய எடையை கொண்ட ஸ்மார்ட்போன் ஆகும்.

சியோமி மி 11 லைட் ஸ்மார்ட்போன் உடன் மி வாட்ச் ரிவால்வ் ஆக்டிவ் ஸ்மார்ட் வாட்சையும் அறிமுகப்படுத்தியது அந்நிறுவனம். இந்த ஸ்மார்ட் வாட்ச் மாடலின் விலை ரூ.8,999-ஆக உள்ளது. மேலும் இப்போது சியோமி மி 11 லைட் சாதனத்தின் பல்வேறு அம்சங்களை சற்று விரிவாகப் பார்ப்போம்.

சியோமி மி 11 லைட் அம்சங்கள்

டிஸ்பிளே: 6.55-இன்ச் ஃபுல் எச்டி பிளஸ் AMOLED 10-பிட் டிஸ்பிளே (1,080x2,400 பிக்சல்கள்)
60Hz மற்றும் 90Hz ரெஃப்ரெஷ் ரேட் விருப்பங்கள்
240 ஹெர்ட்ஸ் டச் சாம்ப்ளிங் விகிதம்
20:9 திரை விகிதம்
கார்னிங் கொரில்லா கிளாஸ் 5 பாதுகாப்பு வசதி
இயங்குதளம்: MIUI 12 சார்ந்த ஆண்ட்ராய்டு 11
சிப்செட்: ஆக்டோ-கோர் குவால்காம் ஸ்னாப்டிராகன் 732ஜிபி உடன் அட்ரினோ 618 ஜிபியு ஆதரவு
ரியர் கேமரா: 64எம்பி பிரைமரி கேமரா + 8எம்பி அல்ட்ரா வைட் கேமரா + 5எம்பி டெலிபோட்டோ கேமரா
30fps பிரேம் வீதத்தில் 4K வீடியோ பதிவு செய்யும் ஆதரவு உள்ளது
செல்பீ கேமரா: 16எம்பி
பேட்டரி: 4250எம்ஏஎச் பேட்டரி
33 வாட் பாஸ்ட் சார்ஜிங் ஆதரவு
4ஜி எல்டிஇ, வைஃபை 802.11 ஏசி
இன்ஃப்ராரெட் (ஐஆர்), ப்ளூடூத்
ஜிபிஎஸ் / ஏ-ஜிபிஎஸ், யூ.எஸ்.பி டைப்-சி போர்ட்
ஹை-ரெஸ் ஆடியோ ஆதரவுடன் டூயல் ஸ்பீக்கர்ஸ் வசதி