கம்மி விலையில் LG Q31 சத்தமில்லாமல் அறிமுகம்! அமெரிக்காவை அடுத்து இங்கே தான் விற்பனை!

எல்ஜி Q31 அறிமுகம்

ஸ்மார்ட்போன் சந்தையில் பட்ஜெட் விலை ஸ்மார்ட்போன்களுக்கு தான் இப்பொழுது மவுசு அதிகமாகவுள்ளது. இதை உணர்ந்த எல்ஜி நிறுவனம் தற்பொழுது எல்ஜி Q31 என்ற ஸ்மார்ட்போன் மாடலை பட்ஜெட் விலையில் அறிமுகம் செய்துள்ளது. எல்ஜி Q31 ஸ்மார்ட்போனில், 5.7' இன்ச் எச்டி பிளஸ் கொண்ட 720 x 1520 பிக்சல்கள் மற்றும் 18.9: 9 விகித நாட்ச் ஃபுல்விஷன் டிஸ்ப்ளேயுடன் வருகிறது. இது பின்புறமாகப் பொருத்தப்பட்ட கைரேகை ஸ்கேனருடன் வருகிறது.

ஸ்டோரேஜ் விபரம்

இந்த ஸ்மார்ட்போன் 3 ஜிபி ரேம் மற்றும் 32 ஜிபி இன்டர்னல் மெமரியுடன், ஆக்டா கோர் மீடியாடெக் MT6762 பிராசஸர் மூலம் இயக்கப்படுகிறது. மைக்ரோ எஸ்டி கார்டு ஸ்லாட் வழியாக 1 டிபி வரை சேமிப்பும் வழங்கப்பட்டுள்ளது. மேலும், இடது பக்கத்தில் பிரத்தியேக Google அசிஸ்டன்ட் பட்டனையும் நிறுவனம் ஸ்மார்ட்போனுடன் இணைத்துள்ளது என்பது குறிப்பிடத்தக்கது.

கேமரா விபரம்

எல்ஜி Q31 ஸ்மார்ட்போனின் பின்பக்கத்தில் 13 மெகாபிக்சல் சென்சார் கொண்ட ஒரு பிரைமரி கேமரா மற்றும் 5 மெகாபிக்சல் அல்ட்ரா-வைட் சென்சாருடன், இரட்டை கேமரா அமைப்பை இந்த ஸ்மார்ட்போன் கொண்டுள்ளது. முன்பக்கத்தில், செல்ஃபிகள் மற்றும் வீடியோ அழைப்புகளுக்காக 5 மெகாபிக்சல் கொண்ட செல்ஃபி ஷூட்டர் கேமராவையும் நிறுவனம் U ஷேப் நாட்ச் உடன் வழங்கியுள்ளது.

பேட்டரி விபரம்

எல்ஜி கே 31 ஸ்மார்ட்போனில், 3000 எம்ஏஎச் பேட்டரி வழங்கப்பட்டுள்ளது. இது ஆண்ட்ராய்டு 10 இல் இயங்குகிறது. இணைப்பு முன்னணியில், இது 4 ஜி எல்டிஇ, வைஃபை, புளூடூத் 5.0, மைக்ரோ யுஎஸ்பி போர்ட், ஜிபிஎஸ் / க்ளோனாஸ் மற்றும் 3.5 மிமீ ஆடியோ ஜாக் ஆகியவற்றை ஆதரிக்கிறது. ஸ்மார்ட்போன் 147.82x71.12x8.63 மிமீ அளவோடும் 146 கிராம் எடையோடும் வருகிறது.

விலை

எல்ஜி Q31 ஸ்மார்ட்போனின் 3 ஜிபி + 32 ஜிபி சேமிப்பக மாடல் கொரியன் சந்தையில் 2,09,000 கேஆர்டபிள்யூ என்ற விலையில் அறிமுகம் செய்யப்பட்டுள்ளது. இந்திய மதிப்பின் படி, இது தோராயமாக ரூ. 13,150 என்ற விலையில் மெட்டாலிக் சில்வர் கலர் விருப்பத்தில் வருகிறது. இந்த தொலைபேசி செப்டம்பர் 25 முதல் தென் கொரியாவில் விற்பனைக்கு வரும் என்று தெரிவிக்கப்பட்டுள்ளது. இந்தியாவில் இந்த ஸ்மார்ட்போன் விரைவில் எதிர்பார்க்கப்படுகிறது.