ஏராளமான மொபைல் நிறுவனங்கள் சர்வதேச சந்தையில் சாதனை படைத்து வருகிறது. இதில் சாம்சங், எச்டிசி போன்ற மொபைல் நிறுவனங்களுக்கு அதிக பங்கு இருக்கிறது. எல்ஜி நிறுவனமும் அந்த பட்டியலில் இருக்கிறது.

சிறந்த தொழில் நுட்பங்களை கொடுத்து அதிரடியாக வெளியிட்டு அமர்க்களப்படுத்திய எல்ஜி நிறுவனம் தொடர்ந்து இன்னொரு இன்ப அதிர்ச்சியை கொடுத்து உள்ளது. சூப்பர் பர்ஃபார்மென்ஸ் கொடுத்த எல்ஜி ஆப்டிமஸ் எல்டிஇ ஸ்மார்ட்போன் தற்போது விற்பனையில் 1 மில்லியனை எட்டி சாதனை புரிந்துள்ளது.

கடந்த அக்டோபர் மாதம் 2011-ஆம் ஆண்டு வெளியான இந்த ஆப்டிமஸ் எல்டிஇ ஸ்மார்ட்போன், மூன்று மாதத்தில் இந்த அளவு விற்பனையில் உயர்ந்துள்ளது என்றால், நிச்சயம் சிறந்த தொழில் நுட்ப திறனை ஆப்டிமஸ் எல்டிஇ ஸ்மார்ட்போன் மூலம் கொடுத்த எல்ஜி நிறுவனத்தை பாராட்டியே ஆக வேண்டும். இந்த ஸ்மார்ட்போன் தென் கொரியாவில் மட்டும் 6 லட்சம் விற்பனையாகியுள்ளது.

இந்த சிறந்த ஸ்மார்ட்போனின் தொழில் நுட்பத்தை பற்றியும் ஒரு முறை மேலோட்டமாக பார்க்கலாம். 4.5 இஞ்ச் திரை வசதி கொண்ட இந்த ஸ்மார்ட்போன் 1280 X 720 பிக்ஸல் திரை துல்லியத்தினை கொடுத்துள்ளது. 720பி துல்லியத்தில் வீடியோ ரெக்கார்டிங் வசதியையும் பெறலாம். 8 மெகா பிக்ஸல் கேமராவினையும், 1.3 மெகா பிக்ஸல் கொண்ட முகப்பு கேமராவினையும் வழங்கும்.

என்எப்சி தொழில் நுட்ப வசதியினையும் இந்த ஸ்மார்ட்போன் வாடிக்கையாளர்களுக்கு வழங்குகிறது. 1830 எம்ஏஎச் பேட்டரி உள்ளதால் அதிக நேரம் நீடித்து உழைக்கும் தன்மை கொண்டது. ஆனால் தேவையான அனைத்து தொழில் நுட்பங்களையும் தரும் இந்த ஸ்மார்ட்போன், அதிக விற்பனையை கொடுத்ததில் ஆச்சர்யம் இல்லை தான்.