இன்னும் அதிகார பூர்வமாக எந்த தகவல்களையும் வெளிவராத நிலையில் உள்ளது லெனோவோ லீபோன் கே-860

ஸ்மார்ட்போன்.

இந்த லீபோன் கே-860 ஸ்மார்ட்போனின் முக்கிய அம்சமே குவாட் கோர் எக்ஸினோஸ் பிராசஸர் கொண்டது என்ற செய்தி தான். கூடிய விரைவில் இந்த ஸ்மார்ட்போன் பற்றி முக்கிய தகவல்களும் வெளியாகும் என்று எதிர்பார்க்கப்படுகிறது.

சாம்சங் கேலக்ஸி எஸ்-3 ஸ்மார்ட்போன் இந்த எக்ஸினோஸ் பிராசஸர் கொண்டது. சாம்சங் கேலக்ஸி எஸ்-3 ஸ்மார்ட்போனை போல், லெனோவோ லீபோன் கே-860 ஸ்மார்ட்போனும் எக்ஸினோஸ் பிராசஸருடன் வெளிவர உள்ளது.

மேலும் லெனோவோ நிறுவனத்தின் இந்த கே-860 ஸ்மார்ட்போன் 5 இஞ்ச் திரை வசதியினை வழங்கும். 1280 X 720 திரை துல்லியத்தினையும் இந்த ஸ்மார்ட்போனில் பெறலாம். 8 மெகா பிக்ஸல் மற்றும் 2 மெகா பிக்ஸல் முகப்பு கேமராவினையும் கொண்டது இந்த ஸ்மார்ட்போன்.

ஸ்மார்ட்போனின் இயங்குதளம் முக்கிய பங்கு வகிக்கிறது. இந்த கே-860 ஸ்மார்ட்போன் ஆன்ட்ராய்டு 4.0 ஆப்பரேட்டிங் சிஸ்டத்தில் இயங்கும்.

சீனாவில் இந்த லெனோவோ லீபோன் கே-860 ஸ்மார்ட்போன் வருகிற ஆகஸ்டு மாதம் வெளியாகும் என்று எதிர்பார்க்கப்படுகிறது.

அப்படி சீனாவில் இந்த ஸ்மார்ட்போன் வெற்றி நடை போட்ட பின் இந்தியாவிலும் இந்த ஸ்மார்ட்போன் அறிமுகம் ஆகும். நடுத்தரமான விலையினை கொண்டதாக இந்த ஸ்மார்ட்போன் இருக்கும்.