அடிச்சு புடிச்சு ஆர்டர்.. ரூ.15,000 பட்ஜெட்ல HD+ டிஸ்பிளே.. 50MP கேமரா.. 5000mAh பேட்டரி.. எந்த மாடல்?

சீன ஸ்மார்ட்போன் நிறுவனங்களுக்கு போட்டியாக இந்தியாவின்‌ லாவா மொபைல்ஸ் நிறுவனம் பட்ஜெட்டில் ஸ்மார்ட்போன்களை களமிறக்கி வருகிறது. இதில் பிளேஸ் சீரிஸ் மாடல்களில் ரூ.15000 பட்ஜெட் செக்மெண்டில் வெளியாகிய லாவா பிளேஸ் டிராகன் 5ஜி ஸ்மார்ட்போன் தள்ளுபடி விலையில் கிடைக்கிறது.

பிளிப்கார்ட் தளத்தில் 6 ஜிபி ரேம் மற்றும் 128 ஜிபி மெமரி கொண்ட மாடலின் விலை ரூ.15,999 ஆக இருக்கிறது. இந்த விலையில் இருந்து தேர்ந்தெடுக்கப்பட்ட கிரெடிட் கார்டுகளுக்கு ரூ.800 தள்ளுபடி கொடுக்கப்படுகிறது. ஆகவே மலிவான விலைக்கு வாங்கிக் கொள்ளலாம். இப்போது பீச்சர்களை தெரிந்து கொள்ளலாம்.

லாவா பிளேஸ் டிராகன் 5ஜி (Lava Blaze Dragon 5G) ஸ்மார்ட்போன் பட்ஜெட்டுக்கு ஏற்ப பீச்சர்களை கொடுக்கிறது. இந்த பட்ஜெட் விலையில் 5ஜி (5G) இணைப்பு, அதிக ரெஃப்ரெஷ் ரேட் (Refresh Rate) கொண்ட டிஸ்பிளே மற்றும் பெரிய பேட்டரி உள்ளிட்ட அம்சங்களை இந்த ஸ்மார்ட்போன் வழங்குகிறது. இந்த போனின் முக்கிய அம்சங்கள் குறித்து விரிவாகப் பார்க்கலாம்.

டிஸ்பிளேவைப் பொறுத்தவரை, லாவா பிளேஸ் டிராகன் 5ஜி போனில் 6.74-இன்ச் எச்டி பிளஸ் எல்சிடி (6.74-inch HD+ LCD) டிஸ்பிளே இடம்பெற்றுள்ளது. இந்த டிஸ்பிளே 1612 x 720 பிக்சல்கள் (Pixels) ரெசல்யூஷனை (Resolution) கொண்டுள்ளது. மேலும் 120Hz ரெஃப்ரெஷ் ரேட் (120Hz Refresh Rate) ஆதரவு வழங்கப்பட்டுள்ளது. இதனால் ஸ்க்ரோலிங் மற்றும் அனிமேஷன் போன்றவற்றை மென்மையாகப் பயன்படுத்த முடியும்.

அதேபோல், இந்த டிஸ்பிளேவில் 450 நிட்ஸ் பீக் பிரைட்னஸ் (450 nits Peak Brightness), 16.7 மில்லியன் கலர் டெப்த் (16.7 Million Colour Depth) மற்றும் 260 பிபிஐ பிக்சல் டென்சிட்டி (260 PPI Pixel Density) உள்ளிட்ட அம்சங்கள் உள்ளன. இதன் மூலம் வீடியோக்கள், புகைப்படங்கள் மற்றும் சமூக வலைத்தள கன்டென்ட்களை பார்க்கும்போது சிறந்த காட்சி அனுபவத்தைப் பெற முடியும்.

மென்பொருளைப் பொறுத்தவரை, லாவா பிளேஸ் டிராகன் 5ஜி ஸ்மார்ட்போன் ஆண்ட்ராய்டு 15 ஓஎஸ் (Android 15 OS) மூலம் இயங்குகிறது. மேலும் இந்த மாடலுக்கு ஆண்ட்ராய்டு அப்டேட்கள் (Android Updates) மற்றும் பாதுகாப்பு அப்டேட்கள் (Security Updates) வழங்கப்படும் என்று தெரிவிக்கப்பட்டுள்ளது. இதன் வடிவமைப்பும் (Design) நவீனமாகவும் கவர்ச்சிகரமாகவும் உள்ளது.

செயல்திறனைப் பொறுத்தவரை, இந்த லாவா ஸ்மார்ட்போனில் ஆக்டா கோர் ஸ்னாப்டிராகன் 4 ஜென் 2 4என்எம் சிப்செட் (Octa-Core Snapdragon 4 Gen 2 4nm Chipset) வழங்கப்பட்டுள்ளது. இந்த சிப்செட் அன்றாட பயன்பாடுகள், மல்டிடாஸ்கிங் (Multitasking) மற்றும் கேமிங் (Gaming) போன்ற பணிகளை சிறப்பாக கையாளும் வகையில் உள்ளது.

கேமராவைப் பொறுத்தவரை, லாவா பிளேஸ் டிராகன் 5ஜி போனின் பின்புறத்தில் 50எம்பி மெயின் கேமரா (50MP Main Camera) உட்பட டூயல் ரியர் கேமரா (Dual Rear Camera) அமைப்பு வழங்கப்பட்டுள்ளது. முன்பக்கத்தில் செல்ஃபி மற்றும் வீடியோ கால் அழைப்புகளுக்காக 8எம்பி கேமரா (8MP Camera) இடம்பெற்றுள்ளது.

இதுதவிர, எல்இடி ஃபிளாஷ் (LED Flash), நைட் மோட் (Night Mode), போர்ட்ரெய்ட் மோட் (Portrait Mode) மற்றும் பியூட்டி மோட் (Beauty Mode) உள்ளிட்ட பல்வேறு கேமரா அம்சங்களும் (Camera Features) இதில் உள்ளன. மேலும் இந்த ஸ்மார்ட்போன் மூலம் 1080p வீடியோ ரெக்கார்டிங் (1080p Video Recording) செய்ய முடியும்.

பேட்டரியைப் பொறுத்தவரை, லாவா பிளேஸ் டிராகன் 5ஜி ஸ்மார்ட்போனில் 5000mAh பேட்டரி வழங்கப்பட்டுள்ளது. இந்த பேட்டரி மூலம் அன்றாட பயன்பாட்டிற்கு நீண்ட நேர பேக்கப் (Battery Backup) கிடைக்கும் வகையில் உருவாக்கப்பட்டுள்ளது. மேலும் பேட்டரியை விரைவாக சார்ஜ் செய்ய 18W ஃபாஸ்ட் சார்ஜிங் (18W Fast Charging) வசதியும் வழங்கப்பட்டுள்ளது.

ஒட்டுமொத்தமாக பார்க்கும்போது, பெரிய 120Hz டிஸ்பிளே, ஸ்னாப்டிராகன் சிப்செட், 50எம்பி கேமரா, 5000mAh பேட்டரி மற்றும் 5ஜி இணைப்பு போன்ற அம்சங்களுடன் லாவா பிளேஸ் டிராகன் 5ஜி ஸ்மார்ட்போன் உருவாக்கப்பட்டுள்ளது. குறிப்பாக அன்றாட பயன்பாடு, பொழுதுபோக்கு மற்றும் கேமிங் ஆகியவற்றை ஒரே சாதனத்தில் பயன்படுத்த விரும்பும் பயனர்களுக்கு இந்த அம்சங்கள் பயனுள்ளதாக இருக்கும்.