இரட்டிப்பு மகிழ்ச்சி தரும் டியூவல் சிம் மொபைல்!

ஜேபி-289 என்ற மொபைலை அறிமுகப்படுத்தியுள்ளது ஜோஷ் நிறுவனம். ஜேபி-289 மொபைல் டியூவல் சிம் வசதி கொண்டது.

இரட்டை சிம் கார்டு வசதி கொண்ட மொபைல் என்றால் வாடிக்கையாளர்களுக்கு இரட்டிப்பு மகிழ்ச்சி தான். இந்த மொபைல் 2 இஞ்ச் டிஎப்டி திரை வசதி கொண்டது. 1.3 மெகா பிக்ஸல் கொண்ட கேமரா பொருத்தப்பட்டுள்ளது.

இதில் உள்ள கேமராவினால் துல்லியமான புகைப்படத்தைப் பெற முடியும். வீடியோ ப்ளேயர், இ-புக் ரீடர், இமேஜ் பிரவுசர் போன்ற வசதிகளும் இதில் கொடுக்கப்பட்டுள்ளன.

இதில் துல்லியமாக எப்எம் ரேடியோ பாடல்களைக் கேட்க முடியும். வீடியோ கேம்ஸ் உள்ளிட்ட பொழுதுபோக்கு அம்சங்களுக்கும் குறைவில்லை.

ஜேபி-289 மொபைலில் 1800mAh பேட்டரி பொருத்தப்பட்டுள்ளது. இதனால் 5 மணி நேரம் டாக் டைம் மற்றும் 240 மணி நேரம் ஸ்டான்-பை டைமும் கிடைக்கிறது. ஜோஷ் ஜேபி-289 மொபைல் ரூ.1,800 விலையில் கிடைக்கிறது.