iQOO 7 லெஜண்ட் மற்றும் iQOO 7 மிரட்டலான அம்சங்களுடன் இந்தியாவில் அறிமுகம்.. விலை இது தான்..

IQOO 7 மற்றும் IQOO 7 லெஜண்ட் விலை

IQOO 7 ஸ்மார்ட்போனின் 8 ஜிபி / 128 ஜிபி வேரியண்ட் இந்தியாவில் வெறும் ரூ .31,990 விலையிலும், இதன் 8 ஜிபி / 256 ஜிபி வேரியண்ட் மாடல் வெறும் ரூ. 33,990 என்ற விலையிலும், இதன் 12 ஜிபி / 256 ஜிபி வேரியண்ட் மாடல் வெறும் ரூ. 35,990 என்ற விலையிலும் அறிமுகம் செய்யப்பட்டுள்ளது. IQOO 7 லெஜண்ட் ஸ்மார்ட்போனின் 8 ஜிபி / 128 ஜிபி மாடல் ரூ.39,990 விலையிலும், இதன் 12 ஜிபி / 256 ஜிபி வேரியண்ட் மாடல் வெறும் ரூ. 43,990 என்ற விலையிலும் அறிமுகம் செய்யப்பட்டுள்ளது. இவை இரண்டும் விரைவில் விற்பனைக்குக் கிடைக்கும் என்று நிறுவனம் கூறியுள்ளது.

iQOO 7 தொடர் விவரக்குறிப்புகள்

IQOO 7 சீரிஸ் 6.62-இன்ச் பஞ்ச்-ஹோல் ஸ்டைல் ​​FHD + AMOLED டிஸ்ப்ளேவுடன் வருகிறது. இது 300 ஹெர்ட்ஸ் டச் சாம்பலிங் விகிதம், 120 ஹெர்ட்ஸ் வரை மாறுபடும் புதுப்பிப்பு வீதம், 1300 நைட்ஸ் உச்ச பிரகாசம் மற்றும் எச்டிஆர் 10 பிளஸ் சான்றிதழ் கொண்ட மிரட்டலான டிஸ்பிளே அம்சத்துடன் வருகிறது. IQOO 7 ஸ்னாப்டிராகன் 870 ஆல் இயக்கப்படுகிறது, மறுபுறம் iQOO 7 லெஜண்ட் ஸ்னாப்டிராகன் 888 சிப்செட் மூலம் இயக்கப்படுகிறது.

ஸ்டோரேஜ் விருப்பத்தின் விபரம்

இரண்டுமே 8 ஜிபி / 12 ஜிபி எல்பிடிடிஆர் 5 ரேம் மற்றும் 128 ஜிபி / 256 ஜிபி யுஎஃப்எஸ் 3.1 சேமிப்பகத்துடன் இணைக்கப்பட்டுள்ளன. iQOO நிறுவனம் சிறப்புச் செயல்திறன் சரிப்படுத்தும் பணியைச் செய்துள்ளது, எனவே கனரக கிராபிக்ஸ் மூலம் கேமிங் செய்யும் போது பயனர்களின் பயன்பாடு சிறந்த நன்மைகளை வழங்கும் அதிக திறன் கொண்ட சக்தியை வழங்குகிறது என்று நிறுவனம் கூறியுள்ளது. கேமராவை பொறுத்தவரை, இரண்டு ஸ்மார்ட்போன்களும் சிறப்பான கேமரா அம்சத்தைக் கொண்டுள்ளது.

கேமரா அமைப்பு விபரம்

iQOO 7 பின்புறத்தில் மூன்று கேமரா அமைப்பைக் கொண்டுள்ளது, இதில் OIS உடன் 48MP சோனி IMX598 முதன்மை கேமரா, 120 டிகிரி வியூ கொண்ட 13 அல்ட்ராவைடு சென்சார் மற்றும் மோனோ கேமரா ஆகியவை இதில் அடங்கும். IQOO 7 லெஜண்ட் மோனோ கேமராவை 13MP போர்ட்ரெய்ட் சென்சாருக்கு பதிலாக மாற்றியுள்ளது. அதேபோல், லெஜெண்ட் ஸ்மார்ட்போனில் மற்ற கேமரா சென்சார்கள் மாறுபடாமல் அப்படியே இருக்கின்றது. செல்ஃபிகள் மற்றும் வீடியோ அழைப்புகளுக்கு முன்புறத்தில் 16MP செல்பி ஷூட்டர் கேமரா வழங்கப்பட்டுள்ளது.

பேட்டரி மற்றும் பிற அம்சங்கள்

IQOO 7 லெஜண்ட் மற்றும் iQOO 7 ஆகியவை 4000mAh பேட்டரியால் ஆதரிக்கப்படுகின்றது. இது இரண்டு 2000mAh கலங்களாக பிரிக்கப்பட்டு 66W பாஸ்ட் சார்ஜிங்கை ஆதரிக்கிறது. சாதனங்கள் ஹாய்-ரெஸ் ஆடியோவுடன் டூயல் ஸ்டீரியோ ஸ்பீக்கர்களையும், ஹேப்டிக்குகளுக்கு லைனர் மோட்டாரையும் கொண்டுள்ளது. IQOO 7 ஸ்மார்ட்போன் Android 11 ஐ அடிப்படையாகக் கொண்ட iQOO UI இல் இயங்குகிறது. இணைப்பு விருப்பங்களில் இது வைஃபை 6, 4 ஜி எல்டிஇ, டூயல் சிம் ஆதரவு, புளூடூத் v 5.2, என்எப்சி மற்றும் டைப்-சி போர்ட் ஆகியவற்றை வழங்குகிறது.