2026-ல் சம்பவம் இருக்கு.. 7000mAh பேட்டரி.. 50எம்பி கேமரா.. வருகிறது புது iQOO போன்.. எந்த மாடல்?

ஐக்யூ நிறுவனம் தனது புதிய ஐக்யூ 15 அல்ட்ரா (iQOO 15 Ultra) ஸ்மார்ட்போனை வரும் 2026-ம் ஆண்டு பிப்ரவரி மாதம் சீனாவில் அறிமுகம் செய்யும் என்று தகவல் வெளியாகி உள்ளது. குறிப்பாக பிப்ரவரி 17-ம் தேதிக்கு முன்பு இந்த போன் சீனாவில் அறிமுகமாகும். சீனாவில் அறிமுகமான சில வாரங்களில் ஐக்யூ 15 அல்ட்ரா போன் அனைத்து நாடுகளிலும் வெளியாகும் என்று கூறப்படுகிறது.

குறிப்பாக ஐக்யூ 15 அல்ட்ரா ஸ்மார்ட்போன் ஆனது தனித்துவமான வடிவமைப்பு மற்றும் தரமான அம்சங்களுடன் வெளிவரும். மேலும் ஆன்லைனில் வெளியான இந்த போனின் அம்சங்களை இப்போது சற்று விரிவாகப் பார்க்கலாம்.

ஐக்யூ 15 அல்ட்ரா அம்சங்கள் (iQOO 15 Ultra specifications): 6.78-இன்ச் எல்டிபிஒ ஒஎல்இடி (LTPO OLED) டிஸ்பிளே வசதியுடன் இந்த புதிய ஐக்யூ 15 அல்ட்ரா ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. மேலும் இதன் டிஸ்பிளேவில் 2K ரெசல்யூஷன் (2K resolution), 120 ஹெர்ட்ஸ் ரெஃப்ரெஷ் ரேட் உள்ளிட்ட பல்வேறு அம்சங்கள் உள்ளன. எனவே இந்த ஸ்மார்ட்போன் சிறந்த திரை அனுபவத்தைத் தரும்.

ஸ்னாப்டிராகன் 8 எலைட் ஜென் 5 சிப் (Snapdragon 8 Elite Gen 5 chip) வசதியுடன் இந்த புதிய ஐக்யூ 15 அல்ட்ரா ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. எனவே இந்த ஸ்மார்ட்போனில் வீடியோ எடிட்டிங் ஆப் மற்றும் கேமிங் ஆப்களை தடையின்றி பயன்படுத்த முடியும் என்பது குறிப்பிடத்தக்கது.

அதேபோல் கேமிங் பயனர்களை கவரும் வகையில் அட்ரினோ கிராபிக்ஸ் கார்டு உடன் இந்த புதிய ஐக்யூ 15 அல்ட்ரா ஸ்மார்ட்போன் வெளிவரும். மேம்பட்ட AI அம்சங்கள் இந்த ஐக்யூ 15 அல்ட்ரா ஸ்மார்ட்போனில் உள்ளன. குறிப்பாக இந்த போனின் மென்பொருள் வசதிக்கு அதிக கவனம் செலுத்தியுள்ளது ஐக்யூ நிறுவனம்.

50எம்பி மெயின் கேமரா+ 50எம்பி அல்ட்ரா வைடு லென்ஸ் + 50எம்பி டெலிபோட்டோ லென்ஸ் என்கிற ட்ரிபிள் ரியர் கேமரா அமைப்புடன் இந்த ஐக்யூ 15 அல்ட்ரா ஸ்மார்ட்போன் அறிமுகமாகும். குறிப்பாக இந்த ஸ்மார்ட்போன் மூலம் 4கே வீடியோக்களை பதிவு செய்ய முடியும் என்று தெரிவிக்கப்பட்டுள்ளது.

செல்பிகளுக்கும், வீடியோகால் அழைப்புகளுக்கும் என்றே 32எம்பி கேமராவுடன் ஐக்யூ 15 அல்ட்ரா ஸ்மார்ட்போன் வெளிவரும் என்று கூறப்படுகிறது. இதுதவிர எல்இடி பிளாஸ் மற்றும் பல்வேறு கேமரா அம்சங்கள் இந்த ஐக்யூ போனில் உள்ளன. எனவே இந்த புதிய ஐக்யூ போன் மூலம் அசத்தலான படங்கள் மற்றும் வீடியோக்களை எடுக்க முடியும்.

குறிப்பாக இன்-டிஸ்பிளே ஃபிங்கர்பிரிண்ட் சென்சார் (In-display Fingerprint Sensor), யூ.எஸ்.பி டைப்-சி ஆடியோ (USB Type-C audio), ஸ்டீரியோ ஸ்பீக்கர்கள் (Stereo Speakers)உள்ளிட்ட பல சிறப்பான அம்சங்கள் இந்த ஐக்யூ 15 அல்ட்ரா போனில் உள்ளன. மேலும் IP68 தர டஸ்ட் மற்றும் வாட்டர் ரெசிஸ்டன்ட் (Dust & Water Resistant) உடன் இந்த புதிய போன் வெளிவரும்.

7000mAh பேட்டரி உடன் ஐக்யூ 15 அல்ட்ரா ஸ்மார்ட்போன் அறிமுகமாகும். எனவே இந்த ஸ்மார்ட்போன் வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த போன் நீண்ட நேரம் பேட்டரி பேக்கப் வழங்கும். பின்பு இந்த பேட்டரியை 100W பாஸ்ட் சார்ஜிங் ஆதரவு மூலம் விரைவில் சார்ஜ் செய்ய முடியும் என ஐக்யூ நிறுவனம் தெரிவித்துள்ளது.